१ कोरिन्थी 11:16 - परमेश्‍वरए ताँ तमु क्युइर

¹⁶ दिलेया चु ताँए बारेर को-कोइइ तोइ बिदा ङ्हाँम् बिस्‍याँ ङइ चमैंने बिमुँ, ङिए न्होंरि अरू तोइ रोसमैं आरे, परमेश्‍वरए बिश्‍वासीमैं न्‍होंरै या अरू तोइ रोसमैं आरे।

१ कोरिन्थी 11:16 ပူးပေါင်းရင်းမြစ်များ

चेला चिब्मैंए केमैं 21:21

दिलेया चमैंइ क्हिए बारेर स्योलिबै ताँ थेइ। ‘मोशाइ पिंबै ठिम पिवाद्, धै कोलोमैंए ज्युर चिनु आलद्, यहूदी रोस आम्हाँदिद्,’ बिसि क्हिइ अरू ह्रेंमैंए म्हाँजोर टिबै यहूदीमैंलाइ लोमिंइँमुँ रो।

चेला चिब्मैंए केमैं 21:24

चमैंने बालु क्हि या चोखो तदु, चमैंए खर्ज या क्हिइन फोमिंनु। धै चमैंइ क्र खोररिगे। छले क्हिइ ठिम म्हाँदिब् म्रोंसि क्हिए बारेर ओंसों थेबै आछ्याँबै ताँ क्ह्रोंसेंन् आङिंन बिसि ताँनइ सेब्मुँ।

१ कोरिन्थी 11:15

दिलेया च्हमिरिए क्र ह्रिंग्‍यो मुइबिस्‍याँ च बेल्‍ले ङ्‍हेंम्। तलेबिस्याँ ह्रिंग्‍यो क्र परमेश्‍वरजी चलाइ हुबै ल्हागिर पिंब् ग।

१ कोरिन्थी 16:1

यहूदीया ह्‍युलर्बै परमेश्‍वरए म्‍हिमैंलाइ ल्होबर रेबै भेटिए बारेर ताँ घ्रि बिल् त्‍हुम्। ङइ गलातिया ह्‍युलर्बै बिश्‍वासीमैंने बिब् धोंले क्‍हेमैंज्‍यै या लद्।

१ कोरिन्थी 4:5

छतसि ठिक त्हे आतन् समा खाबै फिरै या क्हेमैंइ छ्याब् आल्हैदिद्, ताँनए निसाफ प्रभुजीन् च त्हेर लम्। म्हिमैंइ आसेल्‍ले लबै आछ्याँबै केमैं या ताँनइ सेल् लमिंब्मुँ, छलेन म्‍हिमैंए सैं न्‍होंर्बै ताँमैं या उँइँमिंब्‍मुँ। धै म्हिमैंइ खैबै केमैं लइमुँ च अनुसार्बै इनाम परमेश्‍वरजी चमैंलाइ पिंब्‍मुँ।

१ कोरिन्थी 7:17

परमेश्‍वरजीन् ङ्यो ताँनलाइ त्हाँब् ग, बरदानै या खीजीन् पिंब् ग। छतसि ह्रोंसइ योंबै बरदान अनुसार्बै केमैं लसि छ्ह थोल् त्हुम्। ताँन् क्‍ल्‍ह्‍योर्बै बिश्‍वासीमैंने ङइ चु ताँन् बिइमुँ।

१ कोरिन्थी 9:1

ङ पावल खाबै न्होंर मुँ रो वा? ङ कुल्मिंबै चेला चिब आङिं वा? ङ्योए प्रभु येशूलाइ ङइ आम्रोंइमुँ वा? क्हेमैंन् प्रभुए ल्हागिर ङइ लबै केए रोमैं आङिं वा?

१ कोरिन्थी 9:6

बर्णाबास नेरो ङइ मत्‍त्रे के लसि ह्रोंसए फो न्हल् त्हुब् रो वा?

१ थेसलोनिकी 2:14

ओ अलि-अङाँमैं, यहूदीया ह्‍युलर्बै बिश्‍वासीमैंइ योंब् धों तबै दुःख क्हेमैंज्यै योंइ। तलेबिस्याँ चमैंइ खेंमैंए यहूदी म्हिमैंउँइँलेन् दुःख योंब् धोंले क्हेमैंज्यै या ह्रोंसए ह्‍युलर्बै म्‍हिमैंउँइँले दुःख योंइ।