१ कोरिन्थी 15:28 - परमेश्‍वरए ताँ तमु क्युइर

²⁸ छले परमेश्‍वरजी तोन्दोंरि सै ख्रीष्‍टए न्होंर थेंब्मुँ, दिलेया ख्रीष्‍ट बिस्याँ खीए प्हले न्होंर तोन्दोंरि सै थें‍मिंबै परमेश्‍वर आबाए न्होंर टिब्‍मुँ, धै परमेश्‍वरजीन् ताँन् सैए फिर ग्याल्स लब्‍मुँ।

१ कोरिन्थी 15:28 ပူးပေါင်းရင်းမြစ်များ

भजनमैं 18:39

क्हिजी ङ शत्तुरमैंने नेबै ल्हागिर भोंब लमिंइ; क्हिजी ङए शत्तुरमैं ङए प्हलेर कुरामिंइ।

भजनमैं 18:47

ङए शत्तुरमैंने खि किंब नेरो म्हिमैंलाइ ङए न्होंर थेंमिंब परमेश्‍वरन् ग।

यूहन्‍ना 14:28

‘ङ ह्‍यासिन् मुँ, धबै क्हेमैं ङाँर’ युब्मुँ बिसि ङइ बिबै ताँ क्हेमैंइ थेइ। क्हेमैंइ ङलाइ म्हाँया लस्याँ ङ आबा ङाँर ह्‍यासिन् मुँ बिब् थेसि क्हेमैं सैं तोंमल। तलेबिस्याँ ङ भन्दा थेब आबा मुँ।

१ कोरिन्थी 11:3

अझै क्‍हेमैंइ चु ताँ सेरिगे बिब ङए सैं मुँ: ख्रीष्‍ट ताँन् म्हिमैंए क्र ग, झाइले प्युँ प्ह्रेंस्योए क्र ग, परमेश्‍वर ख्रीष्‍टए क्र ग।

१ कोरिन्थी 12:6

झाइले ल्हें खालर्बै केमैं मुँ, दिलेया च के लबर परमेश्‍वर घ्रिजीन् ताँनलाइ के लबै भों पिंम्।

१ कोरिन्थी 15:29

धै सिब्‍मैं धबै सोगों आतब् ङिंस्‍याँ म्‍हिमैंइ सियाब्‍मैंए ल्हागिर बप्‍तिस्‍मा किंसि तो फायदा तम्? सिब्‍मैं सोगों आतब् ङिंस्‍याँ चमैंइ सिब्‍मैंए ल्हागिर तले बप्‍तिस्‍मा किंब?

१ कोरिन्थी 3:23

झाइले क्‍हेमैं ख्रीष्‍टल् ग, धै ख्रीष्‍ट परमेश्‍वरल् ग।

एफिसी 1:23

ङ्यो बिश्‍वासीमैं ख्रीष्‍टए ज्यु ग। झाइले ङ्यो ख्रीष्‍टए ज्यु तसेरो ख्रीष्‍ट ङ्योए सैं न्‍होंर टिसि खीजी ङ्योलाइ खी धों तल् लमिंम्। छले ख्रीष्‍टजी ह्रोंसए सैंर मैंब् धोंले ताँन् सै तल् पिंम्।

फिलिप्पी 3:21

च त्हेर खीजी ङ्योए केर आफेबै ज्युलाइ खील् धों तबै ज्यु लमिंब्मुँ। खीजी खैले ताँन् सैमैं खीए न्होंर थेंल् खाँमुँ, छलेन ङ्योए केर आफेबै ज्यु या फेर्दिवासि खील् धों तबन् लमिंब्‍मुँ।

कलस्सी 3:11

छतसि ताँन् म्‍हिमैं घ्रिन् तइमुँ। यहूदीमैं मुँलेया, अरू ह्रेंमैं मुँलेया, ज्युर चिनु ललेया आललेया, आखेब्‍मैं, तोइ आह्रब्मैं मुँलेया, केब्छैंमैं ङिंलेया आङिंलेया, तो मुँलेया, च ताँन् परमेश्‍वरए उँइँर तोइ फरक आरे। ङ्योलाइ चैदिबै सै ख्रीष्‍ट मत्‍त्रे ग, धै ताँन् म्‍हिए सैं न्‍होंर ख्रीष्‍ट टिम्।