१ कोरिन्थी 4:14 - परमेश्‍वरए ताँ तमु क्युइर

¹⁴ क्‍हेमैंलाइ फाफिन् लबर ङइ चु ताँ प्ह्रिब् आङिं, ह्रोंसए खोबै कोलोमैंलाइ धोंलेन् क्हेमैंलाज्यै या लोदा सैंदा लबर प्ह्रिब् ग।

१ कोरिन्थी 4:14 ပူးပေါင်းရင်းမြစ်များ

चेला चिब्मैंए केमैं 20:31

छतसि चु ताँ मैंसि छेनाले टिद्! सोंदिं समन् त्हिंयाँ म्‍हुँइँसा मिक्लि पिंदै ताँन् म्हिमैंने ङइ लोमिंबै ताँ आम्‍लेद्।

१ कोरिन्थी 15:34

सैं चित्, तारे पिरु पाप के आलद्। छाबै आछ्याँबै केमैं क्‍हेमैंए ल्हागिर फापिन् तबै ताँ ग। छतसि चु ताँ ङइ क्हेमैंने बिल् त्हुम्, तलेबिस्याँ क्‍हेमैंए न्‍होंरि को-कोइ म्हिमैंइ परमेश्‍वरलाइ छेनाले ङो आसेइमुँ।

१ कोरिन्थी 4:15

तलेबिस्याँ क्हेमैंलाइ ख्रीष्‍टए ताँ लोमिंबै म्हिमैं हजार च्‍युन् मुँलेया ख्रीष्‍टउँइँले खबै सैं तोंबै ताँ धाँसे ओंसो क्हेमैंने बिमिंसि क्हेमैंलाइ ख्रीष्‍ट ङो सेल् लमिंबै क्हेमैंए आबा ङन् ग।

१ कोरिन्थी 4:17

ङइ क्हेमैं ङाँर प्रभुए फिर बिश्‍वास लबै खोबै तिमोथी कुलइमुँ। च ङए च्‍ह धोंन् तब् ग। ङइ क्ल्ह्‍यो-क्ल्ह्‍योर्बै बिश्‍वासीमैंलाइ लोमिंब् धोंलेन् ख्रीष्‍टर ङइ खैबै छ्ह थोइमुँ बिबै ताँ चइ क्‍हेमैंने बिब्‍मुँ।

१ कोरिन्थी 6:5

क्‍हेमैंलाइ फापिल् लबर्न ङइ चु ताँ बिब् ग: ह्रोंसए आघें-अलिमैं न्होंर्बै आक्ह्रिबै ताँ क्‍ह्रिमिंल् खाँबै बुद्धि मुँबै म्‍हि क्हेमैं न्होंर खाबै आरे वा?

१ कोरिन्थी 9:15

दिलेया ङइ चु हग आम्है। तोगो या ङइ चु प्ह्रिछ्या हग योंरिगे बिसि प्ह्रिब् आङिं। ङइ प्हैंबै ताँ खाबज्यै या थोब् भन्दा बरु ङलाइ सिब सब् मुँ!

२ कोरिन्थी 11:11

ङइ तले छ बिगे? ङइ क्‍हेमैंलाइ म्हाँया आल बिसि छ बिब् वा? आङिं! ङइ क्‍हेमैंलाइ म्हाँया लम् बिसि परमेश्‍वरजी सेइमुँ!

२ कोरिन्थी 12:19

चु ताँन् ताँमैं बिमा ङि छ्याँब् मुँ बिसि क्हेमैंए उँइँर पोंइ वा? छ कत्ति आङिं! बरु परमेश्‍वरए उँइँर ख्रीष्‍टजी बिब् धोंले ङि पोंम्। ओ ङए खोबै अलि-अङाँमैं, ङिइ लबै ताँन् केमैं क्‍हेमैंलाइ भोंब् लमिंबै ल्हागिर्न ग।

२ कोरिन्थी 7:3

क्‍हेमैंलाइ छ्याब् ल्हैदिबर ङइ छ बिब आङिं। ङइ ओंसों बिब् धोंलेन्, ङिए सैंर क्हेमैंए फिर ल्हें म्हाँया मुँ, छतसि सिलेया सोलेया ङि खोंयोंन् बिलै क्‍हेमैंने बालुन् तब्मुँ।

कलस्सी 1:28

ताँन् म्हिमैं ख्रीष्‍टर भोंसि तरिगे बिसि ङिइ ख्रीष्‍टउँइँले खबै बुद्धिए ताँमैं लोमिंदै ताँन् म्हिमैंने न्ह क्रों मि क्रोंले टिद् बिम्।

१ थेसलोनिकी 2:11

आबाइ ह्रोंसए प्हसेमैंलाइ लब् धोंले ङिइ क्हेमैंलाइ ङ्ह‍योइ।

१ थेसलोनिकी 5:14

ओ अलि-अङाँमैं, ङि क्हेमैंलाइ अर्थि पिंमुँ: प्ल्हेउमैंलाइ हौदिद, सैं च्योंब्मैंलाइ सैं भोंब लमिंन्, आखाँब्मैंलाइ ल्होमिंन्, ताँन् म्हिमैंने ह्रिस आखनले सैदिद्।

२ थेसलोनिकी 3:14

ङिइ चु प्ह्रिछ्यार प्‍ह्रिबै ताँ खाबै आङिं, च म्हिलाइ छेन्‍ले ङो सेथेंन्। च फा पिन् तरिगे बिसि चने प्रब-टिब ने पोंब आलद्।

फिलेमोन 1:10

ङए च्ह ओनेसिमसए ल्हागिर ङ क्‍हिने यो छ्युँ लम्। ङ झेलर मुँबै त्हेर ङइ चने प्रभुए ताँ बिमा चइ प्रभुए फिर बिश्‍वास लइ। छतसि च ङए च्ह धोंन् ग।

१ यूहन्‍ना 2:1

ओ ङए कोलोमैं, क्‍हेमैंइ पाप आलरिगे बिसि ङइ चु प्ह्रिछ्या प्‍ह्रिरिइमुँ। दिलेया खाबज्‍यै या पाप लइबिस्‍याँ ङ्योए ल्हागिर परमेश्‍वर आबाने क्षमा ह्रिमिंबै येशू ख्रीष्‍ट मुँ। खीजी ठिक के लम्।

३ यूहन्‍ना 1:4

ङए कोलोमैं छले क्ह्रोंसेंन्‍बै घ्याँर प्रइमुँ बिबै ताँ थेमा चु भन्दा थेबै सैं तोंन् लबै ताँ ङए ल्हागिर अरू तोइ आरे।