१ कोरिन्थी 12:28 - परमेश्‍वरए ताँ तमु क्युइर

²⁸ ख्रीष्‍टए फिर बिश्‍वास लब्मैं न्‍होंरि परमेश्‍वरजीन् केए भाग थेंमिंइँमुँ। ओंसोंबै कुल्मिंबै चेला चिब्मैं, ङ्हिं अगमबक्‍तामैं, सों परमेश्‍वरए बारेर ताँ लोमिंबै म्‍हिमैं, झाइले परमेश्‍वरए मिंर औदिबै के लब्मैं, नब् छब् सल् लबै बरदान योंब्‍मैं, अरूमैंलाइ ल्होमिंब्‍मैं, रेखदेख लब्मैं, ल्हें खालर्बै क्युइ पोंब्‍मैं ताँनलाइ परमेश्‍वरजी खेंमैंए क्‍ल्‍ह्‍योर थेंमिंइमुँ।

१ कोरिन्थी 12:28 ပူးပေါင်းရင်းမြစ်များ

मर्कूस 16:17

बिश्‍वास लब्‍मैंइ ङए शक्‍ति योंसि छाबै औदिबै चिनुमैं लल् खाँब्मुँ: चमैंइ ङए मिं किंसि मोंमैं ल्‍हाब्‍मुँ, छारा क्युइमैं पोंब्‍मुँ।

लूका 6:14

कुल्मिंबै चेला चिब्मैंए मिं छले मुँ: सिमोन (चए मिं येशूजी पत्रुस थेंइ) चए अलि अन्‍द्रियास, याकूब, यूहन्‍ना, फिलिप नेरो बारथोलोमाइ,

चेला चिब्मैंए केमैं 11:27

च त्हेर्न कोइ अगमबक्‍तामैं यरूशलेमउँइँले एन्‍टिओखियार युइ।

चेला चिब्मैंए केमैं 20:28

तारे क्हेमैं ह्रोंसै या न्ह क्रों मि क्रोले टिद्, धै पबित्र प्ल्हजी क्हेमैंने जिम्मा पिंबै बगालै या छेनाले ङ्‍ह्‍योद्। प्रभु येशूजी ह्रोंसए को पिंसि परमेश्‍वरए चर्च किंब् ग। छतसि चए छैं छेनाले लद्।

१ कोरिन्थी 10:32

क्‍हेमैंइ छ्ह थोमा यहूदी मुँले, अरू ह्रेंमैं मुँले, परमेश्‍वरए फिर बिश्‍वास लब्मैं मुँले, खाबलाज्यै या सैं नल् लबै के आलद्।

१ कोरिन्थी 12:18

परमेश्‍वरजी भाग घ्रिउँइँले मत्‍त्रे ज्यु आल, खीजी ह्रोंसए सैंर मैंब् धोंले स्‍यो-स्‍योबै सैमैं बनेसि ज्युर क्ह्रिल्‍ले थेंमिंइँमुँ।

१ कोरिन्थी 12:29

ताँन् म्‍हिमैं कुल्मिंबै चेला चिब्मैं आत, ताँन् म्‍हिमैं अगमबाणि पोंब्‍मैं आत, ताँन् म्हिमैं परमेश्‍वरए बारेर ताँ लोमिंब्‍मैं आत, छलेन ताँन् म्हिमैं औदिबै के लब्मैं आत।

१ कोरिन्थी 12:30

छलेन ताँनने नब सल् लबै बरदान आत, ताँनइ ल्हें खालर्बै क्युइ पोंल् आखाँ, ताँनइ क्युइमैं क्होल् आखाँ।

१ कोरिन्थी 14:2

तलेबिस्याँ म्हिमैंइ क्होल् आखाँबै क्युइ पोंबै म्हिमैंइ म्‍हिमैंने आङिं, परमेश्‍वरने पोंम्, तलेबिस्याँ खाबज्‍यै या चए ताँ आक्‍हो। चइ परमेश्‍वरए प्ल्हए भोंउँइँले म्हिमैंइ क्होल् आखाँबै ताँमैं पोंम्।

१ कोरिन्थी 14:4

म्हिमैंइ क्होल् आखाँबै क्युइ पोंबै म्‍हिइ ह्रोंसलाइ मत्‍त्रे फायदा लम्, दिलेया अगमबक्‍ताइ पोंमा ताँन् बिश्‍वासीमैंलाइ फायदा तम्।

१ कोरिन्थी 14:5

क्‍हेमैं ताँनइ म्हिमैंइ क्होल् आखाँबै क्युइ पोंरिगे बिब ङइ ङ्हाँइमुँ, दिलेया च भन्दा अगमबाणि पोंल् खाँरिगे ङ्हाँइमुँ। म्हिमैंइ क्होल् आखाँबै क्युइ पोंब् भन्दा अगमबाणि पोंब बेल्‍ले छ्याँब ग। दिलेया ताँन् बिश्‍वासीमैंइ क्होरिगे बिसि आक्होबै क्युइए अर्थ खोल्दिबै म्‍हि मुँस्‍याँ ठिक तम्।

एफिसी 2:20

कुल्मिंबै चेला चिब्मैं नेरो अगमबक्‍तामैंइ जग झोंइ। च जगए फिर ङि यहूदीमैंलाइ धोंले क्‍हेमैंलाज्यै या खीजी थेंमिंइमुँ। च जगए तेंर्बै क्र युँमा बिस्याँ येशू ख्रीष्‍टन् ग।

एफिसी 3:5

स्‍योंमन् परमेश्‍वरजी म्हिमैंलाइ चु चाँजो आबिल, दिलेया तिंजोरो परमेश्‍वरजी खीए पबित्र प्ल्हउँइँले कुल्मिंबै चेला चिब्मैं नेरो अगमबक्‍तामैंने च चाँजो बिमिंइमुँ।

१ तिमोथी 5:17

बिश्‍वासीमैं छेनाले ल्होमिंबै एल्डरमैं, खासगरि परमेश्‍वरए ताँ बिमिंसि लोमिंबर भों लब्मैंइ दुःख सैदि डबल योंल् त्हुम्।

हिब्रू 13:17

क्‍हेमैंए अगुवामैंइ बिब ङिंन्, धै खेंमैंए न्होंर टिद्। तलेबिस्याँ “ङइ लबै केए हिसाब परमेश्‍वरलाइ पिंल् त्‍हुम्” बिब सेसि चमैंइ क्‍हेमैंए छैं छेनाले लरिम्। छतसि चु के चमैंइ सैं तोंन्ले लरिगे, गार म्हाँदिसि आङिं। चमैंइ गार म्हाँदिल्‍ले के लस्याँ क्‍हेमैंला तोइ बिब् धों तरिब् आरे।

हिब्रू 13:24

क्‍हेमैंए ताँन् अगुवामैं नेरो ताँन् बिश्‍वासीमैंने ङिए जय मसीह मुँ बिमिंन्। छलेन इटालिया ह्‍युलर्बै अलि-अङाँमैंज्यै या क्‍हेमैंने जय मसीह बिमिंइमुँ।