१ कोरिन्थी 16:18 - परमेश्‍वरए ताँ तमु क्युइर

¹⁸ चमैंइ क्हेमैंए सैं तोंन् लब् धोंले ङलाज्यै या तोंन् लमिंइमुँ। छाबै म्‍हिमैंए मान लल् त्हुम्।

१ कोरिन्थी 16:18 ပူးပေါင်းရင်းမြစ်များ

हितोपदेश 25:13

बालि खैबै त्हेर ख्वालमा ङ्युँबै क्युइ खों सल् लब् धोंले भर लल् खाँबै सँउँसर बोबै म्हिइ चलाइ कुल्मिबै क्ल्हेमैंए सैं तोंल् लम्;

हितोपदेश 25:25

ङ्युँबै क्युइ क्यु पिब सल् लब् धोंले ह्रेंगोउँइँले खबै छ्याँब सँउँसर तम्।

रोमी 15:32

झाइले परमेश्‍वरए इच्छा मुँस्याँ ङ यरूशलेमउँइँले क्‍हेमैं ङाँर सैं तोंन्लेन् खब्मुँ, झाइले ङ्यो सैं तोंन्ले बालुन् टिस्यो।

२ कोरिन्थी 7:13

ङिइ बिबै ताँ क्हेमैंइ ङिंब् म्रोंसि ङिए सैं क्‍होइ। ङिए सैं क्‍होब मत्‍त्रे आङिं, क्‍हेमैंइ तीतसलाइ छ्याँन् लसि चए सैं तोंन् लमिंब् म्रोंसि ङि झन् सैं तोंइमुँ।

कलस्सी 4:8

छलेन चइ ङिए बारेर्बै सौंसर क्‍हेमैंलाइ था सेल् पिंसि सैं क्‍होल् लमिंरिगे बिसि ङइ चलाइ क्‍हेमैं ङाँर कुल्‍मिंब् ग।

१ थेसलोनिकी 5:12

ओ अलि-अङाँमैं, ङि क्‍हेमैंने यो छ्युँ लम्: क्‍हेमैंए म्‍हाँजोरि के लबै चिबमैं मुँ। चमैंइ परमेश्‍वरए घ्‍याँर क्हेमैंलाइ डोरेबर बेल्‍ले दुःख लइमुँ। छतसि चमैंए मान लद्।

फिलेमोन 1:20

छतसि ओ ङइ खोबै अलि, प्रभु नेरो ङए ल्हागिर चए फिर ल्हयो लमिंन्। ख्रीष्‍टए फिर बिश्‍वास लबै ङए अलि, क्हिइ चु ताँर ङए सैं सन्‍तोक लमिंन्।

फिलेमोन 1:7

ओ अलि, क्‍हिइ ङने च्हौ थेबै म्हाँया लब् म्रोंसि ङ बेल्‍ले सैं तोंसि भों योंइमुँ, तलेबिस्याँ क्हिइ प्रभुए म्‍हिमैंए सैं क्‍होल् लमिंइमुँ।

हिब्रू 13:7

ओंसों क्‍हेमैंने परमेश्‍वरए ताँ बिमिंबै अगुवामैं मैंन्। चमैंइ खैले छ्ह थोइ, चमैंए छ्हर तो-तो तइ धै चमैं खैले सिइ बिसि सैंर मैंन्, धै चमैंइ लब् धोंबै बिश्‍वास क्‍हेमैंज्यै या लद्।

३ यूहन्‍ना 1:4

ङए कोलोमैं छले क्ह्रोंसेंन्‍बै घ्याँर प्रइमुँ बिबै ताँ थेमा चु भन्दा थेबै सैं तोंन् लबै ताँ ङए ल्हागिर अरू तोइ आरे।