१ कोरिन्थी 10:27 - परमेश्‍वरए ताँ तमु क्युइर

²⁷ छलेन येशूए फिर बिश्‍वास आलब्‍मैं खाबै मुँलेया क्‍हेमैंलाइ चब् चबर न्हिम्तो लइबिस्‍याँ, क्‍हेमैं या ह्‍याबै सैं मुँस्‍याँ, क्‍हेमैंलाइ तो सै चल् पिंमुँ, च सै तोइ संका आलल्‍ले चद्। चु कुर चडेबै सै वा बिसि आङ्योएद्।

१ कोरिन्थी 10:27 ပူးပေါင်းရင်းမြစ်များ

लूका 15:23

झाइले छोबै क्‍यु साँडे सैसि भत्‍यार लसि ङ्यो बेल्‍ले सैं तोंदै चले।

लूका 19:7

छले येशू जखायसए धिंर ह्‍याब् म्रोंसि “अच्‍या छाबै पापि म्हिए धिंरै या प्ह्रें तबर ह्‍याइ बिसि म्हिमैंइ खीए ताँ लबर होंइ।”

१ कोरिन्थी 10:25

छतसि छ लद् ओ: से चुँबै क्‍ल्‍ह्‍योरि तोए से मुँलेना सैंर तोइ आङ्हाँन्‍ले चवाद्। “चु से कुर चडेब् उ?” बिसि आङ्योएद्।

२ कोरिन्थी 1:13

तलेबिस्याँ क्हेमैंइ खेल् आखाँबै ताँ नेरो क्होल् आखाँबै ताँ ङिइ आप्ह्रिइमुँ। छतसि चु प्ह्रिछ्यार्बै ताँ खेमा क्हेमैंइ छेनाले क्‍होब्मुँ बिब ङइ मैंइमुँ।

२ कोरिन्थी 4:2

छलु-म्हिलु नेरो फा पिन् तबै केमैं ङिइ पिवाइमुँ। छलेन ङिइ परमेश्‍वरए ताँमैं म्हिमैंने बिप्रमा स्योलिबै ताँमैं कोंसि आबि। बरु म्हिमैंलाइ क्ह्रोंसेंन्बै ताँ उँइँमिंसि परमेश्‍वर नेरो म्हिमैंए उँइँर ह्रोंसलाइ ठिक ठर्दिबै केमैं ङि लम्।

२ कोरिन्थी 5:11

छतसि परमेश्‍वरने ङ्हिंल् त्हुम् बिब् सेसि ङिइ अरू म्‍हिमैंलाइ प्रभुए बारेर लोमिंम्। ङि खैब मुँ बिब परमेश्‍वरजी सेइमुँ, झाइले ङिइ खैले छ्ह थोइमुँ बिब क्‍हेमैंइ छेनाले था सेरिगे बिब ङए सैंर मुँ।