१ कोरिन्थी 12:31 - परमेश्‍वरए ताँ तमु क्युइर

³¹ छतसि थेबै बरदानमैं योंबै सैं लद्। ङइ क्हेमैंलाइ च बरदानमैं योंबै छ्याँबै घ्याँ उँइँमिंब्मुँ।

१ कोरिन्थी 12:31 ပူးပေါင်းရင်းမြစ်များ

मत्ती 5:6

फो ख्रेंबर कैं, क्यु पिबर क्यु म्हैब् धोंले परमेश्‍वर म्हैब्मैंइ आशिक योंब्मुँ, तलेबिस्याँ चमैंए सैंर मैंब योब्मुँ।

लूका 10:42

दिलेया ताँ घ्रि मत्‍त्रे चैदिम्। काजी मरियमइ च छ्याँबै ताँ त्‍हाँइ। छतसि च ताँ चउँइँले ङइ प्हेंरिब् आरे।”

१ कोरिन्थी 13:1

ङइ म्‍हिमैंए ल्हें खालर्बै क्युइमैं नेरो स्‍वर्गदूतमैंए क्युइर पोंलेया ङइ अरूमैंए फिर म्हाँया आलस्‍याँ, ङइ पोंबै ताँ ड्वाँ ड्वाँले ह्राबै ङ्‌ह नेरो झ्याँइ झ्याँइले ह्राबै छ्योंले धोंन् तम्।

१ कोरिन्थी 14:1

ताँन् भन्दा थेबै ताँ क्हेमैंइ ताँनए फिर म्हाँया लद्। झाइले पबित्र प्ल्हजी पिंबै बरदानमैं योंबै सैं लद्। चमैं न्होंरि अगमबाणि पोंबै बरदान योंबै भों लद्।

१ कोरिन्थी 14:39

छतसि ओ ङए अलि-अङाँमैं, अगमबाणि पोंबै बरदान योंरिगे बिबै सैं लद्, धै आक्होबै क्युइर पोंब्मैंलाज्यै या आपोंन् आबिद्।

१ कोरिन्थी 8:1

तारे कुर चडेबै चबै सैए बारेर ङ ताँ लम्। “ङि ताँन् ह्रब-सेब् मुँ” बिबै क्हेमैंए ताँ ठिकन् ग। दिलेया ह्रब-सेब् मुँ बिसि क्हेमैं ह्रोंसन् थेब् प्हैंइमुँ, खाबइ आगुए फिर म्हाँया लमुँ, चइ अरूमैंलाइन थेब् लमिंम्।

फिलिप्पी 3:8

च्हौ मत्‍त्रे आङिं, क्ह्रोंसेंन बिब् गो बिस्याँ येशू ख्रीष्‍ट ङए प्रभु ङो सेल् योंबै थेबै ताँ, अरू सैमैंने च्हैंमा ताँन् सैमैं तोगो ङइ फाकर्बै सैमैं धों ङ्हाँम्। तोगो ङइ ख्रीष्‍ट येशूजी पिंबै ताँन् सैमैं योंल् खाँरिगे बिसि खीए ल्हागिर ताँन् सै पिवाइमुँ, च ताँन् सैमैं स त्हुल धोंन् ङ्हाँइमुँ।

हिब्रू 11:4

बिश्‍वासउँइँलेन् कयिनइ भन्दा हाबिलइ बेल्‍ले छ्याँबै ख्रो परमेश्‍वरलाइ पिंइ। छाबै बिश्‍वासइ लमा हाबिल परमेश्‍वरए उँइँर ठिक ठर्दिइ, तलेबिस्याँ चइ पिंबै ख्रो म्रोंसि परमेश्‍वर सैं तोंइ। हाबिल सियालेया चइ लबै बिश्‍वासउँइँलेन् अझै च पोंसिन्मुँ।