१ कोरिन्थी 2:16 - परमेश्‍वरए ताँ तमु क्युइर

¹⁶ परमेश्‍वरए छ्वेर प्ह्रिब् धोंले, “याहवेहलाइ खाबइ लोमिंल् खाँमुँ? खीए सैंर्बै ताँ खाबइ सेइमुँ? खाबज्यै आसे।” दिलेया ङ्योइमि ख्रीष्‍टए सैंर्बै ताँ सेइमुँ।

१ कोरिन्थी 2:16 ပူးပေါင်းရင်းမြစ်များ

उत्पत्ति 1:12

सइ ट्हा-ट्हुमैं, प्‍लु तबै धुँमैं नेरो खें-खेंमैंन् पाह्रबै ल्हें खालर्बै प्लु तबै सिंधुँमैं म्‍लोमिंइ। धै परमेश्‍वरजी ङ्ह्‍योमा च छ्याँब मुँल।

यूहन्‍ना 15:15

तारेसेरो ङइ क्हेमैंने केब्छैं आबि, तलेबिस्याँ क्ल्हेइ तो लम् बिसि केब्छैंइ था आसे। दिलेया ङइ क्हेमैंने थु बिइमुँ, तलेबिस्याँ ङए आबाउँइँले थेबै तोन्दोंरि ताँ ङइ क्हेमैंने बिमिंइँमुँ।

रोमी 11:34

परमेश्‍वरए छ्वेर छले प्ह्रिइमुँ, “याहवेहए सैंर्बै ताँ खाबइ सेइमुँ? झाइले खीलाइ खाबइ सल्‍ला पिंल् खाँम्?”

१ कोरिन्थी 12:8

पबित्र प्ल्हउँइँले कोइइ ज्ञान-बुद्धि मुँबै ताँ पोंबै भों योंइमुँ, कोइइ परमेश्‍वरए बारेर्बै छ्याँबै ताँमैं पोंबै भों योंइमुँ,