१ कोरिन्थी 14:1 - परमेश्‍वरए ताँ तमु क्युइर

¹ ताँन् भन्दा थेबै ताँ क्हेमैंइ ताँनए फिर म्हाँया लद्। झाइले पबित्र प्ल्हजी पिंबै बरदानमैं योंबै सैं लद्। चमैं न्होंरि अगमबाणि पोंबै बरदान योंबै भों लद्।

१ कोरिन्थी 14:1 ပူးပေါင်းရင်းမြစ်များ

हितोपदेश 15:9

दुष्‍ट म्हिमैंइ लबै के याहवेहजी आखो, दिलेया छ्याँबै के लब्मैंलाइ खीजी म्हाँया लम्।

हितोपदेश 21:21

ठिक के लब नेरो म्हाँया लबै म्हिए छ्ह छ्याँब तमुँ; बिब् धों मैंब् धों तमुँ धै ताँनइ म्हाँदिम्।

रोमी 12:6

छतसि परमेश्‍वरजी खीए दयाजी ङ्योलाइ पिंबै स्‍यो स्‍योबै बरदानमैं अनुसार के लले। अगमबाणि पोंबै बरदान क्हिलाइ पिंइबिस्‍याँ ह्रोंसइ येशू ख्रीष्‍टए फिर लबै बिश्‍वास अनुसार अरूने पोंन्।

रोमी 14:19

छतसि ङ्यो क्ह्रिसि घ्रिइ घ्रिलाइ ल्होबै केमैं खोंयोंन् बिलै लरिले।

रोमी 9:30

छतसि ङ्योइ तो बिल् त्‍हुम्? ठिमइ बिब् धोंले आप्रलैया अरू ह्रेंर्बै म्‍हिमैंइ बिश्‍वास लबइले परमेश्‍वरजी चमैंलाइ खीए उँइँरि ठिक ठर्दिइ।

१ कोरिन्थी 12:1

ओ अलि-अङाँमैं, क्हेमैंज्यै या पबित्र प्ल्हजी पिंबै बरदानए बारेर क्होरिगे बिब ङए सैं मुँ।

१ कोरिन्थी 12:31

छतसि थेबै बरदानमैं योंबै सैं लद्। ङइ क्हेमैंलाइ च बरदानमैं योंबै छ्याँबै घ्याँ उँइँमिंब्मुँ।

१ कोरिन्थी 13:13

छतसि खीए फिर थेंबै बिश्‍वास, खीए फिर लबै आशा नेरो म्हाँया लब, चु ताँ सों खोंयोंइ तरिम्। चुमैं न्‍होंरि ताँन् भन्दा थेब म्हाँया लब् ग।

१ कोरिन्थी 13:2

छलेन ङइ अगमबाणि पोंबै भों योंलेया, क्होल् आखाँबै ताँमैं क्होल् खाँलेया, तोन्दोंरि सैर ह्रब-सेब तलेया, झाइले कोंमैं स्‍योवाल् खाँबै बिश्‍वास ङने मुँलेया ङइ अरूए फिर म्हाँया आलस्‍याँ ङ तोइ सैरै या केर आफेबै म्हि तम्।

१ कोरिन्थी 14:22

म्हिमैंइ आक्होबै क्युइ पोंबै बरदान परमेश्‍वरए फिर बिश्‍वास लब्‍मैंए ल्हागिर आङिं, बरु बिश्‍वास आलब्‍मैंए ल्हागिर परमेश्‍वरजी पिंबै चिनु ग। दिलेया अगमबाणि पोंबै बरदान बिस्याँ खीजी बिबै ताँ थेल् आङिंब्‍मैंए ल्हागिर आङिं, खीए फिर बिश्‍वास लब्‍मैंए ल्हागिर ग।

