१ कोरिन्थी 12:26 - परमेश्‍वरए ताँ तमु क्युइर

²⁶ छतसि भाग घ्रिइ दुःख योंस्‍याँ ताँन् भागज्‍यैया दुःख योंम्, छलेन भाग घ्रिइ छ्याँबै बयन योंस्‍याँ अरू भागमैं या सैं तोंम्।

१ कोरिन्थी 12:26 ပူးပေါင်းရင်းမြစ်များ

मत्ती 3:15

दिलेया येशूजी यूहन्‍नाने बिइ, “तोगो छान् तरिगे। छले ङ्योइ परमेश्‍वरजी बिब् धोंले लब् छ्याँब मुँ।” छबिमा यूहन्‍नाइ येशूलाइ बप्‍तिस्‍मा पिंइ।

मत्ती 5:29

छतसि क्‍हिए क्‍योलोउँइँबै मिइ क्‍हिलाइ पाप लबर ल्हैदिम् बिस्याँ च मि ट्हुइसि भ्‍योंवाँन्। तलेबिस्याँ मि घ्रिइ लबउँइँले ताँन् ज्यु नर्गर फेब् भन्दा पाप लबर ल्‍हैदिबै मि घ्रि भ्योंवाँब छ्याँब तम्।

रोमी 12:15

सैं तोंब्‍मैंने बालु सैं तोंन्, क्रोब्‍मैंने बालु क्रोद्।

१ कोरिन्थी 12:25

छतसि ज्युर मुँबै [अथवा बिश्‍वासीमैं न्‍होंरि] च भागमैं आक्ह्रिब आतरिगे, बरु चु ताँन् स्‍यो-स्‍योबै भागमैं क्ह्रिसि घ्रिइ घ्रिए वास्ता छेनाले लरिगे बिब परमेश्‍वरए सैं मुँ।

१ कोरिन्थी 12:27

क्‍हेमैं ताँन् ख्रीष्‍टए ज्यु ग। झाइले ताँन् म्‍हिमैं च ज्युर्बै भागमैं ग।

गलाती 6:2

घ्रिए फिर दुःख तमा घ्रिइ ल्होद्। छलमा क्‍हेमैंइ ख्रीष्‍टजी पिंबै ठिम पूरा लब्‍मुँ।

हिब्रू 13:3

कोइ म्हिमैं झेलर मुँस्याँ ह्रोंसै या चमैंने झेलर मुँब् धों ङ्हाँसि चमैंए वास्था लद्। छलेन दुःख योंब्मैं म्रोंमा ह्रोंसइन दुःख योंब् धों ङ्हाँन्। तलेबिस्याँ क्हेमैं फिरै या छ तल् खाँम्।

१ पत्रुस 3:8

आखिरि ताँ चु मुँ: क्‍हेमैं ताँनए सैं घ्रि तद्। अरूए फिर दुःख तमा ल्‍हयो खद्। घ्रिइ घ्रिलाइ ह्रोंसए अलि-अङाँमैंने धोंले म्हाँया लद्। आगुए फिर ल्हयो खद्, सैं सारो आलद्।