१ कोरिन्थी 15:12 - परमेश्‍वरए ताँ तमु क्युइर

¹² सिबै लिउँइँज्यै या ख्रीष्‍ट सोगों तइमुँ बिबै सैं तोंबै ताँ ङिइ बिइमुँ। दिलेया सियाब्‍मैं धबै सोगों तल् आखाँ बिसि क्‍हेमैं न्‍होंरि को-कोइइ खैले बिल् खाँइ?

१ कोरिन्थी 15:12 ပူးပေါင်းရင်းမြစ်များ

चेला चिब्मैंए केमैं 17:32

म्हि सिसि धबै सोगों तबै ताँ थेसि चमैं न्होंर्बै को-कोइ बिल्‍लि लइ। दिलेया अरूमैंइ बिइ, “चु ताँए बारेर क्हिए ताँ धबै ङि थेब्मुँ।”

चेला चिब्मैंए केमैं 23:8

तलेबिस्याँ सदुकीमैंइ म्हि सिइरि धबै सोगों आत, स्वर्गदूत नेरो प्ल्ह बिब तोइ या आत बिमल। दिलेया फरिसीमैंइ चु ताँन् सैमैं तम् बिसि क्वेंमल।

चेला चिब्मैंए केमैं 26:8

परमेश्‍वरजी सियाब्मैं धबै सोगों लमिंब्मुँ बिबै ताँ क्हेमैं तले क्वेंल् आखाँ?

१ कोरिन्थी 15:11

छतसि ङइ मुँले अरू कुल्मिंबै चेला चिब्मैंइ मुँले, ङिइ चु सैं तोंबै ताँ बिप्रइ, धै ङिइ बिबै ताँ थेसि क्‍हेमैंइ बिश्‍वास लइमुँ।

२ थेसलोनिकी 2:17

क्‍हेमैंए सैं भोंब लमिंरिगे धै तोन्‍दोंरि छ्याँबै केमैं लबर नेरो छ्याँबै ताँमैं पोंबर ल्होमिंरिगे बिसि ङइ प्राथना लमुँ।

२ तिमोथी 2:18

चमैंइ क्ह्रोंसेंन्बै ताँ आपों, चमैंइ म्हिमैं सिबइले सोगों लमिंबै के ओंसोंन् तयाइमुँ बिसि स्योलिबै ताँ पोंम्। चमैंए ताँ थेसि कति म्हिमैंलम् सैं ङ्हिरि तयाइमुँ।