१ कोरिन्थी 15:26 - परमेश्‍वरए ताँ तमु क्युइर

²⁶ धाँसे लिउँइँ नास लल् त्हुबै शत्तुर काल ग।

१ कोरिन्थी 15:26 ပူးပေါင်းရင်းမြစ်များ

लूका 20:36

तलेबिस्याँ चमैं स्‍वर्गदूत धोंबन् तम्। चमैं सिसि धबै सोगों तबइले चमैं परमेश्‍वरए सन्तान ग। छतसि चमैं खोंयोंइ सिरिब् आरे।

१ कोरिन्थी 15:55

“ओ काल, खोइ! क्‍हिइ ट्होइ वा? ओ काल, क्‍हिए भों खोइ?”

२ तिमोथी 1:10

चु दयाम्हाँया ङ्यो मुक्‍ति पिंबै येशू ख्रीष्‍ट युसि उँइँमिंइँमुँ। खीजी कालए फिर ट्होगों तसि खोंयोंइ आखाँबै छ्हलाइ सैं तोंबै ताँउँइँले था सैमिंइमुँ।

हिब्रू 2:14

चु च्ह च्हमिंमैं से को कोंसि तबइले येशू या चमैं धोंलेन् से कोए ज्यु तइ। तलेबिस्याँ खी सिमिंसि कालए शक्‍ति मुँबै दुष्‍टलाइ (दियाबलस) नास लवाइ।

दर्शन 20:13

मा ङ्युँइर सिबै म्‍हिमैं मा ङ्युँइइ पिंइ, छलेन काल नेरो क्रोज्यै या खेंमैंने मुँबै सिनुमैं पिंइ। धै चमैंइ लबै केमैं ङ्‍ह्‍योसि परमेश्‍वरजी निसाफ लइ।

दर्शन 20:14

च लिउँइँ परमेश्‍वरजी काल नेरो क्रोंलाइ मि मुँबै होंल्दोंर भ्‍योंवाइ। च मि मुँबै होंल्दों प्ल्हइ दु:ख योंबै क्ल्ह्‍यो ग।

दर्शन 21:4

खीजी चमैंए मिग्लि योगुर्ले फ्‍योमिंब्‍मुँ। च त्हेसेरो खाबै आसि, शोक आत, क्रोब-म्‍होब नेरो दुःख कष्‍ट खोंयोंइ या आत। ओंसोंबै ताँन् सैमैं म्हयाल् खाँइमुँ।”