१ कोरिन्थी 5:5 - परमेश्‍वरए ताँ तमु क्युइर

⁵ तारेसेरो चइ छाबै पाप केमैं आलरिगे, धै प्रभु येशू युबै त्हिंइर चए प्ल्ह सोरिगे बिसि च म्हिलाइ दुष्‍टए योर पिंवाँन्।

१ कोरिन्थी 5:5 ပူးပေါင်းရင်းမြစ်များ

भजनमैं 109:6

छतसि ङए शत्‍तुरए बिरोध लबै ल्हागिर दुष्‍ट म्हि घ्रि त्हाँन्; धै चए फिर छ्याब् ल्हैदिबै म्हि चए क्योलोउँइँ राल् पिंन्।

हितोपदेश 23:14

प्हरेइ प्रिंसि चलाइ सजैं पिंन्; छलमा क्हिइ चलाइ नरकउँइँले जोगेब्मुँ।

मत्ती 4:10

छबिमा येशूजी चने बिइ, “दुष्‍ट, क्हि ङ ङाँइँले ह्रेंगो तयाद्! तलेबिस्याँ ‘क्‍हिइ याहवेह ह्रोंसए परमेश्‍वरलाइ फ्‍योदु, धै खीए सेवा मत्‍त्रे लद्,’ बिसि परमेश्‍वरए छ्वेर प्‍ह्रिइमुँ।”

लूका 22:31

“ओ सिमोन, सिमोन, थेद्! म्हिमैंइ नौलिर गहुँ टाब् धोंले दुष्‍टइ क्‍हि टाल् योंरिगे बिसि यो छ्युँ लइमुँ।

चेला चिब्मैंए केमैं 26:18

चमैं मिछु खैबाउँइँले चारबै व्हेर खरिगे धै दुष्‍टए शक्‍तिउँइँले फ्रेसि परमेश्‍वरउँइँ एरिगे बिसि क्हिइ चमैंए मि थोंमिंन्। छले चमैंइ पापए क्षमा योंब्मुँ धै ङए फिर बिश्‍वास लसि पबित्र तबै म्हिमैं टिबै क्ल्ह्‍योर चमैं टिल् योंब्मुँ।’

१ कोरिन्थी 1:8

ङ्योए प्रभु येशू ख्रीष्‍ट युबै त्हिंइर क्‍हेमैंलाइ तोइ छ्याब् आरेब लमिंरिगे बिसि खीजीन् लिउँइँ समा क्हेमैंए बिश्‍वासर भोंब लमिंब्मुँ।

१ कोरिन्थी 11:32

दिलेया प्रभुजी ङ्योए निसाफ लमा खीए फिर बिश्‍वास आलब्मैं धोंलेन् ङ्यो या नास आतरिगे बिसि ङ्योलाइ तार झोंम्।

१ कोरिन्थी 5:13

बैरुबै म्हिमैंए निसाफ परमेश्‍वरजीन् लमुँ। छतसि “क्‍हेमैंए न्होंउँइँले दुष्‍ट म्हिमैं तेवाद्।” बिसि परमेश्‍वरए छ्वेर बिइमुँ।

२ कोरिन्थी 10:6

ङिइ लद् बिबै केमैं ताँन् क्‍हेमैंइ लल् खाँबै लिउँइँ ङिइ बिब् आङिंब्‍मैंलाइ दण्‍ड पिंबर ङि तयार तब्‍मुँ।

२ कोरिन्थी 12:7

दिलेया छाबै औदिबै दर्शनमैं ङइ ल्हें म्रोंलेया ङ थेब् आप्‍हैंरिगे बिसि प्रभुजी ङए ज्युर पुजु घ्रि थेंमिंइ। ङ थेब् आप्हैंरिगे बिसि च पुजु अथबा दुष्‍टए दूत घ्रि ङलाइ ह्रुगुदिबर थेंमिंइ।

२ कोरिन्थी 13:10

क्‍हेमैं ङाँर ङ खमा प्रभुजी ङलाइ पिंबै अधिकारउँइँले ङइ क्‍हेमैलाइं हौदिल् आत्‍हुरिगे बिसि क्‍हेमैंने ह्रेंगो मुँमा ङइ चु प्ह्रिछ्या प्ह्रिइमुँ। क्‍हेमैंए न्होह्रों लबर च अधिकार ङलाइ पिंब आङिं, बरु क्‍हेमैं छ्याँब् तरिगे बिसि पिंब् ग।

फिलिप्पी 1:6

परमेश्‍वरजी क्हेमैंए न्होंरि छ्याँबै के तों लइ, खीजीन् येशू ख्रीष्‍ट युबै त्हिंइ समा च के नुमिंब्मुँ बिसि ङइ बिश्‍वास लइमुँ।

१ तिमोथी 1:20

चमैं न्होंरि हुमेनियस नेरो अलेक्जेन्डर बिब छाबै म्‍हिमैं ग। चमैंइ परमेश्‍वरए बारेर आछ्याँबै ताँ आपोंरिगे बिसि ङइ चमैं दुष्‍टए योर्न पिंवाइ।

२ तिमोथी 1:18

प्रभुइ निसाफ लबै त्हिंइर चइ प्रभुउँइँले आशिक योंरिगे। ङ एफिससर मुँमै या चइ ङ बेल्‍ले ल्होमल बिसि क्‍हिज्यै सेइमुँ।

२ पत्रुस 3:12

परमेश्‍वरए निसाफ लबै त्हिंइलाइ पैंरिल् त्‍हुम्। झाइले प्रभु येशू युबै त्हिंइ युनन तरिगे बिसि बेल्‍ले सैं झोंसि खीए के लद्। च त्हिंइर मुर मि लुँब्मुँ, धै चर मुँबै सैमैं ताँन् मिए राबाइ बिलिदिवाब्‍मुँ।

१ यूहन्‍ना 5:16

खाबज्‍यै या ह्रोंसए बिश्‍वासी अलि-अङाँइ पाप लरिब् म्रोंस्‍याँ, चइ लबै पाप केमैं नर्गर्न ह्‍याल् त्हुबै खालर्बै आङिंस्‍याँ, च अलि-अङाँए ल्हागिर चइ प्राथना लल् त्‍हुम्, धै नर्गर्न ह्‍याल् त्हुबै खालर्बै पाप आलबै म्हिलाइ परमेश्‍वरजी खोंयोंइ आखाँबै छ्ह पिंब्मुँ। दिलेया नर्गर्न ह्‍याल् त्हुबै खालर्बै पाप या मुँ। छाबै पाप केमैं लबै म्हिए ल्हागिर बिस्याँ परमेश्‍वरने प्राथना लमिंरिगे बिसि ङइ आबि।