१ कोरिन्थी 15:51 - परमेश्‍वरए ताँ तमु क्युइर

⁵¹ थेद्, ङइ क्‍हेमैंने म्हिमैंइ क्होल् आखाँबै ताँ बिम्। ङ्यो न्होंरि को-कोइ सियालेया ताँन् सिरिब् आरे, दिलेया ङ्यो ताँनए से-कोए ज्यु मि चिब्‍लि लबर्न परमेश्‍वरजी फेर्दिवाब्‍मुँ।

१ कोरिन्थी 15:51 ပူးပေါင်းရင်းမြစ်များ

१ कोरिन्थी 13:2

छलेन ङइ अगमबाणि पोंबै भों योंलेया, क्होल् आखाँबै ताँमैं क्होल् खाँलेया, तोन्दोंरि सैर ह्रब-सेब तलेया, झाइले कोंमैं स्‍योवाल् खाँबै बिश्‍वास ङने मुँलेया ङइ अरूए फिर म्हाँया आलस्‍याँ ङ तोइ सैरै या केर आफेबै म्हि तम्।

१ कोरिन्थी 15:18

छ बिस्याँम् येशू ख्रीष्‍टए फिर बिश्‍वास लसि सियाब्मैं या नास तयाइमुँ।

१ कोरिन्थी 15:20

दिलेया छ बिब आत! ख्रीष्‍ट सिबउँइँले धबै सोगों तब क्‍ह्रोसेंन् ग। सियाब्‍मैं न्‍होंरि ताँन् भन्दा ओंसों येशू सिबउँइँले सोगों तइ। छतसि सिसि न्‍हरु च्‍हुइरिब्‍मैं धबै सोगों तब्मुँ बिबै प्रमाण येशू ख्रीष्‍टन् ग।

१ कोरिन्थी 15:6

च लिउँइँ धबै खी ङ्‌हप्रदे भन्दा ल्हें अलि-अङाँमैंने तिखेर्न त्‍होखइ। चमैं न्होंरि को-कोइ सियालेन् त्हेन् जसो तोगोइ या सोगोंन् मुँ।

१ कोरिन्थी 2:7

दिलेया ङ्योइमि परमेश्‍वरउँइँले खबै बुद्धिए ताँमैं बिप्रम्। च बुद्धिए ताँ म्हिमैंइ तिफुँइ क्होल् आखाँब् मुँल। दिलेया ङ्योइ खीउँइँले आशिक योंरिगे बिसि स्योंम् ओंनोंन् परमेश्‍वरजी चु बुद्धि ङ्योए ल्हागिर साँथेंल।

१ कोरिन्थी 4:1

छतसि ङिलाइ येशू ख्रीष्‍टए के लब्मैं नेरो परमेश्‍वरउँइँले खबै बुद्धिए ताँमैं ङिए जिम्‍मार थेंइमुँ बिसि म्हिमैंइ मैंल् त्‍हुम्।

२ कोरिन्थी 5:2

चु ज्युर मुँमा ङ्योलाइ दुःख तम्, स्वर्गर्बै ज्युर मुँमा दुःख आत। छतसि क्वें फेर्दिब् धोंलेन् ज्यु या फेर्दिल् योंस्याँ तमल बिबै सैं खम्।

२ कोरिन्थी 5:4

चु ज्युर मुँमा ङ्योए फिर ल्हें दुःखमैं तमा ङ्योइ दुःखए सो हेंम्। दिलेया ङ्यो क्लुना तरिगे बिसि आङिं, झन ल्हें छ्याँबै क्वेंमैं खिल् योंरिगे, धै चु सिसि क्राँयाबै ज्यु खोंयोंइ आसिबै प्ल्हर्बै ज्यु तरिगे बिबै सैं खम्।

एफिसी 1:9

येशू ख्रीष्‍टउँइँलेन् पूरा लब्‍मुँ बिसि परमेश्‍वरजी ओंसों ओंनोंन् मैंल। छतसि ख्रीष्‍टउँइँले तोगो खीजी च ताँ ङ्योलाइ सेल् पिंइमुँ।

एफिसी 3:3

परमेश्‍वरजी खीए सैंर्बै लोथेंबै चाँजो ङने बिइमुँ। चु ताँए बारेर ङइ ओंसों या च्युगुदे ताँ प्‍ह्रिल् खाँइमुँ।

एफिसी 5:32

चुर बेल्‍ले थेबै क्‍ह्रोंसेंन्‍बै ताँ ग। धै चु ताँ ख्रीष्‍ट नेरो बिश्‍वासीमैंए न्होंर्बै ताँ ग बिसि ङइ बिम।

फिलिप्पी 3:21

च त्हेर खीजी ङ्योए केर आफेबै ज्युलाइ खील् धों तबै ज्यु लमिंब्मुँ। खीजी खैले ताँन् सैमैं खीए न्होंर थेंल् खाँमुँ, छलेन ङ्योए केर आफेबै ज्यु या फेर्दिवासि खील् धों तबन् लमिंब्‍मुँ।