१ कोरिन्थी 12:18 - परमेश्‍वरए ताँ तमु क्युइर

¹⁸ परमेश्‍वरजी भाग घ्रिउँइँले मत्‍त्रे ज्यु आल, खीजी ह्रोंसए सैंर मैंब् धोंले स्‍यो-स्‍योबै सैमैं बनेसि ज्युर क्ह्रिल्‍ले थेंमिंइँमुँ।

१ कोरिन्थी 12:18 ပူးပေါင်းရင်းမြစ်များ

भजनमैं 110:3

क्हिजी नेल् त्हुबै त्हिंइर क्हिए म्हिमैं खेंमैंए सैंइ मैंसि नेबै ल्हागिर न्हागर्न खब्मुँ। न्हाँगर्बै शीत धोंले क्हिए फ्रेंसिमैं सियोनए पबित्र कोंमैंर क्हि ङाँर खब्मुँ।”

भजनमैं 135:6

स्वर्गर, पृथ्बीर, नेरो मा ङ्युँइमैंए गैरु क्ल्ह्‍योमैंरै या, याहवेहजी ह्रोंसए सैंर मैंब् धोंले लम्।

योना 1:14

छतसि चमैंइ याहवेहने ग्वार ह्रिसि बिइ, “ओ याहवेह, ङिइ क्हिने यो छ्युँ लसि बिमुँ, चु म्हइ लबै आच्याँबै केउँइँले ङि नास आतरिगे, धै चुलाइ भ्योंवाबै पापए छ्याब् ङिए फिर आल्हैदिरिगे, तलेबिस्याँ ओ याहवेह, क्हिए सैंर मैंबै केन् क्हिइ लइमुँ।”

लूका 10:21

च त्‍हेर्न येशू परमेश्‍वरए पबित्र प्ल्हजी प्लिंसि सैं तोंदै बिइ, “ओ आबा, स्वर्ग नेरो पृथ्‍बीर्बै क्‍ल्‍हे क्हिन् ग, ज्ञान मुँब्‍मैं नेरो ह्रब्-सेब्मैंउँइँले लोथेंबै छ्याँबै ताँ कोलोमैं धों तबै तोइ आह्र आसेब्मैंलाइ क्‍हिइ क्होमिंइमुँ। ओ आबा, क्‍हिजी छान् लब छ्याँब ङ्हाँइ। छतसि ङ क्हिलाइ धन्यबाद पिंमुँ।

लूका 12:32

ओ ङए च्‍युगुथिरि बगाल, आङ्हिंन्। तलेबिस्याँ क्हेमैंए परमेश्‍वर आबाजी ह्रोंसए ग्याल्स क्हेमैंलाइ पिंबर सैं तोंइमुँ।

रोमी 12:3

परमेश्‍वरजी ङलाइ खीए दयाम्हाँया पिंबइले ङइ क्‍हेमैं ताँनने यो छ्युँ लमुँ: ह्रोंसलाइ थेब आमैंन्, परमेश्‍वरजी क्हिलाइ पिंबै बिश्‍वास अनुसार ह्रोंस खैतब् मुँ छाबन् मैंन्।

रोमी 12:6

छतसि परमेश्‍वरजी खीए दयाजी ङ्योलाइ पिंबै स्‍यो स्‍योबै बरदानमैं अनुसार के लले। अगमबाणि पोंबै बरदान क्हिलाइ पिंइबिस्‍याँ ह्रोंसइ येशू ख्रीष्‍टए फिर लबै बिश्‍वास अनुसार अरूने पोंन्।

१ कोरिन्थी 12:11

चु ताँन् केमैं पबित्र प्ल्ह घ्रिए केमैंन् ग। खीजी ताँन् म्हिमैंलाइ खीए सैंर मैंब् धोंले स्‍यो-स्‍योबै बरदान पिंम्।

१ कोरिन्थी 12:17

ङ्योए ज्युर मि मत्‍त्रे मुँस्‍याँ ङ्योइ तोइ थेब? छलेन ङ्योए ज्युर न्‍हेमें मत्‍त्रे मुँस्‍याँ ङ्योइ तोइ थाँ नाँब?

१ कोरिन्थी 12:19

ताँन् तिथु सै मत्‍त्रे मुँस्‍याँ ज्यु आतमल।

१ कोरिन्थी 12:24

दिलेया ङ्योए ज्युर्बै अरू भागमैंलाइ छाबै वास्ता लल् आत्हु। परमेश्‍वरजीन् ज्युर्बै भागमैं छेनाले क्ह्रिल्‍ले थेंमिंइमुँ।

१ कोरिन्थी 12:28

ख्रीष्‍टए फिर बिश्‍वास लब्मैं न्‍होंरि परमेश्‍वरजीन् केए भाग थेंमिंइँमुँ। ओंसोंबै कुल्मिंबै चेला चिब्मैं, ङ्हिं अगमबक्‍तामैं, सों परमेश्‍वरए बारेर ताँ लोमिंबै म्‍हिमैं, झाइले परमेश्‍वरए मिंर औदिबै के लब्मैं, नब् छब् सल् लबै बरदान योंब्‍मैं, अरूमैंलाइ ल्होमिंब्‍मैं, रेखदेख लब्मैं, ल्हें खालर्बै क्युइ पोंब्‍मैं ताँनलाइ परमेश्‍वरजी खेंमैंए क्‍ल्‍ह्‍योर थेंमिंइमुँ।

१ कोरिन्थी 15:38

झाइले परमेश्‍वरजी ह्रोंसए सैंर मैंब् धोंले ताँन् प्‍लुलाइ ह्रों-ह्रोंसए खालर्बै धुँ लमिंम्।

१ कोरिन्थी 3:5

अपोल्‍लोस खाब् जा? ङै या खाब् जा? ङिम् परमेश्‍वरए के लबै म्‍हिमैं मत्‍त्रे ग। ङिउँइँले क्‍हेमैंइ खीए फिर बिश्‍वास लइ। खीजी खटिदिबै के ङि लमुँ।

एफिसी 1:5

परमेश्‍वरजी ङ्योए फिर म्हाँया लसि येशू ख्रीष्‍टउँइँले खीए सन्तान तबर ङ्योलाइ ओंसों ओनोंन् त्‍हाँल। ओंसों ओंनोंन् खीजी ङ्योलाइ त्हाँबै सैं लल।

एफिसी 1:9

येशू ख्रीष्‍टउँइँलेन् पूरा लब्‍मुँ बिसि परमेश्‍वरजी ओंसों ओंनोंन् मैंल। छतसि ख्रीष्‍टउँइँले तोगो खीजी च ताँ ङ्योलाइ सेल् पिंइमुँ।

दर्शन 4:11

“ओ ङिए प्रभु परमेश्‍वर, क्‍हि थेबै मान, थेबै मिं नेरो हग योंल् त्हुब मुँ। तलेबिस्याँ ताँन् सै क्‍हिजीन् बनेब् ग, झाइले क्‍हिए सैंर मैंब् धोंले च ताँन् सैमैं तसि सो प्ह्‍याइ।”