१ कोरिन्थी 15:15 - परमेश्‍वरए ताँ तमु क्युइर

¹⁵ चए फिरै या ङि परमेश्‍वरए बारेर स्योर तेसि पोंब्मैं तब्मुँ, तलेबिस्याँ परमेश्‍वरजी “ख्रीष्‍टलाइ सिबउँइँले धबै सोगों लमिंइ” बिसि खीए बारेर ङिइ ग्वाइ पिंइमुँ। क्ह्रोसेंन सियाब्मैं धबै सोगों आतस्याँ खीजी ख्रीष्‍टलाज्यै या सोगों आलमल।

१ कोरिन्थी 15:15 ပူးပေါင်းရင်းမြစ်များ

प्रस्थान 23:3

ङ्हाँदु म्हि मुद्दार फेमा ‘च म्हि ङ्हाँदु ग,’ बिसि चए ख आलद्।

चेला चिब्मैंए केमैं 2:24

सैवालेया परमेश्‍वरजी खी सिबउँइँले धबै सोगों लमिंइ। तलेबिस्याँ खी सिबै सिबन् तल् आखाँमल।

चेला चिब्मैंए केमैं 2:32

चुन् येशू परमेश्‍वरजी सिबउँइँले सोगों लमिंइ। चु ताँए साक्षि ङि ताँन् मुँ।

चेला चिब्मैंए केमैं 20:21

यहूदीमैं नेरो ग्रिकमैंने पाप केमैं पिसि परमेश्‍वरउँइँ सैं एद् धै ङ्योए प्रभु येशूए फिर बिश्‍वास लद् बिसि ङइ ग्वाइ पिंइँमुँ।

चेला चिब्मैंए केमैं 4:10

नासरतर्बै येशू ख्रीष्‍टए मिंर चु म्हि ससि क्हेमैंए उँइँर राइमुँ बिसि क्हेमै नेरो इस्राएलर्बै ताँन् म्हिमैंइ सेल् त्हुम्। क्हेमैंइ येशूलाइ क्रूसर च्योवाल, दिलेया परमेश्‍वरजी खीलाइ सिबउँइँले धबै सोगों लमिंइ।

चेला चिब्मैंए केमैं 4:33

झाइले च कुल्मिंबै चेला चिब्मैंइ तिफुँइ आङ्हिंन्ले प्रभु येशू सिबइले धबै सोगों तइमुँ बिसि ग्वाइ पिंमल, छतमा परमेश्‍वरजी चमैं ताँनए फिर थेबै आशिक पिंमल।

१ कोरिन्थी 15:13

क्‍हेमैंइ बिब् धोंले सियाब्‍मैं धबै सोगों आतस्याँ ख्रीष्‍टै या सिसि धबै सोगों तब आङिं।

१ कोरिन्थी 15:16

तलेबिस्याँ सियाब्मैं धबै सोगों आत बिस्याँ ख्रीष्‍ट या सिबउँइँले धबै सोगों आत।

१ कोरिन्थी 15:20

दिलेया छ बिब आत! ख्रीष्‍ट सिबउँइँले धबै सोगों तब क्‍ह्रोसेंन् ग। सियाब्‍मैं न्‍होंरि ताँन् भन्दा ओंसों येशू सिबउँइँले सोगों तइ। छतसि सिसि न्‍हरु च्‍हुइरिब्‍मैं धबै सोगों तब्मुँ बिबै प्रमाण येशू ख्रीष्‍टन् ग।