१ कोरिन्थी 3:19 - परमेश्‍वरए ताँ तमु क्युइर

¹⁹ तलेबिस्याँ चु ह्‍युलउँइँले खबै बुद्धि परमेश्‍वरए उँइँर बुद्धि आरेब् धोंन् तब् ग। परमेश्‍वरए छ्वेर छले प्ह्रिइमुँ, “बुद्धि मुँब् प्हैंब्मैंलाइ चमैंइ स्योर तेसि के लरिबै त्हेर्न खीजी क्हावाब्मुँ।”

१ कोरिन्थी 3:19 ပူးပေါင်းရင်းမြစ်များ

एस्तर 7:10

म्रुँइ छबिमा मोर्दकैलाइ च्योब् बिसि क्योबै त्होर चमैंइ हामानलाइन च्योवाइ। च लिउँइँ बल्‍ल म्रुँए ह्रिस म्हइ।

भजनमैं 141:10

दुष्‍टमैं खेंमैंइ तोबै ङोर फेयारिगे, ङ बिस्याँ तोइ आतनले स्योरइ खरिगे।

प्रस्थान 1:10

चमैं ल्हें ततै ह्‍याब्मुँ, धै खनिज्यै प्होंब-नेब तस्याँ चमैं ङ्योए शत्तुरमैंने क्ह्रिसि ङ्योए बिरोधर प्होंब-नेब लब्मुँ धै चु ह्‍युल पिसि ह्‍याब्मुँ। छतसि तारे ङ्योइ च्हैंसि मैंसि चमैंने बालु के लल् त्हुम्।”

प्रस्थान 18:11

याहवेह ताँन् देवतामैं भन्दा थेब मुँन बिसि ङइ तोगो सेइ, तलेबिस्याँ मिश्रीमैंइ इस्राएलीमैंए फिर आछ्याँबै के लमा खीजी चमैंलाइ जोगेमिंइ।”

हितोपदेश 14:8

च्हैंब् मैंब् लल् खाँबै म्हिइ ह्रोंसइ लल् त्हुबै केमैं तो जा बिब् सेम्, दिलेया आमादुमैइ लबै केइ ह्रोंसलाइन न्होह्रों लम्।

हितोपदेश 21:30

याहवेहए बिरोधर म्हिए ज्ञान बुद्धि, चाँजोमैं नेरो खैतबै सल्‍ला केर आफे।

१ कोरिन्थी 2:6

दिलेया परमेश्‍वरए फिर बिश्‍वासर भोंब्मैंए उँइँर ङ्यो बुद्धिए ताँमैं या पोंम्। ङ्योइ पोंबै बुद्धिए ताँमैं चु ह्‍युलर्बै आङिं, ह्‍युलर ग्याल्स लब्मैंउँइँले खबै या आङिं। (चु ह्‍युलर ग्याल्स लब्मैं नास तयाम्।)

१ कोरिन्थी 4:6

ओ अलि-अङाँमैं, क्हेमैं बिब् धों तरिगे बिसि ङइ क्हेमैंने अपोल्‍लस नेरो ङए नमुना उँइँसि चु ताँमैं प्ह्रिइमुँ। तलेबिस्याँ ङि धोंलेन् क्हेमैं या परमेश्‍वए छ्वेर बिब् धोंले छ्ह थोल् खाँरिगे, धै क्हेमैं न्होंरि खाबज्यै या कोइलाइ थेब् लब कोइलाइ च्योंब् लबै के आतरिगे।

एफिसी 4:14

धै ङ्यो कोलोमैं धों तरिब् आरे। म्हिमैंइ स्‍योर तेसि स्‍यो स्‍योबै ताँ लोमिंन बिलेया ङ्योइ च्हैब् मैंब् लल् खाँसि सैं ङ्हिं तरिब् आरे। च म्हिमैंइ लुसि स्योलिबै ताँ लोमिंलेया ङ्योइ क्‍वेंरिब् आरे।

याकूब 3:15

छाबै के परमेश्‍वरउँइँले योंबै ह्रब्-सेबै ताँ आङिं। दिलेया चु ह्‍युलर्बै, ङ्योए आछ्याँबै सैंउँइँले खब नेरो शैतान बिबै दुष्‍टउँइँले खबै ताँ ग।