१ कोरिन्थी 11:29 - परमेश्‍वरए ताँ तमु क्युइर

²⁹ तलेबिस्याँ प्रभुए ज्यु कति थेबै सै जा बिसि छेनाले आक्होल्‍लेन् खाबइ क्‍हें चमुँ, प्‍हेलाउँइँले थुँमुँ चइ ह्रोंसए फिर्न दण्ड पखब्मुँ।

१ कोरिन्थी 11:29 ပူးပေါင်းရင်းမြစ်များ

लूका 7:34

परमेश्‍वरजी कुल्मिंबै म्हिए च्ह चु ह्‍युलर युसि चमा, थुँमा ‘चुम् चप्ला प्हाको बालि रेब्‍मैं नेरो पापिमैंए थु मुँनमैं,’ बिसि क्‍हेमैंइ बिम्।

रोमी 13:2

छतसि खाबइ सरकारए बिरोध लमुँ चइ परमेश्‍वरजी खटिदिबै म्हिलाइ बिरोध लम्। छ लब्‍मैंइ सजैं योंब्‍मुँ,

१ कोरिन्थी 11:24

झाइले परमेश्‍वरलाइ धन्‍यबाद पिंसि क्‍हें लुँसि छ बिइ, “चु क्‍हें क्‍हेमैंए ल्हागिर ङए ज्यु ग। ङलाइ मैंबै ल्हागिर चब्रें लद्।”

१ कोरिन्थी 11:27

छतसि खाबइ आगुए सैं फो नल् लसेया च ताँमैं आक्ह्रिल्‍लेन् चु क्‍हें चमुँ, धै चु प्‍हेलाउँइँले थुँम् बिस्याँ, प्रभुए ज्यु नेरो को तो धोंइ आङ्हाँन्ले चबइले प्रभुए उँइँर च म्‍हि दोषि तब्‍मुँ।

१ कोरिन्थी 11:28

छतसि ताँन् म्‍हिमैंइ ओंसों “ङ प्रभु भोज चबर लायकबै मुँ उ आरे?” बिसि ह्रोंसइन ह्रोंसलाइ जाँचेरिगे। च लिउँइँ मत्‍त्रे क्‍हें चरिगे धै प्‍हेलाउँइँले थुँरिगे।

१ कोरिन्थी 11:30

छेनाले आक्होल्‍ले चबइले क्‍हेमैं न्‍होंरि ल्हें म्‍हिमैं नब छब तइमुँ, धै को-कोइम् सियाइमुँ।

हिब्रू 5:14

सारो चबै सै थेब् तल् खाँबै म्‍हिमैंए ल्हागिर ग। चमैं छ्याँब नेरो आछ्याँबै ताँ फेलल् खाँम्‍मैं तम्।

याकूब 3:1

ओ अलि-अङाँमैं, क्‍हेमैंए न्होंरि ल्‍हें म्‍हिमैं लोमिंबै चिब तल् आम्‍हैद्, तलेबिस्याँ परमेश्‍वरजी निसाफ लमा लोमिंबै चिब्मैंलाइ कडा निसाफ लब्मुँ बिसि क्‍हेमैंइ था सेइमुँ।

याकूब 5:12

ओ अलि-अङाँमैं, ताँन् भन्दा थेबै ताँ चुन् ग: स्‍वर्ग, पृथ्‍बी नेरो अरु तोइ सैए मिंर कसम आचद्। बरु ह्रोंस छ्याब आरेब् तबै ल्हागिर क्ह्रोंसेंन्बै ताँ मुँस्याँ “ङिंबन्” बिद्, आङिंबै ताँ मुँस्याँ “आङिं” मत्‍त्रे बिद्। खै तमुँ, छान् बिद्।