१ कोरिन्थी 6:15 - परमेश्‍वरए ताँ तमु क्युइर

¹⁵ क्‍हेमैंए ज्यु ख्रीष्‍टए ज्युर्बै भागमैं ग बिब क्‍हेमैंइ आसे वा? ङइ ख्रीष्‍टए ज्युए भाग घ्रि बोसि फ्यालुस्योए ज्युए भाग लवाब् वा? आङिं, छ कत्ति आतरिगे!

१ कोरिन्थी 6:15 ပူးပေါင်းရင်းမြစ်များ

उत्पत्ति 44:17

दिलेया योसेफइ बिइ, “ङ ङाँइले छाबै के खोंयोंइ तरिब् आरे। नेंदोंर च प्ह्‍येल स्याबै म्हि मत्‍त्रे ङए केब्छैं तब्मुँ। छतसि क्हेमैं छिं ङ्हाँन्ले ह्रोंसए आबा ङाँर सैं तोंदै ह्‍याद्।”

लूका 20:16

च खसि च आधे लब्‍मैं सैवाब्मुँ, धै म्रों अरू म्हिमैंलाइन पिंवाब्मुँ।” चु ताँ थेसि म्हिमैंइ बिइ, “छाबम् खोंयोंइ आतरिगे!”

रोमी 12:5

छलेन ङ्यो ल्‍हेंन् मुँनबिलेया येशूए फिर बिश्‍वास लसेरो खीने घ्रिन् तसि ज्यु घ्रिन् ग। झाइले ङ्यो ताँन् ज्यु घ्रिर्बै स्‍यो स्‍योबै भाग तसि घ्रि घ्रिने गैंदिइमुँ।

रोमी 3:31

येशू ख्रीष्‍टए फिर बिश्‍वास लसिन् मत्‍त्रे परमेश्‍वरए उँइँर ठिक ठर्दिम् बिस्याँ खीए ठिम केर आफेब तइ वा? कत्ति आत! बरु ङ्योइ खीए ठिम छेनाले म्हाँदिम्।

रोमी 3:6

छाबै ताँ कत्ति मैंल् आत! खी ठिक निसाफ लबै परमेश्‍वर ग! आस्याँ खीजी खैले ह्‍युलर्बै म्हिमैंए निसाफ छेनाले लल् खाँम्?

रोमी 6:15

तारे तो बिले? ङ्यो ठिमए न्होंर आरे, दयाम्हाँया न्‍होंर मुँ बिसि पाप लब् वा? आङिं, लल् आत!

रोमी 6:2

कत्ति आङिं! छ लब आत। पापए लेखि ङ्यो सिल् खाँइ, छतसि ङ्यो अझै पापन् लरिब् आ?

रोमी 7:13

छ बिस्याँ छ्याँबै ठिमइ ङलाइन सैवाइ बिब् तम्‍मा? आत! बरु पाप पापए रुपर्न म्रोंरिगे बिसि पापइ छ्याँबै केउँइँले ङलाइ सैवाब् ग। तलेबिस्याँ ठिमइ पाप बेल्‍ले आछ्याँबै सै ग बिसि छेनाले उँइँम्।

रोमी 7:7

छ बिस्‍याँ ङ्यो तो बिले? ठिमन् पाप वा? कत्ति आङिं! ठिम आरेस्याँ ङइ पाप बिब तो जा बिसि आसेमल, तलेबिस्याँ ठिमइ “लोब आलद्” आबिस्‍याँ ङइ लोब लब तो जा बिसि आसेमल,

१ कोरिन्थी 11:3

अझै क्‍हेमैंइ चु ताँ सेरिगे बिब ङए सैं मुँ: ख्रीष्‍ट ताँन् म्हिमैंए क्र ग, झाइले प्युँ प्ह्रेंस्योए क्र ग, परमेश्‍वर ख्रीष्‍टए क्र ग।

