१ कोरिन्थी 10:7 - परमेश्‍वरए ताँ तमु क्युइर

⁷ चमैं न्‍होंरि को-कोइ कु पूजा लब् धोंले ङ्योइ कुर पूजा लब आत। च कु पूजा लबै बारेर परमेश्‍वरए छ्वेर छले प्ह्रिइमुँ, “म्‍हिमैं [कुर पूजा लमा] मज्‍जाले चब्-थुँबर क्हुँइ, झाइले छाडाले सेबर रेइ।”

१ कोरिन्थी 10:7 ပူးပေါင်းရင်းမြစ်များ

प्रस्थान 32:17

म्हिमैं कै तेब् थेसि यहोशूइ मोशाने “ब्यारेक न्होंर म्हिमै प्होंब् धों तबै कै थेइमुँ,” बिइ।

प्रस्थान 32:19

झाइले मोशा ब्यारेक चेंदों खरिमा माराए क्ल्या भाराए उँइँर म्हिमैं सेरिब् म्रोंइ। छतमा मोशा बेल्‍ले ह्रिस खसि च युँमाए प्लनामैं कोंए जरर भ्योंवामा च तियाइ।

प्रस्थान 32:4

हारूनइ म्हिमैंउँइँले मारा किंसि मिर गाल्दिइ, धै कोप्दिसि क्ल्या भारा घ्रि बनेइ। छाब् म्रोंसि म्हिमैंइ बिइ, “ओ इस्राएलीमैं! क्हेमैंलाइ मिश्रउँइँले तेइ पखबै क्हेमैंए देवता चुन् ग!” बिइ।

चेला चिब्मैंए केमैं 15:20

दिलेया चमैंए ल्हागिरि चु ताँ प्लि प्ह्रिमिंले: कुलाइ चडिसि जुट् तबै सै चमैंइ आचरिगे, ब्यभिचार आलरिगे, खर्जी ङिसि सैबै खेदोए से आचरिगे, धै को या आचरिगे।

१ कोरिन्थी 10:14

छतसि ओ ङइ खोबै अलि-अङाँमैं, कु पूजा लन् आलद्।

१ कोरिन्थी 5:11

ङइ बिल् म्हैबै ताँ तो जा बिस्‍याँ, “ङ प्रभु येशूए फिर बिश्‍वास लबै म्हि ग” बिमुँ दिलेया चइ आछ्याँबै केमैं, व्यभिचार, लोबि, कु पूजा लब, गाल् केब, प्हा को तब, ह्‍योब, छाबै के लइबिस्‍याँ चने बालु प्रब्-टिब आलद्।

१ कोरिन्थी 6:9

अधर्मिमैंइ परमेश्‍वरए ग्याल्सर्बै आशिक आयों बिब क्‍हेमैं आसेइमुँ वा? क्‍हेमैंइ धोका योंबै के आतरिगे। छेरन् तबै के लब्‍मैं, कु पूजा लब्मैं, ब्यभिचारिमैं, मुयुँमैंनेन् आछ्याँबै के लबै मुयुँमैं,

१ कोरिन्थी 8:7

दिलेया ताँन् बिश्‍वासीमैंइ चु क्ह्रोंसेंन्बै ताँ छेन्‍ले आसेइमुँ। ङ्यो न्‍होंरि कोइ म्‍हिमैंइ ओंसों ओनोंन् कुलाइ चडेबै बानि मुँबइले “कुलाइ पिंबै सै कुल्न ग” बिसि अझै मैंम्। छतसि चमैंइ छ्याँब आछ्याँब छेनाले फेलल् आखाँबइले च कुर चडेबै सैमैं चल् आत बिसि मैंम्।

१ यूहन्‍ना 5:21

ओ ङए कोलोमैं, कु पूजा आलद्।