१ कोरिन्थी 15:10 - परमेश्‍वरए ताँ तमु क्युइर

¹⁰ दिलेया परमेश्‍वरए दयाम्हाँया योंसि ङ तिंजोरो कुल्मिंबै चेला चिब तइ। झाइले परमेश्‍वरजी ङए फिर लबै दयाम्हाँया फाक्‍कर्बै आतइमुँ, बरु ङइ अरू कुल्मिंबै चेला चिब्मैंइ भन्दा ल्हें के लइमुँ। दिलेया चु छाबै के ङ ह्रोंसैन लब आङिं, ङने मुँबै परमेश्‍वरए दयाम्हाँयाजी लब् ग।

१ कोरिन्थी 15:10 ပူးပေါင်းရင်းမြစ်များ

मत्ती 10:20

तलेबिस्याँ पोंब क्‍हेमैं आङिं, दिलेया क्हेमैंए आबाए प्ल्ह क्‍हेमैंए सुँउँइँले पोंब्‍मुँ।

मत्ती 25:16

माराए सिक्‍का ङ्‍ह योंबै म्‍हिइ युनन् ह्‍यासि च मुइउँइँले छों लसि अर्को सिक्‍का ङ्‍ह कमदिइ।

रोमी 11:1

छ बिस्‍याँ परमेश्‍वरजी खीए यहूदी म्‍हिमैं त्‍याग्‍दिइ वा? आङिं, कत्ति आङिं! तलेबिस्याँ ङै या अब्राहमए सन्तानउँइँले फिबै बेन्‍यामिनए कुलर्बै इस्राइलि ग।

रोमी 12:3

परमेश्‍वरजी ङलाइ खीए दयाम्हाँया पिंबइले ङइ क्‍हेमैं ताँनने यो छ्युँ लमुँ: ह्रोंसलाइ थेब आमैंन्, परमेश्‍वरजी क्हिलाइ पिंबै बिश्‍वास अनुसार ह्रोंस खैतब् मुँ छाबन् मैंन्।

१ कोरिन्थी 15:11

छतसि ङइ मुँले अरू कुल्मिंबै चेला चिब्मैंइ मुँले, ङिइ चु सैं तोंबै ताँ बिप्रइ, धै ङिइ बिबै ताँ थेसि क्‍हेमैंइ बिश्‍वास लइमुँ।

१ कोरिन्थी 15:2

चु सैं तोंबै ताँ क्वेंसि क्हेमैं बिश्‍वासर भोंब् तस्याँ क्‍हेमैंइ मुक्‍ति योंम्। आस्‍याँ क्‍हेमैंइ फाक्‍कर्न बिश्‍वास लइ।

१ कोरिन्थी 3:10

परमेश्‍वरउँइँले योंबै ज्ञान बुद्धिउँइँले ङइ धिं बनेबै सिपालु कर्मिइ धोंले छेनाले तें (जग) झोंइमुँ। च तेंए फिर गारा झोंब्मैं ताँनइ छेनाले च्हैंसि मैंसि परमेश्‍वरउँइँले योंबै भों मुँबै बरदान अनुसार के लसि छेनाले गारा झोंल् त्हुम्।

१ कोरिन्थी 3:6

ङइ प्‍लु प्‍लुइ, अपोल्‍लसइ क्‍यु झोंइ, दिलेया परमेश्‍वरजीन् धुँ बडिमिंइ।

१ कोरिन्थी 4:7

खाबइ क्हिलाइ अरूमैं भन्दा थेब् लमिंइ? क्‍हिने मुँबै सैमैं ताँन् परमेश्‍वरजी पिंब आङिं वा? क्‍हिइ योंबै तोन्दोंरि सैमैं परमेश्‍वरजी पिंबै बरदान आङिं वा? छतसि क्हेमैं तले थेब् प्हैंमुँ?

२ कोरिन्थी 12:11

ङलाइ बुद्धि आरेबै म्हि तबर क्‍हेमैंन कर ल्‍हैदिइ। क्‍हेमैंइ अरूमैंए छ्याँबै बयन लसि चमैंलाइन “बेल्‍ले छ्याँबै कुल्मिंबै चेला चिब्मैं” बिमुँ, चमैंए उँइँरम् क्‍हेमैंइ ङए बारेर छ्याँबै बयन लल् त्‍हुमल। तलेबिस्याँ ङ तोइ आङिंलेया चमैं भन्दा ङ तोरै च्‍योंब् आरे।

२ कोरिन्थी 3:5

ह्रोंसए भोंजीन् चु के लइ बिसि ङिइ बिबै घ्याँ आरे, दिलेया ङिइ के लबै भों परमेश्‍वरउँइँले योंम्।

२ कोरिन्थी 6:1

ङि परमेश्‍वरने बालु के लब्मैं तबइले क्‍हेमैंने यो छ्युँ लमुँ, क्‍हेमैंइ योंबै परमेश्‍वरए दयाम्हाँया छलेन् खेरो ह्‍याल् आपिंन्।

गलाती 2:8

तलेबिस्याँ परमेश्‍वरजी खीए शक्‍तिउँइँले सैं तोंबै ताँ बिप्रबर ज्युर चिनु लबै यहूदीमैंए ल्हागिर पत्रुसलाइ त्‍हाँब् धोंले ज्युर चिनु आलबै अरू ह्रेंमैंए ल्हागिर ङलाइ त्‍हाँब् ग।

फिलिप्पी 2:13

तलेबिस्याँ परमेश्‍वरजी क्‍हेमैं खीए सैंर मैंब् धोंले प्ररिगे धै खीए के लरिगे बिसि खीजी क्हेमैंए न्‍होंर खोंयोंइन के लरिम्।

फिलिप्पी 4:13

तलेबिस्याँ ख्रीष्‍टजी ङलाइ तआन् सैए फिर ट्होबै भों पिंइमुँ। छतसि ङइ चु ताँन् सै लल् खाँम्।

१ थेसलोनिकी 5:12

ओ अलि-अङाँमैं, ङि क्‍हेमैंने यो छ्युँ लम्: क्‍हेमैंए म्‍हाँजोरि के लबै चिबमैं मुँ। चमैंइ परमेश्‍वरए घ्‍याँर क्हेमैंलाइ डोरेबर बेल्‍ले दुःख लइमुँ। छतसि चमैंए मान लद्।

१ तिमोथी 4:10

ङ्योइ खाँन् समा भों लसि छेनाले के लसि छ्ह थोल् त्हुम्, तलेबिस्याँ सोगों परमेश्‍वरए फिर ङ्योइ आशा थेंइमुँ। परमेश्‍वर ताँन् म्हिमैंलाइ, खासगरि खीए फिर बिश्‍वास लब्‍मैंलाइ जोगेमिंबै परमेश्‍वर ग।