१ कोरिन्थी 14:20 - परमेश्‍वरए ताँ तमु क्युइर

²⁰ ओ अलि-अङाँमैं, च्हैंब्-मैंब् लल् त्हुबै केर कोलोमैं धों आतद्। आछ्याँबै केर कोलोमैं धों तद्, दिलेया च्हैंब्-मैंब् लल् त्हुबै केर पाको म्हि धों तद्।

१ कोरिन्थी 14:20 ပူးပေါင်းရင်းမြစ်များ

भजनमैं 119:99

ङलाइ लोमिंब्मैंइ भन्दा ङइ ल्हें क्होइमुँ, तलेबिस्याँ क्हिजी बिबै ताँमैं ङए सैंर मैंरिमुँ।

मत्ती 11:25

च त्हेर्न येशूजी प्राथना लसि “ओ आबा, स्वर्ग नेरो पृथ्‍बीर्बै क्‍ल्‍हे, ङ क्‍हिलाइ धन्‍यबाद पिंम्, तलेबिस्याँ ज्ञान बुद्धि मुँ बिसि ह्रब्-सेब् प्हैंब्मैंउँइँले क्‍हिजी चु ताँमैं लोथेंइ। दिलेया कोलोमैं धों तबै तोइ आसेबै म्‍हिमैंलाइ क्हिजी चु ताँ क्‍होल् लमिंइ।

मत्ती 18:3

बिइ, “क्ह्रोंसेंन्ले ङ क्हेमैंने बिमुँ, क्‍हेमैंए सैं एसि छाबै च्‍योंबै कोलोमैंल् धों तबै सैं आप्‍ह्‍यास्याँ क्‍हेमैं स्‍वर्गर्बै ग्याल्सर खोंयोंइ होंल् योंरिब् आरे।

मत्ती 19:14

दिलेया येशूजी बिइ, “कोलोमैं ङ ङाँर खल् पिंन्, चमैं आक्वेद्। तलेबिस्याँ स्‍वर्गर्बै ग्याल्स छाबै कोलोमैंए ल्हागिर्न ग।”

मत्ती 19:4

येशूजी बिइ, “क्‍हेमैंइ परमेश्‍वए छ्वे आखेइमुँ वा? म्‍हि बनेब् ओंनोंन् परमेश्‍वरजी मुँयुँ नेरो च्हमिरि लमिंइ।

मर्कूस 10:15

क्ह्रोंसेंन्ले ङ क्हेमैंने बिमुँ, च्‍योंबै कोलोमैंइ [खेंमैंए आबा-आमाए फिर छेनले भर लब्] धोंले, परमेश्‍वरए फिर भर थेंसि म्‍हाँदिब्मैंइ मत्‍त्रे परमेश्‍वरउँइँले आशिक योंब्‍मुँ, धै परमेश्‍वरए ग्याल्सर होंब्‍मुँ।”

लूका 18:17

क्ह्रोंसेंन्ले ङ क्हेमैंने बिमुँ, ह्रोंसए आबा-आमाइ बिब चु च्‍योंबै कोलोमैंइ ङिंम्। छतसि क्हेमैं या परमेश्‍वरजी बिब् ङिंन्। आङिंइ बिस्याँ क्हेमैं परमेश्‍वरए ग्याल्सर होंल् योंरिब् आरे।”

रोमी 1:13

ङए अलि-अङाँमैं, क्हेमैंइ चु ताँ सेरिगे बिब ङए सैं मुँ। ङइ अरू ह्रेंर्बै म्हिमैं बिश्‍वासर पखसि चमैंलाइ परमेश्‍वरए के छेनाले लल् खाँब्मैं लमिंइ। छलेन क्‍हेमैंलाज्यै बिश्‍वासर भोंब् लमिंसि परमेश्‍वरए के छेनाले लल् खाँब्मैं लमिंबै ल्हागिर क्हेमैं ङाँर ङ ल्हें खे खबै सैं लइ, दिलेया तो आङिं तो के पर्दिबइले तोगो समा खल् आयों।

रोमी 16:19

दिलेया क्‍हेमैंइ सैं तोंबै ताँ छेनाले म्हाँदिसि च अनुसार प्रम् बिब ताँनइ थेइमुँ। चु ताँर ङए सैं बेल्‍ले तोंइमुँ। अझै क्‍हेमैं छ्याँबै के लबर सिपालु तरिगे, धै आछ्याँबै केमैंए छ्याब क्हेमैंए फिर आखरिगे बिब ङए सैं मुँ।

१ कोरिन्थी 13:11

ङ कोलो मुँमा कोलो धोंलेन् पोंमल, कोलोए सैं लमल, कोलोइ धोंलेन् मैंमल, दिलेया तारेम् ङ थेब तइमुँ, छतसि कोलोर धों तबै बानि पिवाइ।

१ कोरिन्थी 14:19

दिलेया बिश्‍वासीमैं खागु तमा ङइ आक्होबै क्यइर हजार च्यु ताँफुँमैं पोंब् भन्दा बरु ताँफुँ ङ्‍हन् पोंलेया ह्रोंसए सैंउँइँलेन् ताँनइ क्होबै क्युइर ङ पोंदा ङ्हाँम्।

१ कोरिन्थी 2:6

दिलेया परमेश्‍वरए फिर बिश्‍वासर भोंब्मैंए उँइँर ङ्यो बुद्धिए ताँमैं या पोंम्। ङ्योइ पोंबै बुद्धिए ताँमैं चु ह्‍युलर्बै आङिं, ह्‍युलर ग्याल्स लब्मैंउँइँले खबै या आङिं। (चु ह्‍युलर ग्याल्स लब्मैं नास तयाम्।)

एफिसी 4:13

छतसि ताँन् बालु तसि ङ्योइ परमेश्‍वरए च्‍हए फिर छेन्‍ले बिश्‍वास लब्‍मुँ, खीलाइ छेनाले ङो सेब्‍मुँ। धै ङ्यो च्हैंब् मैंब् लल् खाँब्मैं तसि ङ्यो ख्रीष्‍ट धोंन् तब्‍मुँ।

फिलिप्पी 1:9

क्‍हेमैंए ल्हागिर ङए प्राथना चुन् मुँ: क्‍हेमैंए म्हाँया बेल्‍ले बडिदै ह्‍यारिगे, धै ज्ञान नेरो छेनाले क्‍होबै बुद्धि बेल्‍ले ल्‍हें योंरिगे।

फिलिप्पी 3:15

ङ्यो येशू ख्रीष्‍टए फिर बिश्‍वास लब्मैं ताँनइ छाबन् सैं मैंल् त्‍हुम्। दिलेया क्‍हेमैं न्‍होंरि को-कोइ स्योबन् सैं मैंस्‍याँ परमेश्‍वरजी च ताँ या क्‍हेमैंलाइ क्होमिंब्‍मुँ।

१ पत्रुस 2:2

बरु भर्खर फिबै कोलोमैंइ ङ्‍हे म्हैब् धोंले सैं भोंब् लमिंबै परमेश्‍वरए ताँ म्हैद्। छ लस्याँ परमेश्‍वरए फिर लबै क्हेमैंए बिश्‍वास बडिदै ह्‍याल् खाँब्मुँ।

२ पत्रुस 3:18

बरु ङ्योलाइ जोगेमिंबै प्रभु येशू ख्रीष्‍टए थेबै दयाम्हाँया नेरो बुद्धिर बडिदै ह्‍याद्। खीलाइ तोगो नेरो खोंयोंइ या थेबै मान तरिगे। आमेन, छान् तरिगे।