१ कोरिन्थी 3:12 - परमेश्‍वरए ताँ तमु क्युइर

¹² चु तेंए फिर खाबज्यै या सै ल्हें फेबै सैमैं, मारा, चाँदि हिरा मोति, छि, सिं परालमैंइ धिं बनेलैया,

१ कोरिन्थी 3:12 ပူးပေါင်းရင်းမြစ်များ

भजनमैं 119:72

मारा नेरो चाँदिए हजार टुक्र भन्दै या क्हिए सुँउँइँले त्होंबै ठिम ङए ल्हागिर बेल्‍ले छ्याँब मुँ।

भजनमैं 19:10

मारा भन्दा याहवेहए ताँमैं म्हैल् त्हुब मुँ, छ्याँबै मारा भन्दा झन ल्हें खीए ताँ म्हैल् त्हुम्; खीए ताँ क्वे खुदु भन्दा खुदुब् मुँ, धै न्हाँज्युउँइँले तेयुबै खुदु भन्दा च बेल्‍ले लिंब तम्।

प्रस्थान 5:12

छतसि म्हिमैं मिश्र तिगोंन् पराल खुबर खन्तोंदोंन् ख्याँयाइ।

हितोपदेश 16:16

मारा योंब् भन्दा बुद्धि योंब छ्याँब् ग, धै चाँदि भन्दा ज्ञान बुद्धिलाइ त्हाँन्।

हितोपदेश 30:6

खीए बचनर तोइ आथौदिद्, आस्याँ खीजी क्हिलाइ हौदिब्मुँ धै स्योर्गों बिब्मुँ।

हितोपदेश 8:10

चाँदि भन्दा ङए अर्ति थेद्, छ्याँबै मारा भन्दा ङए ज्ञान म्हैद्,

चेला चिब्मैंए केमैं 20:30

क्‍हेमैंए न्होंउँइँलेन् स्‍योर ताँमैं पोंबै म्हिमैं रेसि चेलामैं चमैंए लिलि बोयाब्मुँ।

रोमी 16:17

ओ अलि-अङाँमैं, ङ क्‍हेमैंने यो छ्युँ लमुँ, भाँडिदिब्‍मैं नेरो क्हेमैंलाइ लोमिंबै परमेश्‍वरए ताँए बिरोधर पोंसि आक्ह्रिल् लब्‍मैंउँइँले न्ह क्रों मि क्रोंले स्‍योले टिद्।

१ कोरिन्थी 3:11

परमेश्‍वरजी झोंबै तें येशू ख्रीष्‍ट ग। म्हिमैंइ येशू बाहेक अरू तें झोंल् आखाँ।

१ कोरिन्थी 3:13

ख्रीष्‍टजी निसाफ लबै त्हिंइर ताँन् म्हिमैंइ लबै केमैं खीजी उँइँमिंब्मुँ। तलेबिस्याँ खीए ओंसों तोइ सै या लोल् आखाँ। म्हिमैंए के खैब मुँगे बिसि खीजी मिउँइँले जाँच लब्मुँ।

२ कोरिन्थी 2:17

ल्हें म्हिइ धोंले परमेश्‍वरए ताँ छों लब्मैं ङि आङिं, तलेबिस्याँ ङिलाइमि परमेश्‍वरजीन् कुल्‍मिंब् ग। छतसि ङि ख्रीष्‍टए सेवा लसि खीए ओंसों स्योर ताँ आकोंल्‍ले परमेश्‍वरए ताँ पोंमुँ।

२ कोरिन्थी 4:2

छलु-म्हिलु नेरो फा पिन् तबै केमैं ङिइ पिवाइमुँ। छलेन ङिइ परमेश्‍वरए ताँमैं म्हिमैंने बिप्रमा स्योलिबै ताँमैं कोंसि आबि। बरु म्हिमैंलाइ क्ह्रोंसेंन्बै ताँ उँइँमिंसि परमेश्‍वर नेरो म्हिमैंए उँइँर ह्रोंसलाइ ठिक ठर्दिबै केमैं ङि लम्।

कलस्सी 2:8

छतसि न्ह क्रों मि क्रोंले टिद्! म्‍हिउँइँले खबै केर आफेबै स्योलिबै ताँइ क्‍हेमैं परमेश्‍वरए क्ह्रोंसेंन्बै घ्‍याँउँइँले फ्रेल् आखाँरिगे। छाबै स्योलिबै ताँमैं ख्रीष्‍टउँइँले खब आङिं, ह्‌युल ग्याल्स ओलेबै मोंमैंउँइँले नेरो म्‍हिमैंइ लबै रोसमैंउँइँले खब् ग।

