१ कोरिन्थी 13:9 - परमेश्‍वरए ताँ तमु क्युइर

⁹ ङ्योए ज्ञान बुद्धि खोंयोंइ बिलै ङ्योने आत, अगमबाणि पोंबै बरदानमैं या खोंयोंन् बिलै ङ्योने आत।

१ कोरिन्थी 13:9 ပူးပေါင်းရင်းမြစ်များ

भजनमैं 139:6

क्हिए छाबै ज्ञान म्रोंसि ङ प्लेटोयाइमुँ, क्हिए ज्ञान क्होबर ङए ल्हागिर बेल्‍ले गारो मुँ।

भजनमैं 40:5

ओ याहवेह, ङए परमेश्‍वर, क्हिजी लबै औदिबै केमैं नेरो क्हिजी ङिए ल्हागिर लबै चाँजोमैं ल्हेंन् मुँ। क्हिजी लबै औदिबै केमैं ल्हेंन् मुँ, छतसि ङइ च केमैंए बयन लल् आखाँ। क्हि धों तब अरू खाबै आरे!

हितोपदेश 30:4

स्वर्ग समा खाब् क्रेयासि युइमुँ? खाबइ ह्रोंस‍ए मुठिर खैं क्हाइमुँ? ह्रोंसए क्वेंर खाबइ मा ङ्युँइ बेर्दिइमुँ? पृथ्बीए साँद खाबइ तोक्दिइमुँ? खीए मिं तो जा, धै खीए च्हए मिं तो जा? क्हिइ सेइमुँ बिस्याँ ङने बिद्!

मत्ती 11:27

येशूजी धबै बिइ, “ङए आबाजी तोन्दोंरि सै ङने पिंइमुँ। परमेश्‍वर आबाजी बाहेक अरू खाबज्‍यै परमेश्‍वरए च्‍हलाइ ङो आसे। छलेन च्ह बाहेक खाबज्यै परमेश्‍वर आबालाइ ङो आसे। ‘परमेश्‍वर आबा ङो सेरिगे’ बिसि च्हजी तेंमिंब्मैंइ मत्‍त्रे परमेश्‍वर आबा ङो सेमुँ।

रोमी 11:34

परमेश्‍वरए छ्वेर छले प्ह्रिइमुँ, “याहवेहए सैंर्बै ताँ खाबइ सेइमुँ? झाइले खीलाइ खाबइ सल्‍ला पिंल् खाँम्?”

१ कोरिन्थी 13:10

क्ह्रोंसेंन्बै ताँ तखबै त्हेर खोंयोंन् बिलै आचैबै सैंमैं म्हयाब्‍मुँ।

१ कोरिन्थी 13:12

आछ्याँबै दर्पनर ङ्ह्‍योमा लि छर्लङ्गले आम्रोंब् धोंलेन् तिंजोरो ङ्योइ परमेश्‍वरए बारेर छेनाले क्होल् आखाँ, दिलेया खीने त्‍होबै त्हेर बिस्याँ खी खैब मुँन बिब छेनाले क्होल् खाँब्‍मुँ। तिंजोरो ङइ परमेश्‍वरलाइ दे दे मत्‍त्रे सेम्, दिलेया खीजी ङलाइ छेनाले ङो सेब् धोंले ङज्यै या खीलाइ च त्हेरि छेनाले ङो सेब्‍मुँ।

१ कोरिन्थी 2:9

चु ताँए बारेर परमेश्‍वरए छ्वेर छले प्ह्रिइमुँ, “म्‍हिमैंइ खोंयोंइ आम्रोंब, खोंयोंइ आथेब, म्हिमैंए सैंरै आमैंबै ताँमैं, परमेश्‍वरजी खीलाइ म्हाँया लब्‍मैंए ल्हागिर तयार लथेंइमुँ।”

१ कोरिन्थी 8:2

खाबज्‍यै या “ङइ तोन्दोंरि ह्रइमुँ” बिलेया ह्रल् त्‍हुबै ताँ चइ तोइ या आह्रइमुँ।

एफिसी 3:8

ङ परमेश्‍वरए म्‍हिमैं न्‍होंरि ताँन् भन्दा च्‍योंब मुँनबिलेया ख्रीष्‍टने घ्रिन् तसि खोंयोंइ आखाँबै सै न्होरए बारेर अरू ह्रेंमैंने बिप्रबै मौका ङलाइ पिंइ।

१ यूहन्‍ना 3:2

ङइ खोबै थुमैं, ङ्यो तोगो परमेश्‍वरए प्‍हसेमैं ग। प्‍हँना लिउँइँ ङ्यो खै तम् बिसि तोगो बिल् आखाँ, दिलेया ङ्योइ चु ताँ घ्रि सेइमुँ: ख्रीष्‍ट युबै त्हिंइर खी खैब मुँ छाबन् खीलाइ ङ्योइ छेनाले म्रोंब्‍मुँ। छतसि च त्हेर ङ्यो या खी धोंन् तब्‍मुँ।