१ कोरिन्थी 2:3 - परमेश्‍वरए ताँ तमु क्युइर

³ छतसि ङ क्‍हेमैं ङाँर भों आरेबै म्हि धोंले ङ्हिंदा-ङ्हिंदाले त्हारदै खइ।

१ कोरिन्थी 2:3 ပူးပေါင်းရင်းမြစ်များ

चेला चिब्मैंए केमैं 17:1

पावल नेरो सिलास अम्‍फिपोलिस नेरो अपोल्‍लोनियाए घ्याँ ततै थेसलोनिकार फेखइ। चर यहूदीमैंए च्हों धिं घ्रि मुँल।

चेला चिब्मैंए केमैं 18:1

च लिउँइँ पावल एथेन्‍सउँइँले कोरिन्‍थ सहर ह्‍याइ।

चेला चिब्मैंए केमैं 18:12

अखैया बिबै ह्‍युलर गलियोन बिबै म्हि रोमी क्रथे तमा यहूदीमैं ताँन् क्ह्रिसि पावलए बिरोध लइ, धै अदालतर बोइ।

चेला चिब्मैंए केमैं 18:6

दिलेया यहूदीमैंइ पावलए बिरोध लसि आछ्याँबै ताँमै पोंसि पावल स्यारबर होंइ। छतमा पावलइ ह्रोंसए क्वें खारसि चमैंने बिइ, “क्‍हेमैं नास तइबिस्‍याँ क्हेमैंए दोषइ लबर्न नास तब्मुँ, च दोष ङलाइ आल्‍हैदि। तारे पिरु ङ अरू ह्रेंमैं ङाँर ह्‍याब्मुँ।”

२ कोरिन्थी 10:1

क्‍हेमैंए न्‍होंरि को-कोइइ “पावल ङिउँइँले ह्रेंगो तमा ङिलाइ हौदिबै प्ह्रिछ्या प्‍ह्रिम्, दिलेया ङि ङाँर मुँमा च्‍योंब तसि तोइ आबिल्‍ले टिम्,” बिसि बिम् रो। दिलेया ख्रीष्‍टजी ङ्योए फिर म्हाँया लब् धोंले ङए सैंरै या ल्हयो खबइले क्हेमैने ङ यो छ्युँ लम्:

२ कोरिन्थी 10:10

“पावलए प्ह्रिछ्यामैंरम् दयाम्हाँया आरेबै म्हिइ धोंले हौदिबै ताँमैं प्‍ह्रिम्, दिलेया ङ्यो ङाँर मुँमा चइ तोइ बिल् आखाँ,” बिसि को-कोइ बिम्।

२ कोरिन्थी 13:4

तलेबिस्याँ भों आरेबै म्हि धों तसि खी क्रूसर च्‍योसि सिइ, दिलेया परमेश्‍वरए शक्‍तिजी खीलाइ धबै सोगों लमिंइ। येशूने घ्रिन् तमा ङि भों आरेब्मैं तलेया क्‍हेमैं छ्याँब् तरिगे बिबै ल्हागिर परमेश्‍वरजीन् ङिलाइ ख्रीष्‍टजी थोब् धों तबै छ्ह थोबै भों पिंब्मुँ।

२ कोरिन्थी 13:9

ङि छले भों आरेब् धों तलेया क्‍हेमैं भोंब् तमा ङि सैं तोंम्। छतसि क्‍हेमैं तोन्दोंरि सैर बिब् धों तरिगे बिसे या ङिइ प्राथना लम्।

२ कोरिन्थी 4:1

परमेश्‍वरजी खीए दयाम्हाँयाउँइँले ङिलाइ खीए सेवा लबै के पिंइमुँ। छतसि ङिए सैं खोंयोंइ च्योंब आत।

२ कोरिन्थी 4:16

छतसि ङि सैं च्योंब आल। ङिए ज्युर्बै भों नु-नुइ ह्‍यालेया ङिए सैं त्हिंइ ह्रोंसे भोंब् ततै ह्‍याम्।

२ कोरिन्थी 6:4

बरु ङि “परमेश्‍वरए के लबै चेलामैं मुँन” बिब म्‍हिमैंइ सेरिगे बिसि ङिइ खोंयोंन् बिलै छ्याँबै के लसि उँइँम्। खैतबै दुःखन् तलेया ङिइ सैदिम्।

२ कोरिन्थी 7:15

क्‍हेमैं तीतसने ङ्हिंसि चलाइ बेल्‍ले मान लइ, झाइले क्‍हेमैं ताँनइ चइ बिबै ताँ ङिंबर तयार तइ। छतसि क्‍हेमैंइ लबै च्हौ छ्याँबै केमैं मैंसि तीतसइ क्हेमैंए फिर म्हाँया झन् ल्हें लइमुँ।

२ कोरिन्थी 7:5

ङि माकेडोनिया ह्‍युलर फेनेसि तीतसइ पबै सँउँसर आयोंन् समा सन्‍दोक आरेल। चर ङिइ तो के ललेया खन्तोंदोंउँइँले दुःखन् तखइ, म्हिमैं ङिने प्‍होंमल, ङिए सैं ङ्हिंमल।

एफिसी 6:5

ओ केब्छैं केब्स्योमैं, प्रभुजी बिबै ताँ ङिंब् धोंलेन् क्‍हेमैंए क्ल्हेमैंइ बिबै ताँ या ङिंन्। चमैंने ङ्हिंन् धै छ्याँबै सैंले चमैंए के लद्।