१ कोरिन्थी 2:8 - परमेश्‍वरए ताँ तमु क्युइर

⁸ चु ह्‍युलर ग्याल्स लब्मैंइ चु ताँ आक्होल। चमैंइ चु ताँ क्होस्याँ ताँन् भन्दा थेबै प्रभुलाइ क्रूसर आच्योवामल।

१ कोरिन्थी 2:8 ပူးပေါင်းရင်းမြစ်များ

मत्ती 11:25

च त्हेर्न येशूजी प्राथना लसि “ओ आबा, स्वर्ग नेरो पृथ्‍बीर्बै क्‍ल्‍हे, ङ क्‍हिलाइ धन्‍यबाद पिंम्, तलेबिस्याँ ज्ञान बुद्धि मुँ बिसि ह्रब्-सेब् प्हैंब्मैंउँइँले क्‍हिजी चु ताँमैं लोथेंइ। दिलेया कोलोमैं धों तबै तोइ आसेबै म्‍हिमैंलाइ क्हिजी चु ताँ क्‍होल् लमिंइ।

मत्ती 13:22

पुजुर तेबै प्लु धों तबै म्हि छाब् ग: चइ परमेश्‍वरए ताँ थेलेया चु ह्‍युलर्बै न्हुँ नेरो मुइए लोबइ लमा चइ थेबै ताँर च भोंसि तल् आखाँ। छतसि तोइ रोमैं रोल् आखाँ।

लूका 23:34

च्हमा येशूजी बिइ, “ओ आबा, चुमैं क्षमा लमिंन्, तलेबिस्याँ चुमैंइ तो लरिइमुँ बिब था आसे।” दिलेया सिपाइमैंइ येशूए क्वें चिट्ठा झोंसि खेंमैंए न्‍होंरि चुइ।

यूहन्‍ना 16:3

आबा नेरो ङ ङो आसेबइले चमैंइ चु के लब्मुँ।

यूहन्‍ना 7:48

ङि चिबनाँब्मैं नेरो फरिसीमैंए न्होंर खाबज्‍यै चए ताँ क्वेंब क्‍हेमैंइ म्रोंइँमुँ वा?

यूहन्‍ना 8:19

चमैंइ खीने “क्‍हिए आबा खनिर मुँ?” बिसि ङ्योएमा येशूजी चमैंने बिइ, “क्‍हेमैंइ ङै या ङो आसे, ङए आबालाज्यै या ङो आसे। क्‍हेमैंइ ङलाइ ङो सेस्‍याँ ङए आबालाज्यै ङो सेमल।”

चेला चिब्मैंए केमैं 13:27

दिलेया यरूशलेमथेंमैं नेरो चमैंए क्रथे मिंथेमैंइ येशू खाब् जा बिसि ङो आसेल, धै प्रिबै त्हिंइ ह्रोंसे अगमवक्‍तए ताँ खेलेया, चमैंइ च ताँ तो जा बिसि आक्होल। छतसि चमैंइ येशूलाइ सजैं पिंसि अगमबक्‍तामैंइ खीए बारेर ओंसोंन् पोंब् धोंले पूरा लइ।

चेला चिब्मैंए केमैं 7:2

चइ बिइ, “ओ ङए आबामैं, आघें-अलिमैं, ङए ताँ थेद्। थेबै मान मुँबै परमेश्‍वरजी ङ्योए खे अब्राहाम हारानर टिब् भन्दा ओंसोंन् मेसोपोटामियार च ङाँर म्रोंयुसि

१ कोरिन्थी 1:20

छतसि बुद्धि मुँब्मैं खनिर मुँ? छ्वेर्बै ताँ लोमिंब्मैं खनिर मुँ? चु जुगर्बै ह्रब्-सेब्मैं खनिर मुँ? परमेश्‍वरजी ह्‍युलर्बै बुद्धि मुँब् प्हैंब्मैंलाइ आमादु आलइमुँ वा?

१ कोरिन्थी 2:6

दिलेया परमेश्‍वरए फिर बिश्‍वासर भोंब्मैंए उँइँर ङ्यो बुद्धिए ताँमैं या पोंम्। ङ्योइ पोंबै बुद्धिए ताँमैं चु ह्‍युलर्बै आङिं, ह्‍युलर ग्याल्स लब्मैंउँइँले खबै या आङिं। (चु ह्‍युलर ग्याल्स लब्मैं नास तयाम्।)

२ कोरिन्थी 3:14

मोशाए मोंड क्वेंइ हुब् धोंले इस्राएलथेंमैंए सैं या हुथेंब् धोंन् तइमुँ। छतसि तिंयाँ समै या ठिम खेमा चमैंइ परमेश्‍वरए ताँ क्‍होल् आखाँ। ख्रीष्‍ट येशूजी मत्‍त्रे च हुथेंबै क्‍वें स्‍योवासि परमेश्‍वरए ताँ क्होमिंल् खाँम्।

एफिसी 1:17

ङ्योए प्रभु येशू ख्रीष्‍टए आबा थेबै मान मुँबै परमेश्‍वरजी खीए बारेर अझै क्‍हेमैंइ छेनाले क्होबै ल्हागिर खीए ज्ञान बुद्धि नेरो पबित्र प्ल्ह पिंरिगे बिसे या ङइ क्हेमैंए ल्हागिर प्राथना लइन मुँ।

एफिसी 4:18

चमैं तोइ च्हैंब-मैंब् लल् आखाँब्मैं तयाइमुँ। चमैंए सारो सैंउँइँले त्होंबै केर आफेबै ताँमैंइ लमा परमेश्‍वरजी पिंबै छ्ह चमैंइ आयों।

१ तिमोथी 1:13

ओंसों ङइ खीए बिरोधर आछ्याँबै केमैं लसि खीलाइ बेल्‍ले ह्रुगुदिइ। तलेबिस्याँ च त्हेर ङइ खीए फिर बिश्‍वास आलल छतसि ङइ तो लरिइमुँ बिसि ङइ था आसेल, दिलेया परमेश्‍वरए ल्हयो ङइ योंइ।

याकूब 2:1

ओ ङए अलि-अङाँमैं, ताँनइ म्हाँदिल् त्हुबै ङ्योए प्रभु येशू ख्रीष्‍टए फिर क्हेमैंइ बिश्‍वास लइमुँ। छतसि क्हेमैंइ खाबलाज्यै आफेलद्।