१ तिमोथी 6:3

खाबज्यै प्रभु येशूए ताँने आक्ह्रिबै ताँमैं लोमिंसि ङ्योइ येशूए मिंर लल् त्हुबै केमैं लल् आत्हु बिमुँ,

२ तिमोथी 2:20

प्लब्मैंए धिंर मारा नेरो चाँदिए भाँडमैं मत्‍त्रे आत, चर सिं नेरो सए भाडोमैं तम्। मारा नेरो चाँदिए भाँडमैं थे-थेबै केजरे मत्‍त्रे चलेमुँ, सिं नेरो सए भाँडमैं या खोंयोंन् बिलै चलेम्।

२ तिमोथी 3:13

दिलेया आछ्याँबै के लबै म्हिमैं नेरो आगुलाइ लुब्मैंइ अरूमैंलाइ लुसि अरूमैंउँइँलेन् लुयासि चमैं झन्-झन् दुष्‍ट त-तै ह्‍याम्।

२ तिमोथी 3:7

छाबै च्हमिरिमैंइ लोबम् लोमुँ, दिलेया क्ह्रोंसेंन्बै ताँ खोंयोंइ क्‍होल् आखाँ।

२ तिमोथी 4:3

तलेबिस्याँ म्हिमैंइ क्‍ह्रोंसेंन्‍बै ताँ थेदा आङ्हाँबै त्हे खब्मुँ। च त्हेर चमैंइ खेंमैंए सैंर तो मैंमुँ चन् लप्रब्मुँ। धै खेंमैंइ थेदा ङ्हाँबै ताँमैं मत्रै लोमिंबै म्हिमैं हुइसि चमैंए ताँ थेब्‍मुँ।

हिब्रू 13:9

क्‍हेमैं तब आतबै ताँमैं लोमिंबै म्हिमैंए लिलि आप्रद्। चु चल् तमु, चु चल् आत िबबै ताँ म्हिमैंइ बिबै ताँ मत्‍त्रे ग, बरु परमेश्‍वरए दयाम्हाँयाउँइँले ङ्योइ सैं भोंब् लबै ताँ छ्याँबै मुँ। चु चल् तमु, चु चल् आत िबबै ताँ ङिंब्मैंइ मुक्‍ति आयों, चमैंला बिब् धोंइ तोइ आतइमुँ।

१ पत्रुस 1:7

च दुःखमैं तले तम् बिस्याँ क्‍हेमैंइ छेनाले बिश्‍वास लन उ आलन बिसि तब् ग। मारा मिर ख्रोंसि जाँच लब् धोंले क्‍हेमैंलाज्यै या जाँच लब् ग, दिलेया क्‍हेमैंए बिश्‍वास नास तयाबै मारा भन्दा सै ल्हें फेम्। छतसि येशू ख्रीष्‍ट एयुबै त्हिंइर क्‍हेमैंए बिश्‍वास बेल्‍ले छ्याँब तसि क्हेमैंइ स्याबासि, मान नेरो छ्याँबै बयन योंब्मुँ।

दर्शन 2:14

दिलेया क्हेमैंए बिरोधर को-कोइ ताँ ङइ बिल् त्हुइमुँ, तलेबिस्याँ क्हेमैंए न्होंर को-कोइ स्‍योंम्‍बै बालामए ताँए लिलि प्रब्मैं मुँ। स्योंम्बै इस्राएलीमैंलाइ पापर च्होवाबै ल्हागिर ‘चमैंलाइ कुर चडेबै सै चद्, झाइले ब्यभिचार लद् बिद्,’ बिसि बालामइ बालाक बिबै म्रुँलाइ लोमिंल।

दर्शन 21:18

च बानु बेल्‍ले छ्याँबै टल्‍कदिबै बिल्‍लौर बिबै तुथुइ बनेल, च सहर बिस्याँ माराइ बनेब् मुँल। च सिसा धोंले टल्कदिमल।

दर्शन 3:18

छतसि ङइ क्हेमैंलाइ चु सल्‍ला पिंम्: क्‍हि प्लब् तबै ल्हागिर मिर खारदिबै छ्याँबै मारा ङउँइँले किंन्, म्‍हिमैंइ क्‍हेमैंलाइ क्‍लुना तब् आम्रोंरिगे बिसि खिबै ल्हागिर ङउँइँले फोस्रे ब्योंबै क्‍वें किंन्, झाइले क्‍हिए मि म्रोंरिगे बिसि ङउँइँले मि म्रोंल् लबै मैं किंसि फोद्।