१ कोरिन्थी 15:24 - परमेश्‍वरए ताँ तमु क्युइर

²⁴ च लिउँइँ चु ह्‍युलए आखिरि त्हिंइ खब्‍मुँ। च त्हेर ख्रीष्‍टजी ताँन् शासकमैं, अधिकारमैं नेरो ताँन् भों मुँबै सैमैं नास लवासि परमेश्‍वर आबालाइ ग्याल्स लबर पिंब्मुँ।

१ कोरिन्थी 15:24 ပူးပေါင်းရင်းမြစ်များ

मत्ती 10:22

क्हेमैंइ ङए मिं किंबइले ताँन् म्‍हिमैंइ क्‍हेमैं हेल लब्‍मुँ। दिलेया सैदिसि लिउँइँ समा बिश्‍वासर भोंब् तेरिब्‍मैं परमेश्‍वरजी जोगेमिंब्मुँ।

मत्ती 11:27

येशूजी धबै बिइ, “ङए आबाजी तोन्दोंरि सै ङने पिंइमुँ। परमेश्‍वर आबाजी बाहेक अरू खाबज्‍यै परमेश्‍वरए च्‍हलाइ ङो आसे। छलेन च्ह बाहेक खाबज्यै परमेश्‍वर आबालाइ ङो आसे। ‘परमेश्‍वर आबा ङो सेरिगे’ बिसि च्हजी तेंमिंब्मैंइ मत्‍त्रे परमेश्‍वर आबा ङो सेमुँ।

मत्ती 24:13

दिलेया लिउँइँ समा खीए फिर बिश्‍वास लसि टिब्मैंलाइ परमेश्‍वरजी जोगेमिंब्मुँ।

मत्ती 28:18

छतमा येशू चमैं ङाँर खसि बिइ, “स्वर्ग नेरो पृथ्‍बीर्बै तोन्दोंरि हग परमेश्‍वरजी ङने पिंइमुँ।

लूका 10:22

“ङए परमेश्‍वर आबाजी तोन्दोंरि सै ङलाइ पिंइमुँ। च्‍ह खाब् जा बिसि परमेश्‍वर आबाजी मत्‍त्रे सेमुँ अरूमैंइ आसे, परमेश्‍वर आबा खाब् जा बिसि च्हइ मत्‍त्रे सेमुँ अरूमैंइ आसे। ‘परमेश्‍वर आबा ङो सेरिगे’ बिसि ङइ उँइँदा ङ्हाँब्मैंइ मत्‍त्रे खीलाइ ङो सेम्, अरू खाबज्‍यै या परमेश्‍वर आबा ङो आसे।”

यूहन्‍ना 13:3

आबाजी तोन्दोंरि सै खीए योर पिंइँमुँ। धै खी परमेश्‍वरउँइँले युब् ग, झाइले परमेश्‍वर ङाँर्न ह्‍यासिन् मुँ बिबै ताँ येशूजी था सेल।

यूहन्‍ना 3:35

परमेश्‍वर आबाजी खीए च्‍हलाइ म्‍हाँया लम्, छतसि तोन्दोंरि सै खीए योर्न पिंइमुँ।

रोमी 8:38

तलेबिस्याँ ङइ चु ताँ पक्‍का था सेइमुँ: तो सैज्‍यै या ङ्योलाइ ख्रीष्‍टजी लबै म्हाँयाउँइँले फ्रेवाल् आखाँ। स्‍वर्गदूतमैंइ, ह्‍युलर्बै भों मुँबै सैमैंइ, आछ्याँबै भों मुँबै सैमैंइ, तोगो तरिबै सैमैंइ, लिउँइँ तखबै सैमैंइ, अथवा कालइ,

एफिसी 5:20

झाइले खोंयोंन् बिलै तोन्दोंरि सैए ल्हागिर प्रभु येशू ख्रीष्‍टए मिंर परमेश्‍वर आबालाइ धन्‍यबाद पिंन्।

कलस्सी 2:10

क्हेमैं ख्रीष्‍ट येशूने घ्रिन् तबइले छ्हर योंल् त्हुबै ताँन् सैमै योंबै क्ल्ह्‍योर क्हेमैं फेखइमुँ। ताँन् शक्‍तिमैं नेरो ग्याल्समैंए फिर्बै थेब खीन् ग।

कलस्सी 2:15

येशू ख्रीष्‍ट क्रूसर सिमिंसि खीजी च ताँन् दुष्‍टए शक्‍ति मुँबै सैमैं केर आफेब् लवासि ट्होवाइमुँ। धै “चमैं ताँन् ङए न्होंर मुँ” बिसि खीजी ताँन् म्‍हिमैंए उँइँरि चमैं फाफेल् लवाइ।

१ तिमोथी 6:15

धाँसे थेब ताँनइ म्हाँदिल् त्हुबै परमेश्‍वरजी खीजी ठर्दिबै त्हेर प्रभु येशू ख्रीष्‍ट धबै कुल्मिंब्‍मुँ। म्रुँमैंए म्रुँ, प्रभुमैंए प्रभु परमेश्‍वरन् ग।

१ पत्रुस 4:7

ताँन् सै नुयाबै त्हे तखइमुँ। छतसि प्राथना लल् खाँरिगे बिसि छ्याँबै सैं प्ह्‍यासि न्ह क्रों मि क्रों तरिद्।

२ पत्रुस 1:11

धै ङ्योलाइ जोगेमिंबै ङ्योए प्रभु येशू ख्रीष्‍टए खोंयोंन् बिलै तरिबै ग्याल्सर परमेश्‍वरजी ङ्योलाइ थेबै मान्ले होंल् पिंब्मुँ।