१ कोरिन्थी 5:4 - परमेश्‍वरए ताँ तमु क्युइर

⁴ क्‍हेमैं ङ्योए प्रभु येशूए मिंर खागु तमा ङए सैं या क्‍हेमैंने बालु तमुँ। धै ङ्योए प्रभु येशूए शक्‍तिए के चर तब्मुँ।

१ कोरिन्थी 5:4 ပူးပေါင်းရင်းမြစ်များ

मत्ती 16:19

ङइ स्‍वर्गर्बै ग्याल्सए साँजुमैं क्‍हिए योर पिंब्‍मुँ। क्हिइ पृथ्‍बीर तो फैब्मुँ च स्वर्गर फैब्मुँ, धै क्हिइ पृथ्‍बीर तो प्ल्हब्मुँ च स्वर्गरै या प्ल्हब्मुँ।”

मत्ती 18:20

तलेबिस्याँ खनिर म्‍हि ङ्हिदे सोंदे ङए मिंर खागु तमुँ, चमैंए म्‍हाँजोरि ङ तब्‍मुँ।”

मत्ती 28:18

छतमा येशू चमैं ङाँर खसि बिइ, “स्वर्ग नेरो पृथ्‍बीर्बै तोन्दोंरि हग परमेश्‍वरजी ङने पिंइमुँ।

मत्ती 28:20

झाइले ङइ क्‍हेमैंने ल्हैदिबै आलसि आतबै ताँन् केमैं लद् बिसि चमैंलाइ लोमिंन्। थेद्! ह्‍युल नुयाबै त्हिंइ समा ङ खोंयोंन् बिलै क्‍हेमैंने बालुन् तब्मुँ।”

यूहन्‍ना 20:23

खाबै पाप क्हेमैंइ क्षमा लमुँ, चमैंए पाप क्षमा तमुँ। छलेन खाबै पाप क्हेमैंइ क्षमा आल, चमैंए पाप क्षमा आत।”

चेला चिब्मैंए केमैं 16:18

चइ ल्हें त्हिंइ समा छान् बिरिइ। छतमा पावल छोंरों ङ्हाँसि फनक्‍क तोसि च मोंने बिइ, “येशू ख्रीष्‍टए मिंर क्हि च च्हमिरि ङाँइले त्होंसि ह्‍याद्।” छ बिबै तोंदोंन् च मों त्होंह्‍याइ।

चेला चिब्मैंए केमैं 3:6

झाइले पत्रुसइ चने बिइ, “ङने मारा चाँदि आरे, दिलेया ङने तो मुँ चन् ङइ क्हिलाइ पिंस्यो। नासरतर्बै येशू ख्रीष्‍टए मिंर रेसि प्रह्‍याद्।”

चेला चिब्मैंए केमैं 4:30

झाइले नबै म्हिमैं सल् लमिंबर क्हिजी ह्रोंसए यो स्योंमा, ह्रोंसए सेवा लबै पबित्र येशूए मिंउँइँले औदिबै केमैं नेरो चिनुमैं तरिगे।”

२ कोरिन्थी 13:10

क्‍हेमैं ङाँर ङ खमा प्रभुजी ङलाइ पिंबै अधिकारउँइँले ङइ क्‍हेमैलाइं हौदिल् आत्‍हुरिगे बिसि क्‍हेमैंने ह्रेंगो मुँमा ङइ चु प्ह्रिछ्या प्ह्रिइमुँ। क्‍हेमैंए न्होह्रों लबर च अधिकार ङलाइ पिंब आङिं, बरु क्‍हेमैं छ्याँब् तरिगे बिसि पिंब् ग।

२ कोरिन्थी 13:3

छतसि ङउँइँले ख्रीष्‍ट पोंम् उ आपों बिब क्‍हेमैंइ प्रमाण म्हैम् बिस्याँ छेनाले मैंन्, ख्रीष्‍टजी क्‍हेमैंए म्हाँजोर खाबलाज्यै आफेलल्‍ले निसाफ लमा खी आभोंब् तरिब् आरे, खी बेल्‍ले भोंब् तब्मुँ।

२ कोरिन्थी 2:6

क्‍हेमैं न्‍होंर्बै ल्हें म्‍हिमैंइ चलाइ सजैं पिंसेरो तइ।

एफिसी 5:20

झाइले खोंयोंन् बिलै तोन्दोंरि सैए ल्हागिर प्रभु येशू ख्रीष्‍टए मिंर परमेश्‍वर आबालाइ धन्‍यबाद पिंन्।

कलस्सी 3:17

क्हेमैंइ तो ताँ पोंलेया, तो के ललेया, येशूउँइँलेन् परमेश्‍वर आबालाइ धन्यबाद पिंदै प्रभु येशूए मिंर लद्।

२ थेसलोनिकी 3:6

ओ अलि-अङाँमैं, ङ्योए प्रभु येशू ख्रीष्‍टए मिंर ङिइ क्हेमैंने बिमुँ: ङिइ क्हेमैंने लोमिंबै ताँर आप्रबै प्ल्हेउ अलि-अङाँमैंउँइँले स्‍योले टिद्।