१ कोरिन्थी 6:5 - परमेश्‍वरए ताँ तमु क्युइर

⁵ क्‍हेमैंलाइ फापिल् लबर्न ङइ चु ताँ बिब् ग: ह्रोंसए आघें-अलिमैं न्होंर्बै आक्ह्रिबै ताँ क्‍ह्रिमिंल् खाँबै बुद्धि मुँबै म्‍हि क्हेमैं न्होंर खाबै आरे वा?

१ कोरिन्थी 6:5 ပူးပေါင်းရင်းမြစ်များ

हितोपदेश 14:8

च्हैंब् मैंब् लल् खाँबै म्हिइ ह्रोंसइ लल् त्हुबै केमैं तो जा बिब् सेम्, दिलेया आमादुमैइ लबै केइ ह्रोंसलाइन न्होह्रों लम्।

चेला चिब्मैंए केमैं 1:15

दे त्हे लिउँइँ येशूए फिर बिश्‍वास लबै प्रसे ङ्हिस्युदे म्हिमैं खागु तमा चमैंए म्हाँजोर पत्रुस रासि बिइ,

चेला चिब्मैंए केमैं 9:13

दिलेया हननियाइ बिइ, “प्रभु, चु म्हिइ यरूशलेमर क्‍हिए म्हिमैं फिर बेल्‍ले दुःख पिंइँमुँ बिबै ताँ ङइ ल्हें म्हिउँइँले थेइमुँ।

१ कोरिन्थी 11:14

मुँयुँमैंइ ह्रिंग्‍यो क्र न्‍हस्‍याँ चए ल्हागिर फापिन् तबै ताँ ग बिसि ह्‍युलर्बै छ्याइ ङ्योलाइ लोमिंम्, आङिं रो वा?

१ कोरिन्थी 15:34

सैं चित्, तारे पिरु पाप के आलद्। छाबै आछ्याँबै केमैं क्‍हेमैंए ल्हागिर फापिन् तबै ताँ ग। छतसि चु ताँ ङइ क्हेमैंने बिल् त्हुम्, तलेबिस्याँ क्‍हेमैंए न्‍होंरि को-कोइ म्हिमैंइ परमेश्‍वरलाइ छेनाले ङो आसेइमुँ।

१ कोरिन्थी 3:18

ह्रोंसैन ह्रोंसलाइ धोका आपिंन्: क्हेमैंए न्होंरि खाबज्‍यै या “चु ह्‍युलर्बै बुद्धि मुँबै म्हि ङन् ग” बिसि मैंम् बिस्याँ क्ह्रोंसेंन्बै बुद्धि मुँबै म्हि तल् खाँरिगे बिसि च बुद्धि आरेबै म्हि धों तल् त्हुम्।

१ कोरिन्थी 4:10

ङिम् ख्रीष्‍टए ल्हागिर बुद्धि आरेब्मैं धोंन् तइमुँ, क्‍हेमैंम् ख्रीष्‍टर बुद्धि मुँब्मैं धों तइमुँ! ङि भों आरेब्मैं धोंन् तइमुँ, क्हेमैंम् भों मुँब्मैं धों तइमुँ! म्‍हिमैंइ क्‍हेमैंलाइ मान लम्, ङिलाइ हेल लम्।

१ कोरिन्थी 4:14

क्‍हेमैंलाइ फाफिन् लबर ङइ चु ताँ प्ह्रिब् आङिं, ह्रोंसए खोबै कोलोमैंलाइ धोंलेन् क्हेमैंलाज्यै या लोदा सैंदा लबर प्ह्रिब् ग।

१ कोरिन्थी 6:1

क्‍हेमैं न्‍होंरि म्हि घ्रि अर्को म्हिने प्होंगि तइ बिस्‍याँ निसाफ लमिंन् बिसि परमेश्‍वरए म्‍हिमैं ङाँर आह्‍याल्‍ले? बिश्‍वास आलबै म्हिमैं ङाँर ह्‍याम्मा?

१ कोरिन्थी 6:4

क्हेमैंए न्होंरि छाबै आक्ह्रिबै ताँ मुँ बिस्याँ, बिश्‍वासीमैंइ तो धोंइ आङ्हाँबै म्हिमैं ङाँर निसाफ लमिंन् बिबर तले ह्‍यामुँ?

याकूब 1:5

क्‍हेमैंए न्‍होंर खाबलाज्यै बुद्धि चैदिस्याँ ह्रिस आखल्‍ले सैं तों-तोंदै पिंबै परमेश्‍वरने ह्रिरिगे। छले ह्रिस्याँ खीजी पिंब्‍मुँ।