१ कोरिन्थी 4:17 - परमेश्‍वरए ताँ तमु क्युइर

¹⁷ ङइ क्हेमैं ङाँर प्रभुए फिर बिश्‍वास लबै खोबै तिमोथी कुलइमुँ। च ङए च्‍ह धोंन् तब् ग। ङइ क्ल्ह्‍यो-क्ल्ह्‍योर्बै बिश्‍वासीमैंलाइ लोमिंब् धोंलेन् ख्रीष्‍टर ङइ खैबै छ्ह थोइमुँ बिबै ताँ चइ क्‍हेमैंने बिब्‍मुँ।

१ कोरिन्थी 4:17 ပူးပေါင်းရင်းမြစ်များ

हितोपदेश 13:17

स्योलिबै ताँ बिप्रबै म्हिए फिर दु:ख खम्, दिलेया भर लल् खाँबै ताँ पोंबै म्हिइ प्ल्होंरिबै सैं छि ङ्‍हाँन् लम्।

मत्ती 24:45

“भर लल् खाँब नेरो बुद्धि मुँबै केब्छैं खैबै तम्? च केब्छैंने क्ल्हेइ ‘धिंर्बै केब्‍छैंमैं चब-थुँब ठिक त्हेर पिंन्’ बिसि चए जिम्‍मार वाथेंम्।

मत्ती 25:21

“चए के म्रोंसि क्ल्हेजी चने बिइ, ‘स्‍याबास! क्‍हि छ्याँबै के लब नेरो भर लल् खाँब् तइ! क्हि च्युगुदे सैरै या भर लल् खाँब् तइ। छतसि तारे ङइ ल्‍हें सैमैंए जिम्मा क्हिलाइ पिंब्मुँ। क्हि ह्रोंसए क्ल्हेने बालुन् सैं तोंन्ले टिद्।’

मत्ती 25:23

“चए के म्रोंसि क्ल्हेजी चने बिइ, ‘स्‍याबास! क्‍हि छ्याँबै के लब नेरो भर लल् खाँब् तइ! क्हिइ च्युगुदे सैरै या छ्याँबै के लसि भर लल् खाँब् तइ। छतसि तारे ङइ ल्‍हें सैमैंए जिम्मा क्हिलाइ पिंब्मुँ। क्हि ह्रोंसए क्ल्हेने बालुन् सैं तोंन्ले टिद्।’

चेला चिब्मैंए केमैं 16:1

पावल डर्बि नेरो लुस्‍त्रा बिबै सहररै या खइ। चर तिमोथी मिं मुँबै चेला घ्रि मुँल। चए आमा येशूए फिर बिश्‍वास लबै यहूदीस्यो मुँल, आबा बिस्याँ ग्रिक ह्रेंर्बै म्हि मुँल।

१ कोरिन्थी 11:16

दिलेया चु ताँए बारेर को-कोइइ तोइ बिदा ङ्हाँम् बिस्‍याँ ङइ चमैंने बिमुँ, ङिए न्होंरि अरू तोइ रोसमैं आरे, परमेश्‍वरए बिश्‍वासीमैं न्‍होंरै या अरू तोइ रोसमैं आरे।

१ कोरिन्थी 11:2

ङइ क्‍हेमैंलाइ स्‍याबासि पिंम्, तलेबिस्याँ क्‍हेमैंइ खोंयोंन् बिलै ङलाइन मैंसि ङइ लोमिंब् धोंले लरिइमुँ।

१ कोरिन्थी 11:34

बरु क्‍हेमैंइ प्रभु भोज चमा परमेश्‍वरजी दोषि आठर्दिरिगे बिसि क्‍हेमैं न्‍होंरि को-कोइ फो ख्रेंस्‍याँ धिंर्न चद्। अरू ताँमैं ङ क्‍हेमैं ङाँर खसि लस्यो।

