१ कोरिन्थी 5:10 - परमेश्‍वरए ताँ तमु क्युइर

¹⁰ ङइ बिल् म्हैबै ताँ, प्रभु येशूलाइ आम्हाँदिबै ब्यभिचार लब्‍मैंने, लोबिमैंने, लुडिब्मैंने, कु पूजा लब्‍मैंने कत्ति आप्रद् बिब आङिं। चमैंने आप्रइ बिस्याँम् क्‍हेमैं चु ह्‍युलउँइँले त्‍होंह्‍याल् त्‍हुमल।

१ कोरिन्थी 5:10 ပူးပေါင်းရင်းမြစ်များ

लूका 18:11

फरिसीइ रासि सैं न्हों-न्हों छले प्राथना लइ, ‘ओ परमेश्‍वर, ङ क्हिलाइ धन्‍यबाद पिंमुँ, तलेबिस्याँ ङ अरू म्‍हिमैं धोंले लोब लब, स्योर तेब, च्हमिरिमैंए फिर आछ्याँबै सैं मैंबै म्हि आङिं, धै चु बालि रेबै म्‍हि धों तबै या ङ आङिं।

यूहन्‍ना 15:19

क्‍हेमैं चु ह्‍युलर्बै आङिं, क्हेमैं चु ह्‍युलर्बै ङिंस्याँम् ह्‍युलर्बै म्हिमैंइ क्हेमैं ह्रोंसल धों ङ्हाँसि म्हाँया लमल। ङइ क्हेमैं चु ह्‍युलउँइँले त्हाँइ। छतसि ह्‍युलर्बै म्हिमैंइ क्हेमैंलाइ हेल लम्।

यूहन्‍ना 17:6

“क्हिजी ह्‍युलउँइँले त्हाँसि ङने पिंबै म्हिमैंलाइ ङइ क्हि ङो सेल् पिंइँमुँ। चमैं क्हिल्ना मुँल दिलेया क्हिजी चमैं ङलाइ पिंइँमुँ। चमैंइ क्हिए ताँमैं ङिंइँमुँ।

यूहन्‍ना 17:9

“ङ चमैंए ल्हागिर प्राथना लमुँ। ह्‍युलर्बै म्हिमैंए ल्हागिर प्राथना आल, दिलेया क्हिजी ङने पिंबै म्हिमैंए ल्हागिर ङ प्राथना लमुँ, तलेबिस्याँ चमैं क्हिलन् ग।

यूहन्‍ना 8:23

धबै येशूजी चमैंने बिइ, “क्‍हेमैं न्होंउँइँबै ग। ङ क्‍होउँइँबै ग। क्‍हेमैं चु ह्‍युलर्बै ग। ङ चु ह्‍युलर्बै आङिं।

१ कोरिन्थी 1:20

छतसि बुद्धि मुँब्मैं खनिर मुँ? छ्वेर्बै ताँ लोमिंब्मैं खनिर मुँ? चु जुगर्बै ह्रब्-सेब्मैं खनिर मुँ? परमेश्‍वरजी ह्‍युलर्बै बुद्धि मुँब् प्हैंब्मैंलाइ आमादु आलइमुँ वा?

१ कोरिन्थी 10:27

छलेन येशूए फिर बिश्‍वास आलब्‍मैं खाबै मुँलेया क्‍हेमैंलाइ चब् चबर न्हिम्तो लइबिस्‍याँ, क्‍हेमैं या ह्‍याबै सैं मुँस्‍याँ, क्‍हेमैंलाइ तो सै चल् पिंमुँ, च सै तोइ संका आलल्‍ले चद्। चु कुर चडेबै सै वा बिसि आङ्योएद्।

१ कोरिन्थी 5:11

ङइ बिल् म्हैबै ताँ तो जा बिस्‍याँ, “ङ प्रभु येशूए फिर बिश्‍वास लबै म्हि ग” बिमुँ दिलेया चइ आछ्याँबै केमैं, व्यभिचार, लोबि, कु पूजा लब, गाल् केब, प्हा को तब, ह्‍योब, छाबै के लइबिस्‍याँ चने बालु प्रब्-टिब आलद्।

१ कोरिन्थी 5:9

ङइ क्‍हेमैंलाइ ओंसों प्‍ह्रिबै प्ह्रिछ्यार ब्यभिचार लब्‍मैंने बालु आप्रद् बिसि प्‍ह्रिल।

२ कोरिन्थी 4:4

परमेश्‍वर खैब मुँ, ख्रीष्‍टै या छाबन् मुँ। खी ङाँइँले खबै सैं तोंबै ताँ आक्होरिगे बिसि चु ह्‍युलर्बै देवताइ बिश्‍वास आलब्मैंए सैंर्बै मिइ च ताँ म्रोंल् आखाँब लवाइमुँ।

एफिसी 2:2

च त्हेर क्‍हेमैं चु ह्‍युलर्बै रोसर प्रमल, धै शक्‍ति मुँबै मुर टिबै सैमैंए चिबलाइ म्‍हाँदिमल। तिंजोरो या परमेश्‍वरलाइ आम्‍हाँदिब्‍मैं च चिबए न्होंर्न टिइमुँ।

फिलिप्पी 2:15

छले क्‍हेमैं तोइ छ्याब् आरेब तसि परमेश्‍वर ङो आसेब्मैंए म्हाँजोर तोइ खोट आरेबै परमेश्‍वरए सन्तान तद्। छतस्याँ परमेश्‍वर ङो आसेब्मैंए उँइँर क्‍हेमैं मुसारा धोंले चारब्मुँ।

१ यूहन्‍ना 4:5

च स्‍योलिबै ताँ पोंब्‍मैंइ चु ह्‍युलर्बै ताँमैं पोंम्। चमैं चु ह्‍युलर्बै तबइले चु ह्‍युलर्बै म्‍हिमैंइ चमैंए ताँ क्वेंम्।

१ यूहन्‍ना 4:7

ओ ङइ खोबै थुमैं, ङ्योइ घ्रिइ घ्रिने सैं न्होंउँइँलेन् म्हाँया लले, तलेबिस्याँ छाबै म्हाँया परमेश्‍वरउँइँले युम्। आगुए फिर सैं न्होंउँइँलेन् म्हाँया लबै म्हि परमेश्‍वरए प्हसे ग, धै परमेश्‍वरलाइ ङो सेम्।

१ यूहन्‍ना 5:19

ङ्योइ चु ताँ या सेइमुँ: चु ह्‍युलर्बै म्‍हिमैं दुष्‍टए न्होंर मुँ, ङ्यो बिस्याँ परमेश्‍वरए म्हिमैं ग।

दर्शन 12:9

मिखाएलइ च थेबै अजिङ्गरलाइ स्‍वर्गउँइँले भ्‍योंवाइ। च अजिङ्गर स्‍योंम्‍बै प्‍हुरि ग, चलाइ स्‍युर्गु नेरो दुष्‍ट बिम्। चइ ताँन् ह्‍युलर्बै म्‍हिमैंने स्‍योर तेसि लुइमुँ। च नेरो चए दूतमैंलाइ परमेश्‍वरए दूतमैंइ पृथ्‍बीर भ्‍योंवाइ।