१ कोरिन्थी 12:11 - परमेश्‍वरए ताँ तमु क्युइर

¹¹ चु ताँन् केमैं पबित्र प्ल्ह घ्रिए केमैंन् ग। खीजी ताँन् म्हिमैंलाइ खीए सैंर मैंब् धोंले स्‍यो-स्‍योबै बरदान पिंम्।

१ कोरिन्थी 12:11 ပူးပေါင်းရင်းမြစ်များ

मत्ती 11:26

ओ आबा, क्हिजी छान् लब छ्याँब ङ्हाँइ।”

मत्ती 20:15

ङए मुइ ङइ तो लदा ङ्हाँमुँ च लल् आयों रो वा? ङइ ल्हयो खब् म्रोंसि क्‍हिए मि तले छब?’

यूहन्‍ना 3:27

यूहन्‍नाइ बिइ, “परमेश्‍वरजी स्वर्गउँइँले आपिंइ बिस्‍याँ म्हिमैंइ तोइ सै योंल् आखाँ।

यूहन्‍ना 3:8

खैं खनि ह्‍यादा ङ्हाँमुँ छाइन ह्‍याम्। क्हिइ खैंए कै थेमुँ, दिलेया खैं खनिउँइँले खसि खनि ह्‍याम् च क्हिइ आसे। छलेन परमेश्‍वरए प्ल्हउँइँले फिबै म्हि या छाबन् तम्।”

यूहन्‍ना 5:21

तलेबिस्याँ खैले आबाजी सियाब्‍मैं सोगों लमिंसि छारा छ्ह पिंमुँ, छलेन च्हज्यै या खाबलाइ छ्ह पिंदा ङ्हाँमुँ, चमैंलाइ छ्ह पिंब्मुँ।

रोमी 12:6

छतसि परमेश्‍वरजी खीए दयाजी ङ्योलाइ पिंबै स्‍यो स्‍योबै बरदानमैं अनुसार के लले। अगमबाणि पोंबै बरदान क्हिलाइ पिंइबिस्‍याँ ह्रोंसइ येशू ख्रीष्‍टए फिर लबै बिश्‍वास अनुसार अरूने पोंन्।

रोमी 9:18

छले परमेश्‍वरजी खीजी ल्हयो खदा ङ्हाँब्‍मैंए फिर ल्हयो खम्, धै सैं सारो लमिंदा ङ्हाँब्‍मैंलाइ खीजी सैं सारो लम्।

१ कोरिन्थी 12:18

परमेश्‍वरजी भाग घ्रिउँइँले मत्‍त्रे ज्यु आल, खीजी ह्रोंसए सैंर मैंब् धोंले स्‍यो-स्‍योबै सैमैं बनेसि ज्युर क्ह्रिल्‍ले थेंमिंइँमुँ।

१ कोरिन्थी 12:4

पबित्र प्ल्हजी पिंबै बरदानमैं ल्हें खालर्बै मुँ, दिलेया पबित्र प्ल्ह घ्रि मत्‍त्रे मुँ।

१ कोरिन्थी 12:6

झाइले ल्हें खालर्बै केमैं मुँ, दिलेया च के लबर परमेश्‍वर घ्रिजीन् ताँनलाइ के लबै भों पिंम्।

१ कोरिन्थी 7:17

परमेश्‍वरजीन् ङ्यो ताँनलाइ त्हाँब् ग, बरदानै या खीजीन् पिंब् ग। छतसि ह्रोंसइ योंबै बरदान अनुसार्बै केमैं लसि छ्ह थोल् त्हुम्। ताँन् क्‍ल्‍ह्‍योर्बै बिश्‍वासीमैंने ङइ चु ताँन् बिइमुँ।

१ कोरिन्थी 7:7

ङए सैंरम् क्‍हेमैं ताँन् ङ धोंलेन् ब्ह्‍या आलल्‍ले टिरिगे ङ्हाँइमुँ। दिलेया ताँन् म्हिलाइ परमेश्‍वरजी स्‍यो-स्‍योबै बरदान पिंइमुँ। कोइलाइ घ्रि खालर्बै बरदान पिंइमुँ बिस्याँ, कोइलाइ अर्कोन् खालर्बै बरदान पिंइमुँ।

२ कोरिन्थी 10:13

दिलेया ङिम् छले थेब् प्हैंसि आपों। बरु परमेश्‍वरजी ङिने “लद्” बिबै केमैं मत्‍त्रे ङिइ लम्, धै क्‍हेमैंए ङाँर खसि लबै केमैं या परमेश्‍वरजी ङिने “लद्” बिबै केन् ग।

एफिसी 1:11

खीजी मैंबै ताँन् केमैं परमेश्‍वरजी ह्रोंसए चाँजोर्न लम्। छले खीजी ओंसोंन् चाँजो लबइले ङि यहूदीमैंलाइ ख्रीष्‍टने घ्रिन् लमिंसि खीए म्‍हिमैं तबर त्हाँइ।

एफिसी 4:7

दिलेया प्रभु येशू ख्रीष्‍टजी ङ्योलाइ आशिक पिंबइले ङ्यो ताँनइ स्‍यो-स्‍योबै बरदान योंइमुँ।

हिब्रू 2:4

छलेन परमेश्‍वरज्‍यै या थे-थेबै चिनुमैंउँइँले प्लेटोयान् तबै औदिबै केमैं लइ, धै खीए सैंर मैंब् धोंले खीजी म्‍हिमैंलाइ पबित्र प्ल्हउँइँले बरदानमैं पिंसि चु ताँए ग्वाइ पिंइ।

याकूब 1:18

खीजी बनेबै ताँन् सैमैं न्‍होंर ङ्यो ओंसोंबै रो धों तरिगे बिसि खीए सैंर मैंब् धोंले खीए क्‍ह्रोंसेंन्‍बै ताँउँइँले ङ्यो खीए प्‍हसेमैं तल् पिंइ।