१ कोरिन्थी 11:12 - परमेश्‍वरए ताँ तमु क्युइर

¹² तलेबिस्याँ मुँयुँउँइँले च्हमिरि बनेब् ग, मुँयुँ च्हमिरिइ फिब् ग। चु तोन्दोंरि सै परमेश्‍वरउँइँलेन् तब् ग।

१ कोरिन्थी 11:12 ပူးပေါင်းရင်းမြစ်များ

हितोपदेश 16:4

याहवेहजी तोन्दोंरि सैमैं खीए सैंर मैंब् धोंले बनेइमुँ, खीजी दुष्‍ट म्हिमैं या नास तबै त्हिंइए ल्हागिर साँथेंइमुँ।

रोमी 11:36

तलेबिस्याँ परमेश्‍वरजी तोन्दोंरि सै बनेइ, तोन्दोंरि सै खीउँइँलेन् खीए ल्हागिर्न ग। परमेश्‍वरए मिं खोंयोंन् बिलै थेब तरिगे। आमेन, छान् तरिगे।

१ कोरिन्थी 11:11

दिलेया प्रभुए उँइँर, प्ह्रेंस्यो या ह्रोंसए प्युँए न्होंर टिल् त्हुमुँ, छलेन प्युँ या ह्रोंसए प्ह्रेंस्योए न्होंर टिल् त्हुम्।

१ कोरिन्थी 8:6

ङ्योए ल्हागिरि घ्रि मत्‍त्रे परमेश्‍वर आबा मुँ। खीजीन् तोन्दोंरि सै बनेइ, छतसि खीए ल्हागिर्न ङ्यो सोम्। धबै ङ्योए ल्हागिरि प्रभु घ्रि मत्‍त्रे मुँ, खी येशू ख्रीष्‍ट ग। खीउँइँलेन् ताँन् सैमैं तखइ, धै खीउँइँलेन् ङ्यो सोल् योंम्।

२ कोरिन्थी 5:18

चु ताँन् छारा के परमेश्‍वरजीन् लमिंब् ग। परमेश्‍वर खीजीन् ख्रीष्‍टउँइँले ङ्योलाइ खीने क्ह्रिल् लमिंइमुँ, धै अरू म्हिमैंलाज्यै या खीने क्ह्रिल् लमिंबै के ङ्योलाइ पिंइमुँ।