१ कोरिन्थी 14:37

खाबज्यै या ह्रोंसलाइ अगमबक्‍ता अथवा पबित्र प्ल्ह मुँबै म्‍हि ग बिसि मैंम् बिस्याँ, ङइ प्‍ह्रिबै चु ताँमैं प्रभुजी लद् बिबै ताँमैं ग बिसि चइ सेरिगे।

१ कोरिन्थी 14:39

छतसि ओ ङए अलि-अङाँमैं, अगमबाणि पोंबै बरदान योंरिगे बिबै सैं लद्, धै आक्होबै क्युइर पोंब्मैंलाज्यै या आपोंन् आबिद्।

१ कोरिन्थी 16:14

ताँनने म्हाँया लद्। छेनाले क्ह्रिसि के लद्।

एफिसी 1:3

ङ्योए प्रभु येशू ख्रीष्‍टए परमेश्‍वर नेरो आबाए मिं थेब् तरिगे! खीजी ङ्योलाइ ख्रीष्‍टने घ्रिन् लमिंसि पबित्र प्ल्हउँइँले योंबै स्वर्गर्बै ताँन् आशिकमैं पिंइमुँ।

१ थेसलोनिकी 5:20

अगमबक्‍तामैंइ पोंबै ताँ फाकर्बै आमैंन्,

१ तिमोथी 4:14

अगमबक्‍तामैंइ पोंब् धोंले चजर्बै एल्डरमैंइ क्हिए क्रर यो थेंसि प्राथना लमा परमेश्‍वरउँइँले क्हिइ योंबै बरदानए हेल आलद्।

१ तिमोथी 5:10

छाबै म्हरेस्योमैं छ्याँबै के लसि छ्याँबै मिं चल्‍दिब धै ह्रोंसए च्‍ह-चमिमैं छेनाले फारब, प्ह्रेंमैंलाज्यै या चब् थुँबर मान लब, थेब् आप्हैंनले बिश्‍वासीमैंए सेवा लब, दुःख तब्‍मैंलाइ ल्होब, छाबै छ्याँबै केमैंर सैं पिंब्मैं तल् त्‍हुम्।

१ तिमोथी 6:11

छतसि बाबु, क्‍हि परमेश्‍वरए म्‍हि ग। क्‍हिइ चु छाबै लोबए केमैं आलद्। बरु परमेश्‍वरए उँइँर छेनाले सेवा लबर, बिश्‍वासर, म्हाँयार, खैतबै दुःखन् तलेया भोंब् तसि सैदिसि थेब् आप्हैंनले ढुक्‍कले टिद्।

२ तिमोथी 2:22

छतसि क्हि फ्रेंसि तमा ज्युइँले खबै आछ्याँबै केउँइँले स्यो तद्, धै छ्याँबै सैंउँइँले प्रभुए मिं किंब्मैंने बा-बालु छ्याँबै केमैं लदै, बिश्‍वासर भोंब् तसि म्हाँयार क्ह्रिसि प्रद्।

हिब्रू 12:14

ताँन् म्‍हिमैंने क्ह्रिब भों लद्, धै पबित्रले छ्ह थोबै सैं लद्। छले छ्ह आथोस्‍याँ खाबज्‍यै या प्रभु म्रोंल् आखाँ।

२ पत्रुस 1:7

खीलाइ छेन्ले म्हाँदिसि ताँन् बिश्‍वासी अलि-अङाँमैंलाइ म्हाँया लबै सैं लद्, झाइले म्हाँया लसि सब् लमिंबै म्हाँया लल् त्‍हुम्।

३ यूहन्‍ना 1:11

ओ ङइ खोबै थु, आछ्याँबै के लब्मैंइ धोंले आलद्, बरु छ्याँबै के लब्मैंइ धोंलेन् क्हिज्यै या छ्याँबै केमैं लद्। छ्याँबै के लब्मैं परमेश्‍वरए म्हिमैं ग, आछ्याँबै के लब्मैंइ परमेश्‍वरलाइ आम्रोंइमुँ।