१ कोरिन्थी 11:7 - परमेश्‍वरए ताँ तमु क्युइर

⁷ मुँयुँमैंइ क्र हुल आत, तलेबिस्याँ मुँयुँमैं परमेश्‍वर धों ब्योंब मुँ धै चमैंइ परमेश्‍वरए ङ्‍हो लोंबै के लम्। छलेन च्हमिरिइ ह्रोंसए प्युँए ङ्‍हो लोंबै के लम्।

१ कोरिन्थी 11:7 ပူးပေါင်းရင်းမြစ်များ

उत्पत्ति 3:16

झाइले खीजी च्हमिरिने बिइ, “क्हिए प्हसे फिबै त्हेर्बै बेथा ङइ बेल्‍ले बडिमिंब्‍मुँ। क्हिइ दुःखले प्हसे फिब्‍मुँ। क्हिए सैं प्युँ ङाँइँन तरिब्‍मुँ, छतसि चइ क्हिए फिर क्‍ल्हे लब्‍मुँ।”

उत्पत्ति 5:1

आदमए बंशमैं चुमैंन् ग। परमेश्‍वरजी म्हि बनेमा खीजी ह्रोंस धोंबन् बनेइ। खीजी मुयुँ नेरो च्हमिरि बनेइ।

उत्पत्ति 9:6

परमेश्‍वरजी म्हिलाइ ह्रोंस धोंबन् बनेइमुँ। छतसि खाबइ म्हिलाइ सैमुँ, चलाज्यै या म्हिइ सैब्मुँ।

भजनमैं 8:6

क्हिजी खीलाइ क्हिए योइ बनेबै सैमैं फिर्बै क्ल्हे तल् पिंइ; धै क्हिजी तोन्दोंरि सै खीए प्हले न्होंर थेंमिंइ।

हितोपदेश 12:4

सिर सुबास मुँबै च्हमिरि ह्रोंसए प्युँए ल्हागिर मुकुट ग, दिलेया प्युँलाइ फापिल् लबै प्ह्रेंस्यो प्युँए ह्रिब क्राँयाब धोंन् तब् ग।

१ कोरिन्थी 11:3

अझै क्‍हेमैंइ चु ताँ सेरिगे बिब ङए सैं मुँ: ख्रीष्‍ट ताँन् म्हिमैंए क्र ग, झाइले प्युँ प्ह्रेंस्योए क्र ग, परमेश्‍वर ख्रीष्‍टए क्र ग।

१ कोरिन्थी 11:6

च्हमिरिमैंइ क्र आउ बिस्‍याँ चइ क्र खोरवालेन् तम्। दिलेया क्र खोरवामा फा पिम् बिस्याँ चइ क्रमुँ कुल् त्‍हुम्

२ कोरिन्थी 8:23

तीतस बिस्याँ ङए थु तसि ङने बालुन् क्हेमैंलाइ ल्होबै के लम्। चने बालु खबै अरू अलिमैं ख्रीष्‍टए मान तबै के लबर बिश्‍वासीमैंइ कुल्मिंब् ग।

याकूब 3:9

चु लेउँइँलेन् ङ्योइ ङ्योए प्रभु नेरो परमेश्‍वर आबाए मिं क्वेम्, धै चु लेउँइँलेन् परमेश्‍वरजी बनेबै म्‍हिमैंलाइ गाल् केम्।