१ कोरिन्थी 14:37 - परमेश्‍वरए ताँ तमु क्युइर

³⁷ खाबज्यै या ह्रोंसलाइ अगमबक्‍ता अथवा पबित्र प्ल्ह मुँबै म्‍हि ग बिसि मैंम् बिस्याँ, ङइ प्‍ह्रिबै चु ताँमैं प्रभुजी लद् बिबै ताँमैं ग बिसि चइ सेरिगे।

१ कोरिन्थी 14:37 ပူးပေါင်းရင်းမြစ်များ

लूका 10:16

येशूजी धबै चेलामैंने बिइ, “खाब‍इ क्‍हेमैंइ बिबै ताँ थेमुँ, चइ ङए ताँ थेम्। दिलेया खाबइ क्‍हेमैंइ बिब आङिंसि बिरोध लम्, चइ ङए बिरोध लम्। छलेन खाबइ ङइ बिब आङिंसि बिरोध लमुँ, चइ ङ कुल्‍मिंबै परमेश्‍वर आबालाज्यै या बिरोध लम्।”

रोमी 12:3

परमेश्‍वरजी ङलाइ खीए दयाम्हाँया पिंबइले ङइ क्‍हेमैं ताँनने यो छ्युँ लमुँ: ह्रोंसलाइ थेब आमैंन्, परमेश्‍वरजी क्हिलाइ पिंबै बिश्‍वास अनुसार ह्रोंस खैतब् मुँ छाबन् मैंन्।

१ कोरिन्थी 14:29

अगमबाणि पोंबै म्हि या ङ्हिंदे सोंदेइ मत्‍त्रे पोंरिगे। धै चमैंइ पोंबै ताँ परमेश्‍वरए ताँ ङिंउ उ आङि? बिसि अरूमैंइ छेनाले जाँच लरिगे।

१ कोरिन्थी 14:36

परमेश्‍वरए ताँ क्‍हेमैंउँइँले त्‍होंब् रो वा? क्‍हेमैंइ मत्‍त्रे परमेश्‍वरए ताँ सेइमुँ वा? आङिं!

१ कोरिन्थी 14:38

दिलेया खाबज्यै चु ताँए वास्ता आलबिस्याँ, चलाज्यै या वास्ता लरिब आरे।

१ कोरिन्थी 2:15

पबित्र प्ल्ह मुँबै म्हि बिस्याँ ताँन् सै छेनाले क्होल् खाँम्, दिलेया खाबज्यै या छाबै म्हिलाइ छ्याब् ल्हैदिल् आखाँ।

१ कोरिन्थी 3:1

ओ अलि-अङाँमैं, ङ क्‍हेमैं ङाँर खमा पबित्र प्ल्ह मुँबै म्हिमैंने पोंब् धोंले ङ क्‍हेमैंने पोंल् आखाँल, भर्खर बिश्‍वास लबै म्हिमैंने धोंले पोंल् त्हुइ।

१ कोरिन्थी 7:25

तारे कन्‍येमैंए बारेर प्रभु येशूउँइँले बिल् त्‍हुबै ताँ ङने तोइ आरे। दिलेया प्रभु येशूउँइँले दयाम्हाँया योंसि ङ म्हिमैंइ क्वेंल् खाँबै म्हि तबइले ङइ क्‍हेमैंलाइ सल्‍ला पिंम्।

१ कोरिन्थी 7:40

दिलेया चइ ब्ह्‍या आलल्‍ले टिम् बिस्याँ झन् छ्याँब तम्। चु ङए सैंर्बै ताँ ग, ङने या परमेश्‍वरए प्ल्ह मुँ बिब ङइ मैंमुँ।

१ कोरिन्थी 8:2

खाबज्‍यै या “ङइ तोन्दोंरि ह्रइमुँ” बिलेया ह्रल् त्‍हुबै ताँ चइ तोइ या आह्रइमुँ।

२ कोरिन्थी 10:12

ह्रोंसइ ह्रोंसलाइन थेब् लसि प्हैंबै म्हिमैंने ङि च्हैंदा आङ्हाँ। चमैंइ ह्रोंसलाइन अरूमैंने च्हैंसि ङ्‍ह्‍योमा चमैं कत्ति बुद्धि आरेब्‍मैं तब्मुँ।

२ कोरिन्थी 10:7

क्‍हेमैंइ ह्रोंसए मिइ म्रोंबै सैमैं मत्‍त्रे ङ्ह्‍योम्। क्हेमैंए न्होंरि खाबज्यै या “ङ येशू ख्रीष्‍टए म्‍हि ग!” बिम् बिस्याँ च धोंलेन् ङि या ख्रीष्‍टए म्हिन् ग बिसि चइ क्होल् त्हुम्।

२ कोरिन्थी 11:4

क्‍हेमैं ङाँर म्‍हि घ्रि खसि ङिइ बिबै येशू भन्दा अर्कोन् येशूए बारेर्बै ताँ बिइ बिस्याँ, झाइले क्‍हेमैंइ योंबै पबित्र प्ल्ह भन्दा चइ बिबै अर्कोन् प्ल्हए ताँ क्हेमैंइ क्वेंइ बिस्याँ, छलेन ङिइ बिमिंबै सैं तोंबै ताँ भन्दा अर्को ताँमैं क्‍हेमैंइ क्वेंइ बिस्याँ, च म्हिए ताँ क्हेमैंइ सैं तोंन्ले थेमना!

गलाती 6:8

खाबइ ह्रोंसए आछ्याँबै सैंउँइँले आछ्याँबै इच्‍छाए केमै लमुँ, च नास तयाब्‍मुँ, दिलेया खाबइ पबित्र प्ल्हजी बिब् धोंबै केमैं लमुँ, चइ पबित्र प्ल्हउँइँलेन् खोंयोंइ आखाँबै छ्ह योंब्‍मुँ।

२ पत्रुस 3:2

स्‍योंम्‍बै पबित्र अगमबक्‍तामैंइ पोंबै अगमबाणिए ताँमैं नेरो क्‍हेमैं ङाँर खबै कुल्मिंबै चेला चिब्मैंइ बिबै ताँमैं क्हेमैंइ मैंरिगे बिब ङए सैं मुँ।

१ यूहन्‍ना 4:6

दिलेया ङ्यो परमेश्‍वरए म्हिमैं ग। छतसि परमेश्‍वरलाइ ङो सेब्‍मैंइ ङ्योए ताँ थेम्, दिलेया परमेश्‍वरए म्हिमैं आङिंब्मैंइ ङ्योए ताँ आथे। चु ताँउँइँलेन् ङ्योइ क्ह्रोंसेंन्बै प्ल्ह नेरो स्योलिबै प्ल्ह था सेल् खाँम्।

यहूदाइ प्‍ह्रिबै प्ह्रिछ्या 1:17

छतसि ओ ङए खोबै थुमैं, ङ्योए प्रभु येशू ख्रीष्‍टजी कुल्मिंबै चेला चिब्मैंइ ओंसोंन् बिबै ताँमैं क्हेमैंइ मैंन्।