१ कोरिन्थी 11:22 - परमेश्‍वरए ताँ तमु क्युइर

²² चब् थुँब् लबै ल्हागिर क्हेमैंए धिं आरे वा? क्‍हेमैंइ परमेश्‍वरए म्हिमैंलाइ तो धोंइ आङ्हाँ वा, धै तोइ आरेब्‍मैंलाइ फा पिन् लब् वा? क्‍हेमैंए सैंर खै ङ्हाँइमुँ? छाबै केए ल्हागिर क्हेमैंइ ठिक लइ बिसि बिब् वा? अँहँ, ङइ तिफुँइ बिल् आखाँ।

१ कोरिन्थी 11:22 ပူးပေါင်းရင်းမြစ်များ

हितोपदेश 17:5

ङ्‍हाँदुमैंलाइ प्ह्रबै म्हिइ चलाइ बनेबै परमेश्‍वरए आब्रु वाब् ग; धै आगुए फिर दुःख तमा सैं तोंबै म्हिमैंइ दण्ड योंब्मुँ।

चेला चिब्मैंए केमैं 20:28

तारे क्हेमैं ह्रोंसै या न्ह क्रों मि क्रोले टिद्, धै पबित्र प्ल्हजी क्हेमैंने जिम्मा पिंबै बगालै या छेनाले ङ्‍ह्‍योद्। प्रभु येशूजी ह्रोंसए को पिंसि परमेश्‍वरए चर्च किंब् ग। छतसि चए छैं छेनाले लद्।

१ कोरिन्थी 10:32

क्‍हेमैंइ छ्ह थोमा यहूदी मुँले, अरू ह्रेंमैं मुँले, परमेश्‍वरए फिर बिश्‍वास लब्मैं मुँले, खाबलाज्यै या सैं नल् लबै के आलद्।

१ कोरिन्थी 11:17

तारे अरू ताँरै या क्हेमैंइ ठिक के लइ बिसि ङइ बिल् आखाँ, तलेबिस्याँ क्‍हेमैं खागु तसि लल् म्हैबै केर छ्याँब् भन्दा आछ्याँब् त्हेन् तम्।

१ कोरिन्थी 11:2

ङइ क्‍हेमैंलाइ स्‍याबासि पिंम्, तलेबिस्याँ क्‍हेमैंइ खोंयोंन् बिलै ङलाइन मैंसि ङइ लोमिंब् धोंले लरिइमुँ।

१ कोरिन्थी 11:34

बरु क्‍हेमैंइ प्रभु भोज चमा परमेश्‍वरजी दोषि आठर्दिरिगे बिसि क्‍हेमैं न्‍होंरि को-कोइ फो ख्रेंस्‍याँ धिंर्न चद्। अरू ताँमैं ङ क्‍हेमैं ङाँर खसि लस्यो।

१ कोरिन्थी 15:9

तलेबिस्याँ कुल्मिंबै चेला चिब्मैं न्‍होंरि ङ धाँसे केर आफेब् ग। ङ कुल्मिंबै चेला चिब बिबै लायकर्बै आरे, तलेबिस्याँ ङइ ओंसों परमेश्‍वरए म्‍हिमैंलाइ बेल्‍ले दुःख पिंल।

१ तिमोथी 3:15

खनिज्यै ङ खब क्हैयाइ बिस्याँ परमेश्‍वरए प्हसेमैंए बानि ब्योर खैब तल् त्‍हुम् बिसि क्हिइ छेनाले सेल् त्हुम्। परमेश्‍वरए प्हसेमैं खोंयोंन् बिलै सोगों तबै परमेश्‍वरए मण्‍डलि ग, धै क्ह्रोंसेंन्बै मुल त्हो नेरो जग ग।

१ तिमोथी 3:5

तलेबिस्याँ खाबज्यै या ह्रोंसए धिंर्बै परवामैं खागु लल् आखाँ बिस्‍याँ, झन् परमेश्‍वरए फिर बिश्‍वास लब्मैंलाइ खैले खागु लल् खाँमुँ?