१ कोरिन्थी 4:1 - परमेश्‍वरए ताँ तमु क्युइर

¹ छतसि ङिलाइ येशू ख्रीष्‍टए के लब्मैं नेरो परमेश्‍वरउँइँले खबै बुद्धिए ताँमैं ङिए जिम्‍मार थेंइमुँ बिसि म्हिमैंइ मैंल् त्‍हुम्।

१ कोरिन्थी 4:1 ပူးပေါင်းရင်းမြစ်များ

मत्ती 13:11

छबिमा येशूजी चमैंने बिइ, “परमेश्‍वरजी स्‍वर्गर्बै ग्याल्सए न्होंर्बै ताँमैं क्‍हेमैंलाइ सेल् पिंइमुँ। दिलेया अरू म्हिमैंलाइ बिस्‍याँ खीजी चुए बारेर सेल् आपिंइमुँ।

मत्ती 24:45

“भर लल् खाँब नेरो बुद्धि मुँबै केब्छैं खैबै तम्? च केब्छैंने क्ल्हेइ ‘धिंर्बै केब्‍छैंमैं चब-थुँब ठिक त्हेर पिंन्’ बिसि चए जिम्‍मार वाथेंम्।

मर्कूस 4:11

येशूजी चमैंने बिइ, “परमेश्‍वरए ग्याल्सर्बै क्होल् आखाँबै ताँ ङइ क्‍हेमैंने बिमिंइमुँ, दिलेया अरू म्हिमैंने बिस्‍याँ अहानउँइँले मत्‍त्रे बिम्।

लूका 1:2

ओंसों ओंनोंन् चु ताँन् ताँ म्रोंब नेरो येशूउँइँले खबै सैं तोंबै ताँ बिमिंबै म्‍हिमैंइ च ताँमैं ङ्योलाइ सेल् पिंल। छतसि चमैंउँइँले ल्हें ताँमैं योंसि म्‍हिमैंइ प्‍ह्रिना।

लूका 12:42

प्रभु येशूजी बिइ, “भर लल् खाँब नेरो बुद्धि मुँबै म्हि खाब् जा? धिं क्‍ल्‍हेइ ह्रोंसए धिंर्बै तोन्दोंरि सैए जिम्‍मा पिंसि ह्‍याबै लिउँइँ भर लल् खाँब नेरो बुद्धि मुँबै म्हिइ अरू केब्छैंमैंलाइ चब् थुँबै तौदु छेनाले लमिंम्।

लूका 8:10

येशूजी चमैंने बिइ, “परमेश्‍वरए ग्याल्सर्बै थेब् थेबै ताँमैं क्होबै ज्ञान क्हेमैंलाइ पिंइमुँ। दिलेया अरूमैंने बिस्याँ ङ अहानउँइँले पोंब्मुँ, तलेबिस्याँ परमेश्‍वरए छ्वेर प्‍ह्रिब् धोंले: ‘चमैंइ ङ्‌ह्‍योलेया आम्रोंरिगे, थेलेया आक्‍होरिगे।’”

रोमी 11:25

ओ अरू ह्रेंर्बै अलि-अङाँमैं, क्‍हेमैं थेब आप्हैंरिगे बिसि क्हेमैंइ चु खास ताँ घ्रि क्होल् त्हुम्: परमेश्‍वरजी त्‍हाँबै अरू ह्रेंर्बै ताँन् म्‍हिमैंइ येशू ख्रीष्‍टए फिर बिश्‍वास आलन् समा मत्‍त्रे यहूदीमैंइ सैं सारो लब्मुँ।

रोमी 16:25

ङ्यो ताँनइ परमेश्‍वरए मिं थेब लले! खीजी क्‍हेमैंलाइ बिश्‍वासर भोंसि लमिंल् खाँम्। येशू ख्रीष्‍टउँइँले खबै सैं तोंबै ताँ ङइ बिप्रमा जुग जुग ओनोंन् लोथेंबै ताँ तारे छर्लङ्ग तसि ताँनइ सेइमुँ।

१ कोरिन्थी 2:7

दिलेया ङ्योइमि परमेश्‍वरउँइँले खबै बुद्धिए ताँमैं बिप्रम्। च बुद्धिए ताँ म्हिमैंइ तिफुँइ क्होल् आखाँब् मुँल। दिलेया ङ्योइ खीउँइँले आशिक योंरिगे बिसि स्योंम् ओंनोंन् परमेश्‍वरजी चु बुद्धि ङ्योए ल्हागिर साँथेंल।

१ कोरिन्थी 3:5

अपोल्‍लोस खाब् जा? ङै या खाब् जा? ङिम् परमेश्‍वरए के लबै म्‍हिमैं मत्‍त्रे ग। ङिउँइँले क्‍हेमैंइ खीए फिर बिश्‍वास लइ। खीजी खटिदिबै के ङि लमुँ।

१ कोरिन्थी 4:13

म्‍हिमैंइ ङिए आब्रु वानाबिलेया ङिइ चमैंने छ्याँबै सुँलेन् पोंमु। तोगो समा ङि म्हिमैंए उँइँर ह्‍युलर्बै केर आफेसि वाबै कसिं धोंन् तइमुँ।

