१ कोरिन्थी 11:24 - परमेश्‍वरए ताँ तमु क्युइर

²⁴ झाइले परमेश्‍वरलाइ धन्‍यबाद पिंसि क्‍हें लुँसि छ बिइ, “चु क्‍हें क्‍हेमैंए ल्हागिर ङए ज्यु ग। ङलाइ मैंबै ल्हागिर चब्रें लद्।”

१ कोरिन्थी 11:24 ပူးပေါင်းရင်းမြစ်များ

भजनमैं 111:4

खीजी ह्रोंसए औदिबै केमैं मैंरिल् पिंइमुँ; याहवेहजी ङ्योए फिर ल्हयो खसि दयाम्हाँया लम्।

भजनमैं 22:26

ङ्हाँदुमैं चसि म्रेंब्मुँ, याहवेह म्हैब्मैंइ खीलाइन थेब् लब्मुँ। धै चमैं खोंयोंन् बिलै सोरिल् योंब्मुँ!

भजनमैं 22:29

ह्‍युलर्बै ताँन् प्लो प्लोब्मैंइ भोज चदै सैं तोंदै क्हिए मिं क्वेब्मुँ। ह्रोंसलाइ जोगेल् आखाँब्मैं सर्न कोंनेल् त्हुब्मुँ, चमैं ताँनइ क्हिए उँइँर्न च्हि तुँब्मुँ।

प्रस्थान 12:14

च चाड क्हेमैंए ल्हागिर म्‍लेसे म्‍लेल् आखाँबै त्हिंइ तब्मुँ, क्हेमैंइ च त्हिंइ याहवेहए ल्हागिर चाड म्हाँदिब्मुँ। क्हेमैंइ चु चाड पुस्ता पुस्ता समा लिउँज्यै या खोंयोंन् बिलै म्हाँदिब्रें लद्।

प्रस्थान 28:12

इस्राएलए च्हमैं मैंबै ल्हागिर च युँमा ङ्हिं एपोदए प्हैंदर च्योमिंन्। झाइले याहवेहजी खोंयोंन् बिलै मैंरिगे बिसि चमैंए मिं हारूनइ ह्रोंसए प्हैंदर नोरिगे।

हितोपदेश 9:5

धै “खो, ङने बालु चदु, ङने मुँबै लिंबै अँगुरए प्हा थुँन्।

मत्ती 26:13

क्ह्रोंसेंन ङ क्हेमैंने बिमुँ, ह्‍युल तिगोंन् परमेश्‍वरए सैं तोंबै ताँ बिमिंबै क्ल्ह्‍योजरे चु च्हमिरिइ लबै छ्याँबै केए बयन चलाइ मैंबै ल्हागिर म्‍हिमैंइ लब्‍मुँ।”

१ कोरिन्थी 11:23

तलेबिस्याँ प्रभुजी ङने लोमिंबै ताँमैंन् क्हेमैंलाज्यै या ङइ लोमिंइमुँ। खीलाइ क्हाबै म्‍हुँइँसर खीजी क्‍हें छेइ,

१ कोरिन्थी 11:25

छलेन क्हें चल् खाँबै लिउँइँ प्रभुजी प्‍हेला छेसि बिइ, “चु प्‍हेला ङए कोर मुँबै छारा बाछा ग। चु बाछार ङए कोइ छाप झोंइमुँ। ङ मैंबै ल्हागिर चु क्‍हेमैंइ थुँब्रें लद्।”