१ कोरिन्थी 3:23 - परमेश्‍वरए ताँ तमु क्युइर

²³ झाइले क्‍हेमैं ख्रीष्‍टल् ग, धै ख्रीष्‍ट परमेश्‍वरल् ग।

१ कोरिन्थी 3:23 ပူးပေါင်းရင်းမြစ်များ

मत्ती 17:5

पत्रुसइ छले ताँ लनालन् चारबै न्‍हाँम्‍स्योइ खेमैंलाइ हुवाइ। धै “चु ङइ खोबै च्‍ह ग। चु म्रोंसि ङ बेल्‍ले सैं तोंइमुँ। चइ बिबै ताँ छेनाले थेद्!” बिबै कै च न्‍हाँम्‍स्यो न्‍होंउँइँले थेइ।

यूहन्‍ना 17:18

क्हिजी ङ चु ह्‍युलर कुलब् धोंले ङज्यै या चमैं ह्‍युलर कुल्मिंइमुँ।

यूहन्‍ना 17:21

ओ आबा, चमैं ताँन् घ्रिन् तरिगे बिसि ङ प्राथना लम्। धै क्हि ङने बालु मुँ, ङ क्हिने बालु मुँब् धोंलेन् चमैं या ङ्योने बालु तरिगे। चमैं ताँन् घ्रिन् तमा क्हिजी ङ कुल्मिंब् ग बिसि ह्‍युलर्बै म्हिमैंइ क्वेंरिगे बिसि ङ प्राथना लम्।

रोमी 14:8

ङ्यो सोलेया प्रभुए ल्हागिर्न सोम्, सिलैया प्रभुए ल्हागिर्न सिम्। छतसि सोलेया सिलेया ङ्यो प्रभुल ग।

१ कोरिन्थी 11:3

अझै क्‍हेमैंइ चु ताँ सेरिगे बिब ङए सैं मुँ: ख्रीष्‍ट ताँन् म्हिमैंए क्र ग, झाइले प्युँ प्ह्रेंस्योए क्र ग, परमेश्‍वर ख्रीष्‍टए क्र ग।

१ कोरिन्थी 15:23

दिलेया ताँन् खें-खेंमैंए पलोर सोगों तम्। ख्रीष्‍ट बिस्याँ धाँसे ओंसों सोगों तइ, धै खी एयुबै त्हेर खीए फिर बिश्‍वास लब्मैं सोगों तब्‍मुँ।

१ कोरिन्थी 15:28

छले परमेश्‍वरजी तोन्दोंरि सै ख्रीष्‍टए न्होंर थेंब्मुँ, दिलेया ख्रीष्‍ट बिस्याँ खीए प्हले न्होंर तोन्दोंरि सै थें‍मिंबै परमेश्‍वर आबाए न्होंर टिब्‍मुँ, धै परमेश्‍वरजीन् ताँन् सैए फिर ग्याल्स लब्‍मुँ।

१ कोरिन्थी 7:22

तलेबिस्याँ प्रभुजी त्हाँमा केब्छैं मुँलेया तारे चलाइ प्रभु येशूजी केब्छैं तबइले फ्रेमिंइमुँ। छलेन प्रभुजी त्हाँबै त्हेसेरो च म्हि केब्छैं तबइले फ्रेमिंइमुँ, छतसि च म्‍हि प्रभुए के लबै म्हि तइमुँ।

१ कोरिन्थी 8:6

ङ्योए ल्हागिरि घ्रि मत्‍त्रे परमेश्‍वर आबा मुँ। खीजीन् तोन्दोंरि सै बनेइ, छतसि खीए ल्हागिर्न ङ्यो सोम्। धबै ङ्योए ल्हागिरि प्रभु घ्रि मत्‍त्रे मुँ, खी येशू ख्रीष्‍ट ग। खीउँइँलेन् ताँन् सैमैं तखइ, धै खीउँइँलेन् ङ्यो सोल् योंम्।

२ कोरिन्थी 10:7

क्‍हेमैंइ ह्रोंसए मिइ म्रोंबै सैमैं मत्‍त्रे ङ्ह्‍योम्। क्हेमैंए न्होंरि खाबज्यै या “ङ येशू ख्रीष्‍टए म्‍हि ग!” बिम् बिस्याँ च धोंलेन् ङि या ख्रीष्‍टए म्हिन् ग बिसि चइ क्होल् त्हुम्।

गलाती 3:29

छले क्‍हेमैं ख्रीष्‍टने घ्रिन् तबइले क्‍हेमैं अब्राहामए सन्‍तान ग। छतसि परमेश्‍वरजी अब्राहामने बाछा फैसि पिंम् बिबै आशिकए हकवालामैं क्‍हेमैंन् ग।

गलाती 5:24

येशू ख्रीष्‍टए म्हिमैंइ खेंमैंए सैंउँइँले खबै आछ्याँबै इच्छामैं नेरो आछ्याँबै केमैं येशूने प्रेन् क्रूसर च्योवासि नास लवाइमु।

एफिसी 1:10

च चाँजो तो जा बिस्‍याँ: खीजी तौदिबै त्हेर स्‍वर्ग नेरो पृथ्‍बीर मुँबै तोन्दोंरि सैमैं खागु लसि येशू ख्रीष्‍टए न्होंर पखब् ग।