१ कोरिन्थी 11:28 - परमेश्‍वरए ताँ तमु क्युइर

²⁸ छतसि ताँन् म्‍हिमैंइ ओंसों “ङ प्रभु भोज चबर लायकबै मुँ उ आरे?” बिसि ह्रोंसइन ह्रोंसलाइ जाँचेरिगे। च लिउँइँ मत्‍त्रे क्‍हें चरिगे धै प्‍हेलाउँइँले थुँरिगे।

१ कोरिन्थी 11:28 ပူးပေါင်းရင်းမြစ်များ

मत्ती 26:22

चु ताँ थेसि चमैं बेल्‍ले न्हुँ लसि घ्रि-घ्रिले “प्रभु, च म्हि ङ वा?” बिसि ङ्योएबर होंइ।

१ कोरिन्थी 11:29

तलेबिस्याँ प्रभुए ज्यु कति थेबै सै जा बिसि छेनाले आक्होल्‍लेन् खाबइ क्‍हें चमुँ, प्‍हेलाउँइँले थुँमुँ चइ ह्रोंसए फिर्न दण्ड पखब्मुँ।

१ कोरिन्थी 11:31

छतसि “ङ प्रभु भोज चबै लायकबै मुँ उ आरे?” बिसि ह्रोंसइन ह्रोंसलाइ जाँचेसि ङ्योइ प्रभु भोज चस्‍याँ परमेश्‍वरउँइँले ङ्योइ दण्ड योंरिब् आरे।

२ कोरिन्थी 13:5

क्‍हेमैं बिश्‍वासर भोंब मुँ उ आरे बिसि ह्रोंसए जाँच लद्। जाँचर फेल् आतस्याँ येशू ख्रीष्‍ट क्‍हेमैंने बालु तम् बिसि क्हेमैंइ सेल् त्हुम्।

गलाती 6:4

छतसि ताँन् म्‍हिमैंइ ह्रोंसइ लबै केमैं ठिक मुँ उ आरे बिसि बिचार लरिगे, धै ह्रोंसइ लबै केमैं छ्याँब तब् म्रोंसि च सैं तोंरिगे। दिलेया अरूइ भन्दा ङइ छ्याँबै केमैं लइ बिसि थेब् आप्हैंरिगे।