१ कोरिन्थी 4:2 - परमेश्‍वरए ताँ तमु क्युइर

² परमेश्‍वरए छाबै के लब्मैं ताँनइ भर लल् खाँब्मैं तल् त्हुम्।

१ कोरिन्थी 4:2 ပူးပေါင်းရင်းမြစ်များ

हितोपदेश 13:17

स्योलिबै ताँ बिप्रबै म्हिए फिर दु:ख खम्, दिलेया भर लल् खाँबै ताँ पोंबै म्हिइ प्ल्होंरिबै सैं छि ङ्‍हाँन् लम्।

मत्ती 25:21

“चए के म्रोंसि क्ल्हेजी चने बिइ, ‘स्‍याबास! क्‍हि छ्याँबै के लब नेरो भर लल् खाँब् तइ! क्हि च्युगुदे सैरै या भर लल् खाँब् तइ। छतसि तारे ङइ ल्‍हें सैमैंए जिम्मा क्हिलाइ पिंब्मुँ। क्हि ह्रोंसए क्ल्हेने बालुन् सैं तोंन्ले टिद्।’

मत्ती 25:23

“चए के म्रोंसि क्ल्हेजी चने बिइ, ‘स्‍याबास! क्‍हि छ्याँबै के लब नेरो भर लल् खाँब् तइ! क्हिइ च्युगुदे सैरै या छ्याँबै के लसि भर लल् खाँब् तइ। छतसि तारे ङइ ल्‍हें सैमैंए जिम्मा क्हिलाइ पिंब्मुँ। क्हि ह्रोंसए क्ल्हेने बालुन् सैं तोंन्ले टिद्।’

लूका 12:42

प्रभु येशूजी बिइ, “भर लल् खाँब नेरो बुद्धि मुँबै म्हि खाब् जा? धिं क्‍ल्‍हेइ ह्रोंसए धिंर्बै तोन्दोंरि सैए जिम्‍मा पिंसि ह्‍याबै लिउँइँ भर लल् खाँब नेरो बुद्धि मुँबै म्हिइ अरू केब्छैंमैंलाइ चब् थुँबै तौदु छेनाले लमिंम्।

१ कोरिन्थी 4:1

छतसि ङिलाइ येशू ख्रीष्‍टए के लब्मैं नेरो परमेश्‍वरउँइँले खबै बुद्धिए ताँमैं ङिए जिम्‍मार थेंइमुँ बिसि म्हिमैंइ मैंल् त्‍हुम्।

१ कोरिन्थी 4:17

ङइ क्हेमैं ङाँर प्रभुए फिर बिश्‍वास लबै खोबै तिमोथी कुलइमुँ। च ङए च्‍ह धोंन् तब् ग। ङइ क्ल्ह्‍यो-क्ल्ह्‍योर्बै बिश्‍वासीमैंलाइ लोमिंब् धोंलेन् ख्रीष्‍टर ङइ खैबै छ्ह थोइमुँ बिबै ताँ चइ क्‍हेमैंने बिब्‍मुँ।

१ कोरिन्थी 4:3

क्हेमैंइ ङए फिर छ्याब् ल्हैदिलेया, थे-थेबै अदालतर बोसि दोष ल्हैदिलेया, ङ तोइ धोंइ आङ्हाँ। ङइ छ्याँबै केमैं लइमुँ उ आलइमुँ बिसि ङइ ह्रोंसलाज्यै या जाँच आल।

१ कोरिन्थी 7:25

तारे कन्‍येमैंए बारेर प्रभु येशूउँइँले बिल् त्‍हुबै ताँ ङने तोइ आरे। दिलेया प्रभु येशूउँइँले दयाम्हाँया योंसि ङ म्हिमैंइ क्वेंल् खाँबै म्हि तबइले ङइ क्‍हेमैंलाइ सल्‍ला पिंम्।

२ कोरिन्थी 2:17

ल्हें म्हिइ धोंले परमेश्‍वरए ताँ छों लब्मैं ङि आङिं, तलेबिस्याँ ङिलाइमि परमेश्‍वरजीन् कुल्‍मिंब् ग। छतसि ङि ख्रीष्‍टए सेवा लसि खीए ओंसों स्योर ताँ आकोंल्‍ले परमेश्‍वरए ताँ पोंमुँ।

२ कोरिन्थी 4:2

छलु-म्हिलु नेरो फा पिन् तबै केमैं ङिइ पिवाइमुँ। छलेन ङिइ परमेश्‍वरए ताँमैं म्हिमैंने बिप्रमा स्योलिबै ताँमैं कोंसि आबि। बरु म्हिमैंलाइ क्ह्रोंसेंन्बै ताँ उँइँमिंसि परमेश्‍वर नेरो म्हिमैंए उँइँर ह्रोंसलाइ ठिक ठर्दिबै केमैं ङि लम्।

कलस्सी 1:7

ङिने बालु के लबै खोबै थु इपाफ्रासउँइँले क्हेमैंइ सैं तोंबै ताँ थेइ। चइ क्हेमैंए ल्हागिर येशू ख्रीष्‍टए भर पर्दिल्‍ले के लइमुँ।

कलस्सी 4:17

झाइले अर्खिप्पसने ङउँइँले “क्‍हिइ प्रभुए सेवा खैले लल् त्‍हुम् बिसि जिम्‍मा योंइमुँ, च के पूरा लद्,” बिसि बिमिंन्।

कलस्सी 4:7

ङ्योए खोबै अलि तुखिकसइ ङए बारेर्बै ताँन् ताँ क्‍हेमैंने बिमिंब्‍मुँ। च प्रभुए केर ङ्योने बा-बालुन् प्रबै बिश्‍वास मुँबै म्हि ग।