१ कोरिन्थी 11:3 - परमेश्‍वरए ताँ तमु क्युइर

³ अझै क्‍हेमैंइ चु ताँ सेरिगे बिब ङए सैं मुँ: ख्रीष्‍ट ताँन् म्हिमैंए क्र ग, झाइले प्युँ प्ह्रेंस्योए क्र ग, परमेश्‍वर ख्रीष्‍टए क्र ग।

१ कोरिन्थी 11:3 ပူးပေါင်းရင်းမြစ်များ

उत्पत्ति 3:16

झाइले खीजी च्हमिरिने बिइ, “क्हिए प्हसे फिबै त्हेर्बै बेथा ङइ बेल्‍ले बडिमिंब्‍मुँ। क्हिइ दुःखले प्हसे फिब्‍मुँ। क्हिए सैं प्युँ ङाँइँन तरिब्‍मुँ, छतसि चइ क्हिए फिर क्‍ल्हे लब्‍मुँ।”

मत्ती 28:18

छतमा येशू चमैं ङाँर खसि बिइ, “स्वर्ग नेरो पृथ्‍बीर्बै तोन्दोंरि हग परमेश्‍वरजी ङने पिंइमुँ।

यूहन्‍ना 14:28

‘ङ ह्‍यासिन् मुँ, धबै क्हेमैं ङाँर’ युब्मुँ बिसि ङइ बिबै ताँ क्हेमैंइ थेइ। क्हेमैंइ ङलाइ म्हाँया लस्याँ ङ आबा ङाँर ह्‍यासिन् मुँ बिब् थेसि क्हेमैं सैं तोंमल। तलेबिस्याँ ङ भन्दा थेब आबा मुँ।

१ कोरिन्थी 3:23

झाइले क्‍हेमैं ख्रीष्‍टल् ग, धै ख्रीष्‍ट परमेश्‍वरल् ग।

एफिसी 4:15

बरु ङ्योइ म्हाँया लसि खोंयोंइन क्‍ह्रोंसेंन्‍बै ताँ पोंसि ङ्यो तोन्दोंरि सैर बडिसि बिश्‍वासीमैंए क्र ख्रीष्‍ट धोंन् तल् त्‍हुम्।

कलस्सी 1:18

खीए फिर बिश्‍वास लब्मैं खीए ज्यु ग, चमैंए क्र खीन् ग। खीजी चमैंलाइ सोल् लमिंमुँ। ख्रीष्‍ट ताँन् सै भन्दा थेब तरिगे बिसि परमेश्‍वरजी ताँन् भन्दा ओंसों ख्रीष्‍टलाइ सोगों लमिंइ।

कलस्सी 2:10

क्हेमैं ख्रीष्‍ट येशूने घ्रिन् तबइले छ्हर योंल् त्हुबै ताँन् सैमै योंबै क्ल्ह्‍योर क्हेमैं फेखइमुँ। ताँन् शक्‍तिमैं नेरो ग्याल्समैंए फिर्बै थेब खीन् ग।

कलस्सी 2:19

छाबै म्‍हिमैं ख्रीष्‍टए लिलि आप्र। ख्रीष्‍ट क्र ग, झाइले बिश्‍वासीमैं ताँन् खीए ज्यु ग, धै ख्रीष्‍टउँइँलेन् ताँन् ज्युइ भों योंम्। छले मत्‍त्रे अँख्ला बाख्लमैं त्हुँसि ज्यु तम्। छतसि परमेश्‍वरए सैंर मैंब् धोंलेन् ज्यु बडिदै ह्‍याम्।

कलस्सी 3:18

ओ च्हमिरिमैं, क्हेमैं प्रभुए उँइँर छ्याँब तबै ल्हागिर ह्रों-ह्रोंसए प्‍युँए न्होंर टिद्।

१ पत्रुस 3:1

ओ च्हमिरिमैं, ह्रोंसए प्‍युँए न्होंर टिद्। तलेबिस्याँ कोइ च्हमिरिए प्‍युँ परमेश्‍वरउँइँले खबै सैं तोंबै ताँ थेल् आङिंलेया क्हेमैंए छ्याँबै बानि ब्योर म्रोंसि चमैंए सैं एब्‍मुँ। क्हेमैंइ तोइ बिल् आत्‍हु,