१ कोरिन्थी 3:4 - परमेश्‍वरए ताँ तमु क्युइर

⁴ क्‍हेमैं न्‍होंरि कोइइ “ङ पावलए चेला ग,” कोइइ “ङ अपोल्‍लसए चेला ग” बिम् बिस्याँ, क्‍हेमैं बिश्‍वास आलबै म्‍हिमैं धोंन् तइ, आङिं वा?

१ कोरिन्थी 3:4 ပူးပေါင်းရင်းမြစ်များ

१ कोरिन्थी 1:12

क्‍हेमैं न्‍होंर कोइइ “ङ पावलए चेला ग,” कोइइ “ङ अपोल्‍लसए चेला ग,” कोइइ “ङ पत्रुसए चेला ग,” कोइइ “ङ ख्रीष्‍टए चेला ग,” बिम् रो।

१ कोरिन्थी 3:3

क्‍हेमैं अझै परमेश्‍वरए फिर बिश्‍वास आलब्मैं धोंबन् मुँ। तलेबिस्याँ क्‍हेमैं ह्रों-ह्रोंसए न्होंर्न ह्रिस लब, प्होंगि कैगि लब तसेरो क्हेमैं परमेश्‍वरए फिर बिश्‍वास आलब्मैं धोंन् तइ, आङिं वा?

१ कोरिन्थी 4:6

ओ अलि-अङाँमैं, क्हेमैं बिब् धों तरिगे बिसि ङइ क्हेमैंने अपोल्‍लस नेरो ङए नमुना उँइँसि चु ताँमैं प्ह्रिइमुँ। तलेबिस्याँ ङि धोंलेन् क्हेमैं या परमेश्‍वए छ्वेर बिब् धोंले छ्ह थोल् खाँरिगे, धै क्हेमैं न्होंरि खाबज्यै या कोइलाइ थेब् लब कोइलाइ च्योंब् लबै के आतरिगे।

गलाती 1:11

ओ ङए अलि-अङाँमैं, ङइ बिप्रबै सैं तोंबै ताँ म्हिउँइँले खब आङिं। चु ताँ क्‍हेमैंइ सेरिगे बिब ङए सैं मुँ।