१ कोरिन्थी 12:27

क्‍हेमैं ताँन् ख्रीष्‍टए ज्यु ग। झाइले ताँन् म्‍हिमैं च ज्युर्बै भागमैं ग।

१ कोरिन्थी 6:13

छलेन खाबज्‍यै या “चबै सै फोए ल्हागिर ग, धै फो चबै सैए ल्हागिर ग,” बिलै। दिलेया परमेश्‍वरजी ङ्हिंना ङ्हिंनलाइ नास लवाब्‍मुँ। म्‍हिए ज्यु ब्यभिचार लबै ल्हागिर आङिं, प्रभुए सेवा लबै ल्हागिर ग, झाइले ङ्योए ज्युलाइ चैदिबै सै या प्रभुजीन् पिंम्।

१ कोरिन्थी 6:17

दिलेया प्रभु येशूने प्रबै म्हि खीने सैं घ्रि तम्।

१ कोरिन्थी 6:19

परमेश्‍वरजी क्हेमैंलाइ पबित्र प्ल्ह पिंइ, छतसि क्हेमैंए ज्यु पबित्र प्ल्ह टिबै मन्‍दिर ग बिब क्‍हेमैंइ आसे वा? क्‍हेमैं ह्रोंसल्न आङिं, क्‍हेमैं परमेश्‍वरल् ग।

१ कोरिन्थी 6:3

ङ्योइ स्‍वर्गदूतमैंलाज्यै या निसाफ लम् बिबै ताँ क्‍हेमैंइ आसेइमुँ वा? छतसि चु छ्हर तखबै च्यु-च्युथुरि ताँमैंम् ङ्योए ल्हागिर तोइ आङिं।

गलाती 2:17

“ङ्यो यहूदीमैं येशू ख्रीष्‍टए फिर बिश्‍वास लसि परमेश्‍वरए उँइँर ठिक ठर्दिल् म्हैमा अझै ङ्योज्यै या ठिम म्हाँदिब् पिसि आछ्याँबै के लरिब् स्यास्याँ, ख्रीष्‍टजी म्हिमैंलाइ ‘तम् तम्, आछ्याँबै के ललेन् तम्’ बिम् रो वा? आबि! तिफुँइ आबि!

गलाती 3:21

छ बिस्‍याँ ठिम परमेश्‍वरजी फैबै बाछाए बिरोधर तइ वा? आत, छाबै ताँ कत्ति तल् आखाँ! म्हिमैंइ खोंयोंइ आखाँबै छ्ह योंरिगे बिसि ठिम पिंब् ग बिस्याँ, ठिमइ लद् बिबै केमैं लसिन् म्हिमैं परमेश्‍वरए उँइँर ठिक ठर्दिमल।

गलाती 6:14

दिलेया ङ्योए प्रभु येशू ख्रीष्‍टए क्रूसए बारेर बाहेक तोइ सैरै या प्हैंबै ताँ ङ ङाँइँले ह्रेंगोन् तरिगे। खी ङ्योए ल्हागिर क्रूसर सिमिंबइले ह्‍युलर्बै सैमैं ङए ल्हागिर तोइ आङिं, ह्‍युलए ल्हागिर ङ क्रूसर च्योवासि सिब् धोंन् तइ।

एफिसी 4:12

ख्रीष्‍टए ज्यु बडिबै ल्हागिर परमेश्‍वरए ताँन् म्‍हिमैंइ खीए के लरिगे बिसि ख्रीष्‍टजी छाबै बरदानमैं पिंइ।

एफिसी 5:23

ख्रीष्‍ट बिश्‍वासीमैंए क्र तब् धोंले प्युँ प्‍ह्रेंस्‍योए क्र ग। धै बिश्‍वासीमैंलाइ जोगेमिंब ख्रीष्‍टन् ग, धै बिश्‍वासीमैं खीए ज्युन् ग।

एफिसी 5:30

तलेबिस्याँ ङ्यो येशू ख्रीष्‍टए ज्युर्बै भागमैं ग।)

कलस्सी 2:19

छाबै म्‍हिमैं ख्रीष्‍टए लिलि आप्र। ख्रीष्‍ट क्र ग, झाइले बिश्‍वासीमैं ताँन् खीए ज्यु ग, धै ख्रीष्‍टउँइँलेन् ताँन् ज्युइ भों योंम्। छले मत्‍त्रे अँख्ला बाख्लमैं त्हुँसि ज्यु तम्। छतसि परमेश्‍वरए सैंर मैंब् धोंलेन् ज्यु बडिदै ह्‍याम्।