१ कोरिन्थी 15:13 - परमेश्‍वरए ताँ तमु क्युइर

¹³ क्‍हेमैंइ बिब् धोंले सियाब्‍मैं धबै सोगों आतस्याँ ख्रीष्‍टै या सिसि धबै सोगों तब आङिं।

१ कोरिन्थी 15:13 ပူးပေါင်းရင်းမြစ်များ

चेला चिब्मैंए केमैं 23:8

तलेबिस्याँ सदुकीमैंइ म्हि सिइरि धबै सोगों आत, स्वर्गदूत नेरो प्ल्ह बिब तोइ या आत बिमल। दिलेया फरिसीमैंइ चु ताँन् सैमैं तम् बिसि क्वेंमल।

रोमी 8:11

चए फिरै या येशू सिसेया परमेश्‍वरजी खीलाइ धबै सोगों लमिंइ। छतसि खीए प्ल्ह क्‍हेमैंए सैंर टिस्याँ ख्रीष्‍टलाइ सोगों लमिंबै परमेश्‍वरए प्ल्हजी क्‍हेमैंए सिल् त्‍हुबै ज्यु या सोगों लमिंब्मुँ।

रोमी 8:23

सृष्‍टि मत्‍त्रे आङिं, ङ्योज्‍यै या दुःखए सो सेंसिन् परमेश्‍वरए घ्‍याँ ङ्‌ह्‍योरिइमुँ। परमेश्‍वरजी लिउँइँ पिंबै ताँन् आशिकए फुइ तोगोइन खीए पबित्र प्ल्ह ङ्योए ल्हागिर पिंइमुँ। छतमा खीजी ङ्योलाइ खीए च्‍ह-च्हमिमैं लमिंसि जोगेमिंब्मुँ बिसि ङ्योइ घ्‍याँ ङ्‌ह्‍योरिइमुँ।

१ कोरिन्थी 15:12

सिबै लिउँइँज्यै या ख्रीष्‍ट सोगों तइमुँ बिबै सैं तोंबै ताँ ङिइ बिइमुँ। दिलेया सियाब्‍मैं धबै सोगों तल् आखाँ बिसि क्‍हेमैं न्‍होंरि को-कोइइ खैले बिल् खाँइ?

१ कोरिन्थी 15:14

ख्रीष्‍ट सिसि धबै सोगों आतस्याँ ङिइ बिमिंबै सैं तोंबै ताँ फाक्‍कर्बै तम्, धै क्‍हेमैंइ लबै बिश्‍वासै या फाक्‍कर्ब तम्।

१ कोरिन्थी 15:20

दिलेया छ बिब आत! ख्रीष्‍ट सिबउँइँले धबै सोगों तब क्‍ह्रोसेंन् ग। सियाब्‍मैं न्‍होंरि ताँन् भन्दा ओंसों येशू सिबउँइँले सोगों तइ। छतसि सिसि न्‍हरु च्‍हुइरिब्‍मैं धबै सोगों तब्मुँ बिबै प्रमाण येशू ख्रीष्‍टन् ग।

१ थेसलोनिकी 4:14

तलेबिस्याँ प्रभु येशू सियालेया धबै सोगों तसि रेखइ बिसि ङ्योइ क्वेंम्, छलेन येशूए फिर बिश्‍वास लसि सियाब्‍मैंलाइ परमेश्‍वरजी सोगों लमिंसि येशूने पुयुब्मुँ।

२ तिमोथी 4:8

छले ङइ लबै केमैं खीए उँइँर ठिक ठर्दिबइले खीजी ङए ल्हागिर थेबै क्रेगि थेंइमुँ। छेनाले निसाफ लबै प्रभुजी च त्हिंइर च क्रेगि ङलाइ पिंब्मुँ - ङलाइ मत्‍त्रे आङिं, दिलेया प्रभुलाइ म्हाँया लसि खी युबै त्हिंइए घ्‍याँ ङ्ह्‍योरिब्‍मैं ताँनलाइ खीजी च क्रेगि पिंब्‍मुँ।

हिब्रू 13:20

परमेश्‍वरजी क्युमैंए क्ह्रोंसेंन्बै छैं ङ्योए प्रभु येशूलाइ खोंयोंन् बिलै तरिबै बाछाए कोउँइँले सिबउँइँले धबै सोगों लमिंइ। तारे म्हिमैंलाइ क्ह्रिल् लमिंबै परमेश्‍वरजी

हिब्रू 2:14

चु च्ह च्हमिंमैं से को कोंसि तबइले येशू या चमैं धोंलेन् से कोए ज्यु तइ। तलेबिस्याँ खी सिमिंसि कालए शक्‍ति मुँबै दुष्‍टलाइ (दियाबलस) नास लवाइ।

१ पत्रुस 1:3

ङ्योए प्रभु येशू ख्रीष्‍टए आबालाइ ङ्योइ धन्‍यबाद पिंल् त्हुम्! तलेबिस्याँ खीए शक्‍तिजी येशू ख्रीष्‍टलाइ सिबउँइँले धबै सोगों लमिंबइले ङ्योइ छारा छ्ह योंइ। छतसि ङ्योइ खोंयोंन् बिलै परमेश्‍वरने टिल् योंबै क्ह्रोंसेंन्बै आशा योंइमुँ।

दर्शन 1:18

सोगों परमेश्‍वर ङन् ग। ङ सियाल, दिलेया तारे ङ खोंयोंइ बिलै सोरिम्। काल नेरो म्‍हि प्‍ल्‍हमैं नाँसर्बै साँजु नेरो हग ङने मुँ।