१ कोरिन्थी 13:5 - परमेश्‍वरए ताँ तमु क्युइर

⁵ म्हाँया लबै म्हिइ सैं सारो आल, ह्रोंसए फायदा मत्‍त्रे आम्है, ह्रिसै आख, धै आगुइ ह्रोंसलाइ न्होह्रों ललेया चए खी आफो।

१ कोरिन्थी 13:5 ပူးပေါင်းရင်းမြစ်များ

हितोपदेश 14:17

युनन् ह्रिस खबै म्हिइ न्होह्रों तबै के लम्, धै छलु म्हिलु लबै म्हि खाबज्यै आखो।

मत्ती 5:22

दिलेया ङ क्‍हेमैंने बिमुँ, ह्रोंसए अलिने ह्रिस खबै म्हिइ दण्‍ड योंम्, धै ह्रोंसए अलिने म्हि आच्हिल्‍ले पोंबै म्हिइ थेबै म्हि च्होंए उँइँर रामा ज्वाफ पिंल् त्हुम्। छलेन ह्रोंसए अलिने ‘क्‍हि आमादु’ ग बिबै म्हि नर्गर्बै मिर फेल् त्हुब्मुँ।

मत्ती 9:4

चमैंए सैंर्बै ताँ सेसि येशूजी चमैंने बिइ, “क्हेमैंए सैं न्होंर छाबै आछ्याँबै ताँमैं तले मैंल?

मर्कूस 3:5

च म्‍हिमैंए छाबै सारो सैं म्रोंसि येशूए सैं नसि ह्रिस खइ। धै चर खागु तबै म्हिमैं ङाँइ ङ्‌ह्‍योसि च नबै म्‍हिने “क्‍हिए यो स्‍योंन्!” बिमा च म्‍हिइ यो स्‍योंइ। धै स्योंबै तोदोंन् चए यो सयाइ।

लूका 7:39

छ लब् म्रोंसि येशूलाइ न्हिम्तो लबै फरिसीइ सैं न्हों-न्हों “चु म्‍हि क्‍ह्रोंसेंन्ले अगमबक्‍ता ङिब् ग बिस्‍याँ चुइ खीलाइ छुइबै च्हमिरि खैतबै म्हि जा बिसि सेमल। चु पापि च्हमिरि ग!” बिबर होंइ।

१ कोरिन्थी 10:24

खाबज्यै या ह्रोंसल् मत्‍त्रे छ्याँब तरिगे बिसि आमैंन्, अरूमैंलाज्यै छ्याँब तरिगे बिसि मैंन्।

१ कोरिन्थी 10:33

ङज्यै या ङइ लबै तोन्दोंरि केर म्हिमैंए सैं खैले तोंन् लब् ङ्‍हे ङ्हाँम्। ङइ ह्रोंसल् मत्‍त्रे छ्याँब् तरिगे धै सैं तोंल् योंरिगे आङ्हाँ, बरु ताँन् म्हिमैंइ मुक्‍ति योंसि छ्याँब् तरिगे बिब ङए सैं मुँ।

१ कोरिन्थी 11:18

ओंसों बिलन् त्हुमा, क्‍हेमैं परमेश्‍वरए सेवार खागु तमा ह्रों-ह्रोंसए न्‍होंर्न सैं फो आक्ह्रि रो बिबै ताँ ङइ थेइमुँ। चु ताँए बारेर ङए सैंरै या दे दे छान् ङ्हाँइमुँ।

१ कोरिन्थी 12:25

छतसि ज्युर मुँबै [अथवा बिश्‍वासीमैं न्‍होंरि] च भागमैं आक्ह्रिब आतरिगे, बरु चु ताँन् स्‍यो-स्‍योबै भागमैं क्ह्रिसि घ्रिइ घ्रिए वास्ता छेनाले लरिगे बिब परमेश्‍वरए सैं मुँ।

