१ कोरिन्थी 13:7 - परमेश्‍वरए ताँ तमु क्युइर

⁷ अरूमैंइ तो ललेया म्हाँया लबै म्‍हिइ सैदिम्, ताँन् सैर खोंयोंइ बिश्‍वास लम्, तोन्दोंरि सैर आशा थेंम्, धै ताँन् सै ढुक्‍कले सैदिम्।

१ कोरिन्थी 13:7 ပူးပေါင်းရင်းမြစ်များ

उत्पत्ति 29:20

झाइले याकूबइ राहेल योंबै ल्हागिर ङिदिं समा के लइ। चइ राहेल बेल्‍ले खोमल छतसि ङिदिं या चइ च्युगुदे धोंन् ङ्हाँइ।

भजनमैं 119:66

क्हिए ताँमैं ङइ क्वेंइमुँ; छतसि ज्ञान बुद्धिए छ्याँब ताँमैं ङलाइ लोमिंन्।

हितोपदेश 10:12

आगुलाइ म्‍लोसि पोंमा प्होंगि तम्, दिलेया म्हाँया लमा आछ्याँबै ताँमैं म्‍लेयाम्।

मत्ती 10:22

क्हेमैंइ ङए मिं किंबइले ताँन् म्‍हिमैंइ क्‍हेमैं हेल लब्‍मुँ। दिलेया सैदिसि लिउँइँ समा बिश्‍वासर भोंब् तेरिब्‍मैं परमेश्‍वरजी जोगेमिंब्मुँ।

मर्कूस 9:23

येशूजी चने बिइ, “‘क्‍हिजी लमिंल् खाँस्याँ’ बिसि तले बिल? ङए फिर बिश्‍‍वास लब्मैंए ल्हागिर तोन्दोंरि सै तल् खाँम्।”

रोमी 15:1

ङ्यो बिश्‍वासर भोंसि तब्‍मैंइ बिश्‍वासर आभोंबै अलिमैंइ संका लबै ताँमैं सैदिल् त्‍हुम्। छलेन ङ्योइ ह्रोंस मत्‍त्रे सैं तोंबै केमैं लल् आत,

रोमी 8:24

ङ्योइ थेंबै आशा ताँन् पूरा तरिगे बिसि परमेश्‍वरजी ङ्योलाइ जोगेमिंइ। (म्रोंबै सैमैंल खाबज्‍यै आशा आल।

१ कोरिन्थी 13:4

म्हाँया लबै म्‍हिइ दुःखरै या ढुक्‍कले सैदिम्, आगुए फिर ल्हयो खम्। म्हाँया लबै म्‍हिइ आगुए ह्रिस आल, थेबै या आप्‍हैं।

१ कोरिन्थी 9:12

क्‍हेमैंउँइँले अरूमैंइ चैदिबै सैमैं योंम् बिस्याँ, झन् ङिइमि क्‍हेमैंउँइँले ल्हें योंल् त्हुम्। दिलेया ङिइ चु हग आम्हैइमुँ। बरु ख्रीष्‍टउँइँले खबै सैं तोंबै ताँ म्हिमैंने बिप्रमा क्‍हेमैंए फिर तोइ दुःख आतरिगे बिसि ङिइ तोन्दोंरि दुःख सैदिइ।

गलाती 6:2

घ्रिए फिर दुःख तमा घ्रिइ ल्होद्। छलमा क्‍हेमैंइ ख्रीष्‍टजी पिंबै ठिम पूरा लब्‍मुँ।

२ थेसलोनिकी 1:4

क्हेमैंए फिर कति दुःख तलेया च दुःख सैदिसि क्हेमैं बिश्‍वासर भोंब् तब् म्रोंसि परमेश्‍वरए फिर बिश्‍वास लब्मैंए म्हाँजोर ङिइ प्हैंदै पोंल् योंमा ङिए ङ्‍हो च्हौ प्ल्ह्‍याब् धों ङ्हाँइमुँ। धै ङि क्हेमैंए बारेर प्हैंसि पोंम्।

२ तिमोथी 2:24

प्रभुए सेवा लबै म्‍हि प्‍होंगि लब आत, बरु ताँन् म्हिमैंए फिर ल्हयो लब, छेनाले लोमिंल् खाँब, ह्रिस आखल्‍ले लोदा सैंदा लल् खाँब तल् त्हुम्।

२ तिमोथी 3:11

एन्‍टिओखिया, आइकोनियम नेरो लुस्‍त्रार ङइ खै-खैबै दुःखमैं सैदिइ बिसि क्हिइ सेइमुँ। दिलेया प्रभुजी च ताँन् दुःखउँइँले ङ जोगेमिंइ।

२ तिमोथी 4:5

क्‍हि बिस्याँ दुःख तलेया सैं तोंबै ताँमैं बिप्रबै के लब आपिद्। धै खैतबै दुःख तलेया सैदिद्, छले परमेश्‍वरउँइँले खबै सैं तोंबै ताँ बिप्रदै खीए के छेनाले लद्।

हिब्रू 13:13

छतसि ङ्यो या सहरउँइँले बैरु खी ङाँर ह्‍याले, धै खीजी सैदिब् धों तबै दुःख ङ्योज्यै सैदिले।

याकूब 1:12

खैबै दुःख तलेया तोइ आङ्हाँन्ले ढुक्‍काले टिबै म्हिइ आशिक योंब्मुँ, तलेबिस्याँ बिश्‍वासए जाँच तमा सैदिल् खाँबै म्हिइ लिउँइँ खोंयोंइ आखाँबै छ्ह योंब्मुँ। चु छ्ह परमेश्‍वरजी खीलाइ म्हाँया लब्मैंलाइ पिंम् बिसि बाछा फैइमुँ।

१ पत्रुस 2:24

ङ्यो पापए ल्हागिर सिसि आछ्याँबै के लब् पिसि छ्याँबै के लदै छ्ह थोरिगे बिसि ङ्योइ लबै पापए सजैं खीए ज्युर नोसि ख्रीष्‍ट क्रूसर सिमिंइ। खीजी चबै चोटउँइँलेन् क्‍हेमैं सयाइमुँ।

१ पत्रुस 4:8

ताँन् भन्दा थेबै ताँ: घ्रिइ घ्रिलाइ खोंयोंन् बिलै म्हाँया लरिद्, तलेबिस्याँ म्हाँयाइ लमा ल्‍हें पापमैं या क्षमा तम्।