१ कोरिन्थी 10:17 - परमेश्‍वरए ताँ तमु क्युइर

¹⁷ प्रभु भोजरि क्‍हें घ्रि मत्‍त्रे तम्। छतसि ल्हें मुँलेया ङ्यो ताँन् ज्यु घ्रि धोंन् तब् ग, तलेबिस्याँ ङ्योइ क्‍हें घ्रिउँइँले चम्।

१ कोरिन्थी 10:17 ပူးပေါင်းရင်းမြစ်များ

रोमी 12:5

छलेन ङ्यो ल्‍हेंन् मुँनबिलेया येशूए फिर बिश्‍वास लसेरो खीने घ्रिन् तसि ज्यु घ्रिन् ग। झाइले ङ्यो ताँन् ज्यु घ्रिर्बै स्‍यो स्‍योबै भाग तसि घ्रि घ्रिने गैंदिइमुँ।

१ कोरिन्थी 10:21

क्‍हेमैंइ प्रभुए प्‍हेला नेरो स्यागि म्होंगिए प्‍हेला ङ्हिंना ङ्हिंनउँइँले थुँल् आखाँ। छलेन क्‍हेमैंइ प्रभुए टेबल नेरो स्यागि म्होंगिए टेबलउँइँले या चल् आखाँ।

१ कोरिन्थी 12:12

ज्यु घ्रि मुँ, दिलेया चर ल्हें भागमैं तम्, ज्युर ल्हें भाग मुँलेया ज्यु घ्रिन् तम्, च धोंले येशू ख्रीष्‍ट या छाबन् ग।

१ कोरिन्थी 12:27

क्‍हेमैं ताँन् ख्रीष्‍टए ज्यु ग। झाइले ताँन् म्‍हिमैं च ज्युर्बै भागमैं ग।

एफिसी 3:6

खीए सैंर्बै लोथेंबै चाँजो तो जा बिस्‍याँ चुन् ग: अरू ह्रेंमैंइ यहूदीमैंइ धोंलेन् सैं तोंबै ताँ क्‍वेंस्‍याँ चमैंज्यै या परमेश्‍वरउँइँले आशिक योंब्‍मुँ। अरू ह्रेंर्बै म्हि या ज्यु घ्रिर्बै भागमैं ग। परमेश्‍वरजी येशू ख्रीष्‍टउँइँले पिंम् बिसि फैबै बाछाए आशिक अरू ह्रेंमैंज्यै या योंइमुँ।

एफिसी 4:16

खीए न्होंर ज्युर्बै ताँन् भाग क्‍ह्रिसि टिइमुँ। खीजी ज्युर्बै ताँन् भाग गैंदिसि ठिक ठिक क्ल्ह्‍योर थेंइमुँ। झाइले ताँन् भागइ खेंमैंइ लल् त्हुबै केमैं लइ बिस्याँ ताँन् ज्यु म्हाँयार बडिदै ह्‍याम्।

एफिसी 4:25

छतसि तारे पिरु स्‍योर आतेद्। ङ्यो ताँन् प्रभु येशू ख्रीष्‍टए ज्युए भागमैं ग। छतसि ह्रोंसए बिश्‍वासी अलिमैने क्ह्रोंसेंन्बै ताँ पोंल् त्‍हुम्।

एफिसी 4:4

ज्यु घ्रिन् मुँ, पबित्र प्ल्ह या घ्रिन् मुँ। च धोंलेन् परमेश्‍वरजी ङ्योलाइ पिंबै आशा या घ्रिन् मुँ।

कलस्सी 2:19

छाबै म्‍हिमैं ख्रीष्‍टए लिलि आप्र। ख्रीष्‍ट क्र ग, झाइले बिश्‍वासीमैं ताँन् खीए ज्यु ग, धै ख्रीष्‍टउँइँलेन् ताँन् ज्युइ भों योंम्। छले मत्‍त्रे अँख्ला बाख्लमैं त्हुँसि ज्यु तम्। छतसि परमेश्‍वरए सैंर मैंब् धोंलेन् ज्यु बडिदै ह्‍याम्।

कलस्सी 3:11

छतसि ताँन् म्‍हिमैं घ्रिन् तइमुँ। यहूदीमैं मुँलेया, अरू ह्रेंमैं मुँलेया, ज्युर चिनु ललेया आललेया, आखेब्‍मैं, तोइ आह्रब्मैं मुँलेया, केब्छैंमैं ङिंलेया आङिंलेया, तो मुँलेया, च ताँन् परमेश्‍वरए उँइँर तोइ फरक आरे। ङ्योलाइ चैदिबै सै ख्रीष्‍ट मत्‍त्रे ग, धै ताँन् म्‍हिए सैं न्‍होंर ख्रीष्‍ट टिम्।

कलस्सी 3:15

क्‍हेमैंए सैंर ख्रीष्‍टजी पिंबै शान्तिइ प्लिंरिगे। क्हेमैं ताँन् ज्यु घ्रिर्न क्ह्रिसि शान्ति योंरिगे बिसि परमेश्‍वरजी क्‍हेमैं त्‍हाँब् ग। धै धन्‍यबाद पिंब्‍मैं तद्।