१ कोरिन्थी 14:33

तलेबिस्याँ क्हेमैंइ परमेश्‍वरए सेवा लमा गोलमोल आतल्‍ले छेनाले लल् त्हुम् बिब खीए सैं मुँ। ताँन् क्‍ल्‍ह्‍योर्बै परमेश्‍वरए फिर बिश्‍वास लबै म्‍हिमैं धोंले

१ कोरिन्थी 16:1

यहूदीया ह्‍युलर्बै परमेश्‍वरए म्‍हिमैंलाइ ल्होबर रेबै भेटिए बारेर ताँ घ्रि बिल् त्‍हुम्। ङइ गलातिया ह्‍युलर्बै बिश्‍वासीमैंने बिब् धोंले क्‍हेमैंज्‍यै या लद्।

१ कोरिन्थी 16:10

तिमोथी क्‍हेमैं ङाँर खमा चलाइ छेनाले मान लद्। चइ तोइ सैरै न्हुँ लल् आत्हुरिगे, तलेबिस्याँ ङइ लब् धोंलेन् चज्‍यै या प्रभुए के लम्।

१ कोरिन्थी 4:14

क्‍हेमैंलाइ फाफिन् लबर ङइ चु ताँ प्ह्रिब् आङिं, ह्रोंसए खोबै कोलोमैंलाइ धोंलेन् क्हेमैंलाज्यै या लोदा सैंदा लबर प्ह्रिब् ग।

१ कोरिन्थी 4:15

तलेबिस्याँ क्हेमैंलाइ ख्रीष्‍टए ताँ लोमिंबै म्हिमैं हजार च्‍युन् मुँलेया ख्रीष्‍टउँइँले खबै सैं तोंबै ताँ धाँसे ओंसो क्हेमैंने बिमिंसि क्हेमैंलाइ ख्रीष्‍ट ङो सेल् लमिंबै क्हेमैंए आबा ङन् ग।

१ कोरिन्थी 4:2

परमेश्‍वरए छाबै के लब्मैं ताँनइ भर लल् खाँब्मैं तल् त्हुम्।

१ कोरिन्थी 7:17

परमेश्‍वरजीन् ङ्यो ताँनलाइ त्हाँब् ग, बरदानै या खीजीन् पिंब् ग। छतसि ह्रोंसइ योंबै बरदान अनुसार्बै केमैं लसि छ्ह थोल् त्हुम्। ताँन् क्‍ल्‍ह्‍योर्बै बिश्‍वासीमैंने ङइ चु ताँन् बिइमुँ।

१ कोरिन्थी 7:25

तारे कन्‍येमैंए बारेर प्रभु येशूउँइँले बिल् त्‍हुबै ताँ ङने तोइ आरे। दिलेया प्रभु येशूउँइँले दयाम्हाँया योंसि ङ म्हिमैंइ क्वेंल् खाँबै म्हि तबइले ङइ क्‍हेमैंलाइ सल्‍ला पिंम्।

२ कोरिन्थी 8:18

ङिइ तीतसने अर्को अलि या कुलसिन् मुँ। सैं तोंबै ताँ बिप्रमा ताँन् क्‍ल्‍ह्‍योर्बै बिश्‍वासीमैं न्‍होंरि च अलि मान योंसि मिं कालिदिइमुँ।

एफिसी 6:21

ङ खैबै म्हि जा, ङइ तो के लमुँ बिबै ताँ ङइ खोबै अलि तुखिकसइ क्‍हेमैंने बिमिंब्मुँ। चइ प्रभुए ल्हागिर छेनाले के लम्।

फिलिप्पी 2:19

क्‍हेमैंए बारेर्बै ताँ थेल् योंसि ङए सैं तोंल् योंरिगे बिसि ङ क्‍हेमैं ङाँर तिमोथी युनन् कुल्मिंबर प्रभुर आशा लमुँ।

फिलिप्पी 2:22

तिमोथी खैबै म्हि जा बिसि क्‍हेमैंज्यै सेइमुँ। खैले च्हइ ह्रोंसए आबाइ बिब् धोंले के लमुँ, छलेन तिमोथीइ येशूए सैं तोंबै ताँ बिप्रबै केर ङलाइ ल्होमिंइ।

