१ कोरिन्थी 6:12 - परमेश्‍वरए ताँ तमु क्युइर

¹² खाबज्‍यै या “ताँन् सै ङए ल्हागिर ठिक मुँ” ङ्हाँलै, दिलेया ताँन् सै केर फेब् आरे। छलेन ङज्यै या “ताँन् सै ङए ल्हागिर ठिक मुँ” बिल् खाँम्, दिलेया ङ तोइ सैए न्होंर टिरिब् आरे।

१ कोरिन्थी 6:12 ပူးပေါင်းရင်းမြစ်များ

यूहन्‍ना 5:10

छतसि को-कोइ यहूदी चिबनाँब्मैंइ च सबै म्हिने बिइ, “तिंयाँ प्रिबै त्हिंइ ग। छतसि क्‍हिइ क्‍ल्‍ह्‍यो नोइ प्रब आत।”

रोमी 7:14

ठिम पबित्र प्ल्हउँइँले खबै छ्याँबै सै ग बिसि ङ्योइ सेइमुँ, दिलेया ङ ह्रोंसए सैंर मैंब् धोंले आछ्याँबै केमैं लप्रबै म्हि तबइले ङ केब्छैं तयाइमुँ धै चए न्होंर मुँ।

१ कोरिन्थी 8:4

छतसि कुर चडेबै सै चल् तम् उ आत बिबै ताँ ङ्योइ सेइमुँ, “परमेश्‍वर घ्रि मत्‍त्रे मुँ, कु परमेश्‍वर आङिं।” कु म्हिए योइ बनेबै सै मत्‍त्रे ग।

१ कोरिन्थी 9:12

क्‍हेमैंउँइँले अरूमैंइ चैदिबै सैमैं योंम् बिस्याँ, झन् ङिइमि क्‍हेमैंउँइँले ल्हें योंल् त्हुम्। दिलेया ङिइ चु हग आम्हैइमुँ। बरु ख्रीष्‍टउँइँले खबै सैं तोंबै ताँ म्हिमैंने बिप्रमा क्‍हेमैंए फिर तोइ दुःख आतरिगे बिसि ङिइ तोन्दोंरि दुःख सैदिइ।

१ कोरिन्थी 9:27

ङइ ह्रोंसए ज्यु भोंब् लबै ल्हागिर तालिम पिंब् धोंले ह्रोंसए न्होंर थेंम्। तले छ लम् बिस्‍याँ ङइ अरूमैंलाइ “खेलर भों लद्” बिसेरो ङ फेल आतरिगे बिसि छ लब् ग।

२ थेसलोनिकी 3:9

ङिइ छलेन् चब् थुँब् योंबै हक मुँल, दिलेया ङिइ लब् धोंले क्‍हेमैंज्‍यै या लरिगे बिसि ङिइ छ लइ।

यहूदाइ प्‍ह्रिबै प्ह्रिछ्या 1:12

संगति लल् खाँसि चब् थुँब् लमा चुमैं पि आरेल्‍ले चब्मैं ग। तलेबिस्याँ चमैंइ खाबलाज्यै या वास्ता आल, अरूइ चल् योंरिगे उ आयोंरिगे चमैंलाइ न्हुँ आरे। चमैं थेबै खैंइ नोइ बोवाबै नाँ आरेबै न्‍हाँम्‍स्यो धों तब्मैं ग। झाइले रो आरोबै सर्खर्बै सिं धुँ धों तब्मैं ग, ङ्हिब्‍ले सियाबै धुँमैं धोंले चमैं जराउँइँलेन् स्‍युवाइमुँ।