१ कोरिन्थी 4:2

परमेश्‍वरए छाबै के लब्मैं ताँनइ भर लल् खाँब्मैं तल् त्हुम्।

२ कोरिन्थी 11:23

चमैं येशू ख्रीष्‍टए सेवा लब्मैं वा? चमैं भन्दा ङ झन् छेनाले सेवा लबै म्‍हि ग। छबिमा ङ सोबल धोंले पोंइ। ङइ बेल्‍ले दुःखले ख्रीष्‍टए सेवा लइमुँ, ङ ल्हें खे झेलर टिल् त्‍हुइ, ङलाइ ल्हें खे कोर्राइ प्रुइ, छले ल्हें खे ङ कालए सुँर फेइ।

२ कोरिन्थी 12:6

ङइ प्हैंबै सैं ललेया ङ बुद्धि आरेब् धों आत, तलेबिस्याँ ङइ क्ह्रोंसेंन्बै ताँ मत्‍त्रे पोंमल। दिलेया छाबै ताँर ङ थेब् प्‍हैंदा आङ्हाँ। तलेबिस्याँ म्‍हिमैंइ ङइ तो लब म्रोंइमुँ, ङउँइँले तो ताँ थेइमुँ, च भन्दा बडि चमैंइ ङलाइ आमैंरिगे बिब ङए सैं मुँ।

२ कोरिन्थी 4:5

ङिइ ह्रोंसए ताँ आबि, दिलेया येशूए ल्हागिर ङि क्‍हेमैंए केब्छैंमैं धोंन् तसि येशू ख्रीष्‍टन् प्रभु ग बिबै ताँ ङि बिप्रम्।

२ कोरिन्थी 6:4

बरु ङि “परमेश्‍वरए के लबै चेलामैं मुँन” बिब म्‍हिमैंइ सेरिगे बिसि ङिइ खोंयोंन् बिलै छ्याँबै के लसि उँइँम्। खैतबै दुःखन् तलेया ङिइ सैदिम्।

एफिसी 1:9

येशू ख्रीष्‍टउँइँलेन् पूरा लब्‍मुँ बिसि परमेश्‍वरजी ओंसों ओंनोंन् मैंल। छतसि ख्रीष्‍टउँइँले तोगो खीजी च ताँ ङ्योलाइ सेल् पिंइमुँ।

एफिसी 6:19

सैं तोंबै ताँ बिप्रबै लमा ङ झेलर तनाबिलेया ङ ख्रीष्‍टए ताँ बिमिंबै स्यार्बो ग। छतसि ङ पोंबर होंमा परमेश्‍वरजी ङए सैंर खीए ताँमैं झोंमिंरिगे, धै सैं तोंबै ताँए बारेर था आसेबै चाँजो ङइ छेनाले था पिंल् खाँरिगे,

कलस्सी 2:2

क्‍हेमैं ह्रों-ह्रोंसए न्होंर म्हाँयार सैं घ्रि तसि क्हेमैंए सैं भोंब् तरिगे, धै परमेश्‍वरउँइँले खबै क्ह्रोंसेंन्बै बुद्धिइ प्लिंसि परमेश्‍वरइ लोथेंबै ताँ क्‍हेमैंइ सेरिगे। च ताँ तो जा बिस्याँ, येशू ख्रीष्‍ट ङो सेल् योंब् ग।

कलस्सी 4:3

ख्रीष्‍टए बारेर्बै ओंसों था आसेबै छ्याँबै ताँ बिप्रबइले ङ चुर झेलर टिल् त्‍हुइ। छतसि परमेश्‍वरजी ङिलाइ च ताँ बिप्रबै छ्याँबै मौका पिंरिगे बिसि ङिए ल्हागिरै या प्राथना लद्।

१ तिमोथी 3:16

येशू ख्रीष्‍टए बारेर परमेश्‍वरजी उँइँमिंबै ताँमैं कति थेब मुँ बिसि ङ्योइ क्ह्रोंसेंन्ले थहा सेसि बिम्: येशू ख्रीष्‍ट म्‍हिए क्हो किंसि चु ह्‍युलर युइ, पबित्र प्ल्हउँइँले खी ठिक ठर्दिइ, स्वर्गदूतमैंइ खीलाइ म्रोंइ, ह्रें ह्रेंर्बै म्‍हिमैंए म्हाँजोर खीए बारेर्बै ताँ म्हिमैंइ बिप्रइ, ताँन् ह्‍युलर्बै म्‍हिमैंइ खीए फिर बिश्‍वास लइ, झाइले थेबै मानले खी स्‍वर्गउँइँ क्वेयाइ।

१ तिमोथी 3:6

छतसि भर्खर बिश्‍वास लबै म्‍हि चिबए ल्हागिर आत्हाँरिगे, तलेबिस्याँ छाबै म्‍हि चिब तल् पिंइबिस्‍याँ, च थेब् प्हैंसि दुष्‍टइ योंबै दण्ड चज्यै या योंब्‍मुँ।

१ तिमोथी 3:9

येशू ख्रीष्‍टए बारेर परमेश्‍वरजी लोमिंबै ताँमैं चमैंइ छ्याँबै सैंउँइँले सैं न्होंर थेंल् त्‍हुम्।

तीतस 1:7

तलेबिस्याँ परमेश्‍वरए के लल् त्हुबै म्‍हि तबइले च छ्याब् आरेब तल् त्‍हुम्। च सैं सारो नेरो युनन् ह्रिस खब, प्हा थुँब, प्‍होंगि मिब, मारा-मुइए लोब लल् आत।

१ पत्रुस 4:10

परमेश्‍वरए दयाम्हाँयाइ क्हेमैंइ तो-तो बरदान योंइमुँ, च बरदान घ्रिइ घ्रिए ल्हागिर ओलेद्।