१ कोरिन्थी 10:28 - परमेश्‍वरए ताँ तमु क्युइर

²⁸ दिलेया खाबै मुँले क्‍हेमैंने, “चु कुर चडेबै सै ग,” बिस्‍याँ च सै आचद्। तलेबिस्‍याँ, चु कुर चडेबै सै ग बिमिंबै म्‍हिए ल्हागिर नेरो चइ छ्याँब् नेरो आछ्याँब फेलल् खाँना बिब् मैंसि च सैमैं आचद्।

१ कोरिन्थी 10:28 ပူးပေါင်းရင်းမြစ်များ

भजनमैं 115:16

स्वर्ग याहवेहलन् ग, दिलेया पृथ्‍बी बिस्याँ खीजी म्हिमैंलाइ पिंइमुँ।

भजनमैं 24:1

पृथ्‍बी नेरो चर मुँबै तोन्दोंरि सैमैं याहवेहलन् ग, ह्‍युल नेरो चर टिब्मैं ताँन् खीलन् ग,

प्रस्थान 9:29

मोशाइ म्रुँने बिइ, “ङ सहरउँइँ त्होंह्‍याबै तोंदोंन् ङइ याहवेह ङाँइ ह्रोंसए यो स्योंब्मुँ, झाइले मु ङ्‍हेब नेरो तिस्यु युब टियाब्मुँ। छले पृथ्‍बी याहवेहलन् ग बिसि क्हिइ सेब्मुँ।

रोमी 14:15

क्‍हिइ तो मुँले चबै सै चमा ह्रोंसए अलिलाइ सैं नल् लइबिस्‍याँ क्‍हिइ चलाइ म्हाँया आल। येशू ख्रीष्‍टजी ह्रोंसए ज्यु पिंसि च अलिलाइ जोगेमिंइ। छतसि च अलि क्‍हिइ चबै सैइ नास आतरिगे।

१ कोरिन्थी 10:26

तलेबिस्याँ “पृथ्‍बी नेरो चर मुँबै तोन्दोंरि सै प्रभुलन् ग,” बिसि परमेश्‍वरए छ्वेर प्ह्रिइमुँ।

१ कोरिन्थी 8:7

दिलेया ताँन् बिश्‍वासीमैंइ चु क्ह्रोंसेंन्बै ताँ छेन्‍ले आसेइमुँ। ङ्यो न्‍होंरि कोइ म्‍हिमैंइ ओंसों ओनोंन् कुलाइ चडेबै बानि मुँबइले “कुलाइ पिंबै सै कुल्न ग” बिसि अझै मैंम्। छतसि चमैंइ छ्याँब आछ्याँब छेनाले फेलल् आखाँबइले च कुर चडेबै सैमैं चल् आत बिसि मैंम्।

१ कोरिन्थी 8:9

बरु छेन्ले मैंन्! क्हिइ तोइ आमैंन्ले कुर चडेबै सै चलेन् तम् बिसि चबइले बिश्‍वासर आभोंबै म्हिमैं पापर आच्होरिगे।