कलस्सी 1:7

ङिने बालु के लबै खोबै थु इपाफ्रासउँइँले क्हेमैंइ सैं तोंबै ताँ थेइ। चइ क्हेमैंए ल्हागिर येशू ख्रीष्‍टए भर पर्दिल्‍ले के लइमुँ।

कलस्सी 4:9

चने बालु क्‍हेमैंए नाँसर्बै ओनेसिमस बिबै म्‍हि या ङइ कुल्‍मिंइमुँ। च येशू ख्रीष्‍टर बिश्‍वास लबै खोबै अलि ग। चुर तरिबै ताँन् ताँमैं चमैंइ क्‍हेमैंने बिमिंब्‍मुँ।

१ तिमोथी 1:18

ओ ङए च्ह तिमोथी, ङइ क्‍हिने बिमुँ, अगमबक्‍तामैंइ ओंसों क्‍हिए बारेर बिबै तामैंउँइँले भों योंसि बिश्‍वासर छ्याँबै सैं लसि छेनाले के लल् खाँब् तद्।

१ तिमोथी 1:2

क्हिइ येशूए फिर बिश्‍वास लबइले क्हि ङए क्ह्रोसेंन्बै च्ह ग। परमेश्‍वर आबा नेरो ङ्योए प्रभु येशू ख्रीष्‍टउँइँले खोंयोंन् बिलै क्हिए फिर दयाम्हाँया, आशिक नेरो शान्ति तरिगे।

२ तिमोथी 1:2

ओ ङइ खोबै च्ह तिमोथी, ङ्योए परमेश्‍वर आबा नेरो ङ्योए प्रभु येशू ख्रीष्‍टए दयाम्हाँया नेरो शान्ति क्हिए फिर खोंयोंन् बिलै तरिगे।

२ तिमोथी 2:2

क्हिइ ल्‍हें म्‍हिए उँइँर ङउँइँले तो ताँमैं थेल, च ताँमैं अरू म्हिमैंलाज्यै या लोमिंल् खाँबै म्हिमैंलाइ लोमिंन्।

२ तिमोथी 3:10

दिलेया क्हिइमि ङइ लोमिंबै ताँमैं, ङए बानि ब्योर, ङइ लल् म्हैबै केमैं, ङए बिश्‍वास, ङइ पैंल् खाँबै ताँ, ङइ लबै म्हाँया नेरो दुःख सैदिबै शक्‍ति म्रोंइमुँ।

तीतस 1:5

क्रेट ह्‍युलर लल् त्हुबै केमैं क्‍हिइ पूरा लरिगे बिसि ङइ क्‍हि चर वाथेंइ। ङइ बिब् धोंले क्हिइ नाँ-नाँसर बिश्‍वासीमैं न्‍होंर चिब्मैं त्हाँसि खटिदिद्।

दर्शन 2:10

क्हेमैंए फिर खबि छेबै दुःखने आङ्हिंन्। थेद्, क्‍हेमैंलाइ पापर च्होवाबै ल्हागिर दुष्‍टइ को-कोइलाइ झेलर झोंब्‍मुँ। क्‍हेमैंलाइ च्‍युगैं मत्‍त्रे दुःख तब्‍मुँ। दिलेया क्‍हेमैं आसिन् समा ङए फिर बिश्‍वास लरिद्, छलस्याँ ङइ क्‍हेमैंलाइ इनामर खोंयोंइ आखाँबै छ्ह पिंब्मुँ।

दर्शन 2:13

दुष्‍टइ ग्याल्स लबै क्ल्ह्‍योर क्‍हि टिइमुँ बिब ङइ सेइमुँ। दिलेया दुष्‍ट टिबै क्‍ल्‍ह्‍योर ङए बारेर भर लल् खाँबै ग्वाइ पिंबै एण्‍टिपासलाइ म्‍हिमैंइ सैवानाबिलेया क्‍हिइ ङए फिर बिश्‍वास लब आपिइमुँ।