१ कोरिन्थी 4:19 - परमेश्‍वरए ताँ तमु क्युइर

¹⁹ दिलेया प्रभुए सैं मुइबिस्‍याँ ङ क्‍हेमैं ङाँर युनन् खब्मुँ। धै च थेब् प्हैंसि प्रब्मैंए ताँ आङिं, चमैंए के लबै शक्‍ति क्होब्मुँ।

१ कोरिन्थी 4:19 ပူးပေါင်းရင်းမြစ်များ

चेला चिब्मैंए केमैं 18:21

धै पावलइ चमैंने बिइ, “परमेश्‍वरए इच्छा मुँस्याँ ङ धबै क्हेमैं ङाँर खब्मुँ।” छ बिसि क्यु झाजर क्रेसि एफिससउँइँले ह्‍याइ।

चेला चिब्मैंए केमैं 19:21

चु ताँमैं तबै लिउँइँ, पबित्र प्ल्हजी बिब् धोंले पावल माकेडोनिया नेरो अखैया ह्‍युलए घ्याँ तसि यरूशलेम ह्‍याबै सैं लइ। “धै चर फेबै लिउँइँ ङ रोम सहरर खैलसेया ह्‍यालन् त्हुम्,” बिइ।

चेला चिब्मैंए केमैं 20:2

च क्ल्ह्‍योजरे या चेलामैंए सैं क्होबै ताँ बिमिंसि च ग्रिस बिबै ह्‍युलर ह्‍याइ।

रोमी 15:32

झाइले परमेश्‍वरए इच्छा मुँस्याँ ङ यरूशलेमउँइँले क्‍हेमैं ङाँर सैं तोंन्लेन् खब्मुँ, झाइले ङ्यो सैं तोंन्ले बालुन् टिस्यो।

१ कोरिन्थी 11:34

बरु क्‍हेमैंइ प्रभु भोज चमा परमेश्‍वरजी दोषि आठर्दिरिगे बिसि क्‍हेमैं न्‍होंरि को-कोइ फो ख्रेंस्‍याँ धिंर्न चद्। अरू ताँमैं ङ क्‍हेमैं ङाँर खसि लस्यो।

१ कोरिन्थी 14:5

क्‍हेमैं ताँनइ म्हिमैंइ क्होल् आखाँबै क्युइ पोंरिगे बिब ङइ ङ्हाँइमुँ, दिलेया च भन्दा अगमबाणि पोंल् खाँरिगे ङ्हाँइमुँ। म्हिमैंइ क्होल् आखाँबै क्युइ पोंब् भन्दा अगमबाणि पोंब बेल्‍ले छ्याँब ग। दिलेया ताँन् बिश्‍वासीमैंइ क्होरिगे बिसि आक्होबै क्युइए अर्थ खोल्दिबै म्‍हि मुँस्‍याँ ठिक तम्।

१ कोरिन्थी 16:5

ङला माकेडोनिया ह्‍युलर ह्‍याल् त्हुबै के मुँ। छतसि माकेडोनियाउँइँलेन् ङ क्‍हेमैंने त्होबर खम्।

१ कोरिन्थी 16:7

चु लार ङ क्‍हेमैंने दे त्हे मत्‍त्रे आङिं, प्रभुजी ङलाइ टिल् पिंस्‍याँ ङ क्‍हेमैंने ल्‍हेन् टिबै सैं मुँ।

१ कोरिन्थी 2:6

दिलेया परमेश्‍वरए फिर बिश्‍वासर भोंब्मैंए उँइँर ङ्यो बुद्धिए ताँमैं या पोंम्। ङ्योइ पोंबै बुद्धिए ताँमैं चु ह्‍युलर्बै आङिं, ह्‍युलर ग्याल्स लब्मैंउँइँले खबै या आङिं। (चु ह्‍युलर ग्याल्स लब्मैं नास तयाम्।)

१ कोरिन्थी 4:18

ङ क्हेमैं ङाँर आखलै ङ्हाँसि क्‍हेमैंए न्‍होंरै या को-कोइ थेब् प्हैंसि प्रइमुँ रो।

१ कोरिन्थी 4:6

ओ अलि-अङाँमैं, क्हेमैं बिब् धों तरिगे बिसि ङइ क्हेमैंने अपोल्‍लस नेरो ङए नमुना उँइँसि चु ताँमैं प्ह्रिइमुँ। तलेबिस्याँ ङि धोंलेन् क्हेमैं या परमेश्‍वए छ्वेर बिब् धोंले छ्ह थोल् खाँरिगे, धै क्हेमैं न्होंरि खाबज्यै या कोइलाइ थेब् लब कोइलाइ च्योंब् लबै के आतरिगे।

२ कोरिन्थी 1:23

ङए खोंर्बै ताँ सेबै परमेश्‍वरए मिंर ङ क्हेमैंने बिमुँ: क्‍हेमैं कर आयोंन् आतरिगे बिबै सैं मैंसि ङ कोरिन्‍थर आखब् ग।

२ कोरिन्थी 10:9

ङइ क्हेमैंलाइ प्‍ह्रिबै प्ह्रिछ्यामैं क्‍हेमैंलाइ ङ्हिंन् लबर प्ह्रिब् ग बिसि आमैंन्।

हिब्रू 6:3

बरु परमेश्‍वरजी बिब् धोंलेन् ङ्यो ओंसों बडिले।

याकूब 4:15

बरु “प्रभुए सैं मुँस्याँ ङि सोसि छ लब्मुँ छु लब्मुँ,” बिसि क्हेमैंइ बिल् त्हुमल।