१ कोरिन्थी 7:36

खाबज्यै या ब्ह्‍या लब् बिसि ह्रिथेंबै च्हमिरिने खेंमैं ङ्हिंन् सल्‍ला लसि “दे त्हे ङ्यो ब्ह्‍या आलल्‍ले टिले” बिलेया, लिउँइँ मुँयुँए ब्ह्‍या लबै सैं खस्याँ चमैं ब्ह्‍या लरिगे। छले लबै ब्ह्‍या पाप आङिं।

२ कोरिन्थी 5:19

ङिइ बिबै सैं तोंबै ताँ चुन् ग: परमेश्‍वरजी ख्रीष्‍टउँइँले ताँन् म्‍हिमैंलाइ खीने बालु क्ह्रिल् लमिंइमुँ। म्‍हिमैंइ लबै पापए सजैं परमेश्‍वरजी आपिं। छतसि म्‍हिमैंलाइ खीने बालु क्ह्रिल् लमिंबै ल्हागिर खीए बारेर्बै ताँ म्हिमैंने बिमिंबै जिम्‍मा ङिलाइ पिंथेंइमुँ।

गलाती 5:13

ओ अलि-अङाँमैं, क्‍हेमैं ठिमए न्होंर टिल् आत्हुरिगे बिसि परमेश्‍वरजी क्‍हेमैंलाइ त्‍हाँब् ग। छले क्हेमैं खाँसो ङ्हाँन् तल् योंबइले तारे पिरु ह्रोंसए सैंउँइँले खबै आछ्याँबै ताँमैंए लिलि आप्रद्, बरु घ्रिइ घ्रिने म्हाँया लसि घ्रिइ घ्रिए सेवा लद्।

फिलिप्पी 2:21

(चमैंइ खाबज्यै येशू ख्रीष्‍टए ताँला तोइ वास्‍ता आल, ह्रोंसए फायदा मत्‍त्रे म्हैम्।)

फिलिप्पी 4:8

ओ अलि-अङाँमैं, आखिरि ताँ चु मुँ: तो ताँमैं क्ह्रोंसेंन्बै मुँ, तो ताँमैं म्हाँदिल् त्हुब मुँ, तो ताँमैं ठिक मुँ, तो ताँमैं बेल्‍ले स्‍वाब मुँ, तो ताँमैंए बारेर छ्याँब बयन तमुँ, तो ताँमैं छ्याँब मुँ, तो ताँर म्हाँया लल् त्हुब मुँ, तो ताँर ल्हयो खल् त्हुब मुँ, अझै छ्याँब लल् त्हुब नेरो थेब लल् त्हुबै ताँ तोइ मुँस्याँ, चु ताँमैं छेनाले मैंन्।

२ थेसलोनिकी 3:7

ङि क्‍हेमैंने टिमा प्ह्‍लेउ तसि आटिल, चु ताँ क्‍हेमैंज्यै था सेइमुँ। छतसि ङिइ खैले के लल, छलेन क्‍हेमैंज्यै लल् त्‍हुम्।

२ तिमोथी 2:10

छतसि परमेश्‍वरजी त्हाँबै म्‍हिमैंइ ख्रीष्‍ट येशूउँइँले खोंयोंइ आखाँबै छ्ह योंल् खाँरिगे बिबै ल्हागिर ङए फिर खैतबै दुःखन् तलेया ङ सैदिम्।

२ तिमोथी 4:16

ङइ ओंसों रोमर्बै अड्डारि राइ पोंमा खाबज्यै या ङए ख आल। बरु ताँन् ङलाइ वाथेंसि छ्युडिह्‍याइ। दिलेया चु ताँए दोष चमैंलाइ आल्हैदिरिगे।

याकूब 1:19

ओ ङए खोबै अलि-अङाँमैं, क्हेमैं ताँनइ चु ताँ सेल् त्हुम्, ताँन् म्हिमैं छिट्ले ङेंब, क्हैल्‍ले पोंल् त्हुम्, धै युनन् ह्रिस खल् आत।